آزاد کشمیر کے وفد کی لارڈ میئر بریڈفورڈ سے ملاقات
اشاعت کی تاریخ: 14th, December 2025 GMT
ملاقات کے دوران آزاد جموں و کشمیر میں تعلیم کے معیار کو بہتر بنانے، نظم و نسق کو مؤثر بنانے اور تعلیمی نتائج کو مزید مضبوط بنانے کے لیے جاری اور مجوزہ اقدامات پر جامع گفتگو کی گئی اور ضلع میرپور کے سرکاری گرلز اسکولوں کو مستحکم بنانے پر زور دیا گیا۔ اسلام ٹائمز۔ جموں و کشمیر تحریکِ حقِ خود ارادیت انٹرنیشنل کے ایک اعلیٰ سطح وفد نے جمعرات 11 دسمبر 2025ء کو برطانیہ کے شہر بریڈفورڈ کے سٹی ہال میں لارڈ میئر آف بریڈفورڈ محمد شفیق سے ملاقات کی۔ ملاقات میں آزاد جموں و کشمیر بالخصوص ضلع میرپور میں تعلیمی شعبے کی بہتری، فروغ اور ادارہ جاتی استحکام پر تفصیلی تبادلہ خیال کیا گیا۔ اس اہم ملاقات میں جموں و کشمیر تحریکِ حقِ خودارادیت انٹرنیشنل کے چیئرمین راجہ نجابت حسین (ستارۂ پاکستان) نے مرکزی کردار ادا کیا جبکہ پاکستان سے نجی دورے پر برطانیہ آنے والی ڈسٹرکٹ ایجوکیشن آفیسر ضلع میرپور میڈم فرخ اویس بھی وفد میں شامل تھیں۔ ملاقات کے دوران آزاد جموں و کشمیر میں تعلیم کے معیار کو بہتر بنانے، نظم و نسق کو مؤثر بنانے اور تعلیمی نتائج کو مزید مضبوط بنانے کے لیے جاری اور مجوزہ اقدامات پر جامع گفتگو کی گئی اور ضلع میرپور کے سرکاری گرلز اسکولوں کو مستحکم بنانے پر زور دیا گیا۔ اس موقع پر میڈم فرخ اویس نے لارڈ میئر کو اپنی قیادت میں متعارف کرائے گئے نئے تعلیمی اقدامات، اصلاحاتی منصوبوں اور انتظامی بہتری سے آگاہ کیا جن کا مقصد سرکاری گرلز اسکولوں میں تعلیمی معیار، گورننس اور طلبہ کی مجموعی کارکردگی کو بہتر بنانا ہے۔
لارڈ میئر آف بریڈفورڈ محمد شفیق نے میڈم فرخ اویس کی انتھک محنت، پیشہ ورانہ وابستگی اور تعلیمی شعبے میں نمایاں خدمات کو سراہتے ہوئے کہا کہ میرپور میں ان کی کاوشوں کے مثبت اثرات واضح طور پر محسوس کیے جا رہے ہیں۔ انہوں نے اس بات پر بھی زور دیا کہ برطانوی کشمیری اور پاکستانی ڈائس پورا آزاد جموں و کشمیر میں تعلیمی ترقی اور اصلاحاتی عمل میں اہم کردار ادا کر سکتی ہے۔ ملاقات میں تعلیمی تعاون، شراکت داری اور عوامی و نجی سطح پر روابط بڑھانے کے امکانات کا بھی جائزہ لیا گیا تاکہ آزاد جموں و کشمیر میں پائیدار تعلیمی بہتری کو یقینی بنایا جا سکے۔ اس موقع پر جموں و کشمیر تحریک حقِ خودارادیت انٹرنیشنل کے سرپرستِ اعلیٰ سردار عبدالرحمٰن خان، ایڈمنسٹریشن ڈائریکٹر ہیری بوٹا، برٹش مسلم ویمنز فورم یوکے کی چیئرپرسن کونسلر صبیہ خان، آزاد کشمیر اوورسیز ویلفیئر کونسل یوکے کے صدر راجہ خالد خلیق، غزالہ چوہدری، اسما اور دیگر معزز کمیونٹی رہنما بھی موجود تھے۔
لارڈ میئر محمد شفیق نے تمام مہمانوں کو خوش آمدید کہتے ہوئے میڈم فرخ اویس کے برطانیہ کے دورے کو خوش آئند قرار دیا اور امید ظاہر کی کہ اس نوعیت کی ملاقاتیں ناصرف عوامی روابط کو مضبوط کریں گی بلکہ آزاد جموں و کشمیر کے تعلیمی شعبے میں بامعنی اور دیرپا پیش رفت کا ذریعہ بھی بنیں گی۔
ذریعہ: Islam Times
کلیدی لفظ: میڈم فرخ اویس ضلع میرپور میں تعلیمی لارڈ میئر
پڑھیں:
نواز شریف نے اگلے ماہ آزاد کشمیر کے دورے کا اعلان کر دیا
سابق وزیراعظم اور مسلم لیگ ن کے قائد نواز شریف نے شاہ غلام قادر اور آزاد کشمیر قیادت کی دعوت پر اگلے ماہ 2 روزہ دورۂ آزاد کشمیر کا اعلان کردیا۔
مسلم لیگ (ن) کی آزاد کشمیر سے متعلق قائم سیاسی کمیٹی کا اہم اجلاس اسلام آباد میں منعقد ہوا، جس کی صدارت پارٹی قائد اور مرکزی صدر میاں نواز شریف نے کی۔ اجلاس میں آزاد کشمیر اور گلگت بلتستان کے سیاسی حالات، آئندہ عام انتخابات اور تنظیمی معاملات پر تفصیلی غور کیا گیا۔
ذرائع کے مطابق اجلاس میں آزاد کشمیر مسلم لیگ (ن) کی اعلیٰ قیادت شاہ غلام قادر کی سربراہی میں شریک ہوئی، جبکہ گلگت بلتستان سے حافظ حفیظ الرحمن سمیت دیگر رہنماؤں نے بھی شرکت کی۔ اجلاس میں سینیٹر رانا ثناء اللہ، مریم اورنگزیب، احسن اقبال، امیر مقام، پرویز رشید اور برجیس طاہر بھی موجود تھے۔
آزاد کشمیر کی سیاسی صورتحال پر بریفنگاجلاس کے دوران شاہ غلام قادر نے نواز شریف کو آزاد کشمیر کی موجودہ حکومت، کارکردگی اور آئندہ انتخابات سے متعلق تفصیلی بریفنگ دی۔ ذرائع کے مطابق، سیاسی اور انتخابی حکمتِ عملی پر شرکا نے اپنی تجاویز بھی پیش کیں۔
ن لیگ آزاد کشمیر کے رہنماؤں چوہدری طارق فاروق، مشتاق احمد منہاس، ڈاکٹر نجیب نقی، بیرسٹر افتخار گیلانی سمیت سابق وزیراعظم آزاد کشمیر راجہ فاروق حیدر اور عبدالرحمان آرائیں نے بھی اجلاس میں شرکت کی۔
نواز شریف کا آئندہ ماہ دورۂ آزاد کشمیرذرائع کے مطابق، نواز شریف نے شاہ غلام قادر اور آزاد کشمیر قیادت کی دعوت پر اگلے ماہ دو روزہ دورۂ آزاد کشمیر کا اعلان کیا۔ اس دورے کے دوران تنظیمی امور، انتخابی تیاریوں اور عوامی رابطہ مہم کو حتمی شکل دیئے جانے کا امکان ہے۔
این ایف سی ایوارڈ میں شمولیت کی درخواستقائد حزبِ اختلاف شاہ غلام قادر نے آزاد کشمیر اور گلگت بلتستان کو این ایف سی ایوارڈ میں شامل کرنے کی درخواست پیش کی۔ ذرائع کا کہنا ہے کہ نواز شریف نے اس معاملے پر وزیراعظم شہباز شریف سے بات کرنے کی یقین دہانی کرائی۔
اگلے انتخابات کے لیے اہم ٹاسکنواز شریف نے سیاسی کمیٹی کو آئندہ عام انتخابات کے لیے اہم ذمہ داریاں اور ٹاسک سونپے، جن میں تنظیمی فعالیت، انتخابی مہم کی تیاری اور حلقہ وار حکمتِ عملی شامل ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر