ینگ ڈاکٹرز ایسوسی ایشن کا ڈیرہ اسماعیل خان میں خیبر میڈیکل یونیورسٹی کیمپس اور شوگر کے امراض کیلئے الگ ہسپتال بنانے کا مطالبہ
اشاعت کی تاریخ: 10th, January 2025 GMT
ینگ ڈاکٹرز ایسوسی ایشن کا ڈیرہ اسماعیل خان میں خیبر میڈیکل یونیورسٹی کیمپس اور شوگر کے امراض کیلئے الگ ہسپتال بنانے کا مطالبہ WhatsAppFacebookTwitter 0 10 January, 2025 سب نیوز
ڈیرہ اسماعیل خان (محمد ریحان )صدر ینگ ڈاکٹرز ایسوسی ایشن ڈیرہ ڈاکٹر اشرف خان بیٹنی کی صوبائی صدر ڈاکٹر اسفندیار بیٹنی کے ہمراہ وائس چانسلر خیبر میڈیکل یونیورسٹی سے ملاقات ، ڈیرہ اسماعیل خان میں خیبر میڈیکل یونیورسٹی کیمپس اور شوگر کے امراض کیلئے الگ ہسپتال بنانے سمیت صحت میں سہولیات کے حوالے سے تبادلہ خیال ۔
تفصیلات کے مطابق صدر ینگ ڈاکٹرز ایسوسی ایشن ڈیرہ ڈاکٹر اشرف بیٹنی نے صوبائی صدر ینگ ڈاکٹرز ایسوسی ایشن ڈاکٹر اسفندیار بیٹنی کی قیادت میں وائس چانسلر خیبر میڈیکل یونیورسٹی سے ملاقات کی۔ ملاقات میں ڈیرہ اسماعیل خان میں شعبہ صحت میں بہتری لانے پر تبادلہ خیال کیا گیا۔ صدر ینگ ڈاکٹرز ایسوسی ایشن ڈیرہ اسماعیل خان اشرف بیٹنی نے ڈیرہ اسماعیل خان میں خیبر میڈیکل یونیورسٹی کیمپس اور شوگر کے امراض کیلئے الگ ہسپتال بنانے کا مطالبہ کیا۔
جس پر وائس چانسلر خیبر میڈیکل یونیورسٹی نے بہت جلد ڈیرہ اسماعیل خان میں کے ایم یو کیمپس اور شوگر کے امراض کے ہسپتال کا قیام عمل میں لانے کی مکمل یقین دہانی کرائی۔ یاد رہے گزشتہ مہینے وائی ڈی اے ڈیرہ اسماعیل خان نے اپنے سالانہ کنونشن کا انعقاد کیا تھا جس میں صوبائی حکومت کو ہسپتالوں میں سہولیات کے حوالے سے 10 مطالبات پیش کئے تھے۔ جن میں عنقریب 5 مطالبات کو عملی جامہ پہنایا جائے گاصدر ینگ ڈاکٹرز ایسوسی ایشن ڈاکٹر اشرف بیٹنی نے کہا کہ ینگ ڈاکٹرز ایسوسی ایشن نے ہمیشہ مریضوں کو سہولیات سمیت صحت کے شعبہ میں سہولیات لانے کا مطالبہ کیا ہے ڈاکٹر اشرف خان بیٹنی نے کہا کہ صوبائی حکومت ڈیرہ اسماعیل خان میں صحت کے حوالے سے سہولیات لانے میں سنجیدہ ہیں جس کا ینگ ڈاکٹرز ایسوسی ایشن خیرمقدم کرتی ہے۔
ذریعہ
ذریعہ: Daily Sub News
کلیدی لفظ: ڈاکٹر اشرف کا مطالبہ بیٹنی نے
پڑھیں:
اسلام آباد، بلاول بھٹو سے وزیر اعلیٰ گلگت بلتستان امجد حسین کی ملاقات
وزیر اعلیٰ نے انہیں وزیراعظم پاکستان میاں محمد شہباز شریف سے ہونے والی ملاقات اور گلگت بلتستان کو عبوری صوبہ بنانے کے حوالے سے اسمبلی قرارداد سے متعلق تفصیلات سے آگاہ کیا۔ اسلام ٹائمز۔ پاکستان پیپلزپارٹی کے چیئرمین بلاول بھٹو زرداری سے گلگت بلتستان کے وزیر اعلیٰ امجد حسین ایڈووکیٹ نے زرداری ہاؤس اسلام آباد میں ملاقات کی اور انہیں وزیراعظم پاکستان میاں محمد شہباز شریف سے ہونے والی ملاقات اور گلگت بلتستان کو عبوری صوبہ بنانے کے حوالے سے اسمبلی قرارداد سے متعلق تفصیلات سے آگاہ کیا۔ پارٹی ذرائع کے مطابق ملاقات میں جی بی میں حکومت سازی، خطے کے مسائل اور پارٹی امور پر تبادلہ خیال کیا گیا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار