وزیراعظم پاکستان سے مسلم ورلڈ لیگ کے سیکرٹری جنرل کی ملاقات، لڑکیوں کی تعلیم کو فروغ دینے کا آعادہ
اشاعت کی تاریخ: 10th, January 2025 GMT
اویس کیانی : وزیراعظم پاکستان سے مسلم ورلڈ لیگ کے سیکرٹری جنرل کی ملاقات ہوئی ۔دونوں رہنماؤں نے کہا مسلم دنیا لڑکیوں کی تعلیم کو فروغ دینے کیلئے پر عزم ہیں ۔
وزیر اعظم محمد شہباز شریف سے مسلم ورلڈ لیگ کے سیکرٹری جنرل شیخ ڈاکٹر محمد بن عبدالکریم العیسیٰ کی وزیرِ اعظم ہاؤس اسلام آباد میں ملاقات ہوئی۔ سیکرٹری جنرل کی پاکستان آمد پر انکا خیرمقدم کرتے ہوئے وزیراعظم نے اسلام آباد میں 11 سے 12 جنوری کو مسلم ممالک میں لڑکیوں کی تعلیم پر بین الاقوامی کانفرنس کی مشترکہ میزبانی میں مسلم ورلڈ لیگ کی حمایت کو سراہا۔ دونوں رہنماؤں نے اس اشتراک کی پائیداری اور افادیت کو اجاگر کیا اور اس بات پر اتفاق کیا کہ اس کانفرنس کے انعقاد سے اس اہم موضوع کے بارے میں عالمی سطح پر ایک اہم پیغام جائے گا کہ مسلم دنیا لڑکیوں کی تعلیم کو فروغ دینے کیلئے پر عزم ہے۔
وزیراعظم کا محصولات کے قانونی مقدمات کو جلد از جلد نبٹانے کا حکم
سیکرٹری جنرل کی مدبرانہ قیادت کی تعریف کرتے ہوئے وزیراعظم نے عالمی سطح پر اسلام کے حقیقی تشخص کو فروغ دینے، مسلم دنیا کے مشترکہ مقاصد کی وکالت نیز مذاہب، عقائد اور تہذیبوں کے درمیان باہمی احترام اور افہام و تفہیم کو فروغ دینے میں تنظیم کے تعاون کو سراہا۔ وزیراعظم نے مسلم ورلڈ لیگ کے مقاصد اور اہداف کے لیے پاکستان کی حمایت کا اعادہ کیا۔ انہوں نے سیکرٹری جنرل کا پاکستان میں سیرت میوزیم کے قیام کے فیصلے پر شکریہ ادا کیا اور امید ظاہر کی کہ مسلم دنیا کا یہ اہم منصوبہ جلد پائہ تکمیل کو پہنچے گا.
دھند چھا گئی ، موٹروے بند
سیکرٹری جنرل نے مسلم ممالک میں لڑکیوں کی تعلیم سے متعلق بین الاقوامی کانفرنس کے شاندار انتظامات اور اس سلسلے میں مسلم ورلڈ لیگ کے ساتھ تعاون پر حکومت پاکستان کا شکریہ ادا کیا۔ انہوں نے پاکستان اور امت مسلمہ کے درمیان برادرانہ تعلقات کو مزید مستحکم کرتے ہوئے بین الاقوامی سطح پر مسلم دنیا کے مقاصد کو آگے بڑھانے کے لیے پاکستان کے عزم اور کوششوں کی تعریف کی۔ڈاکٹر محمد بن عبدالکریم العیسی نے وزیرِ اعظم کو بتایا کہ اس کانفرنس کے اختتام پر مسلم ممالک میں لڑکیوں کی تعلیم کے حوالے سے متفقہ "اسلام آباد ڈیکلریشن" جاری کیا جائے گا جو کہ خواتین کی تعلیم کے فروغ کے حوالے سے ایک سنگ میل ثابت ہوگا. انہوں نے بتایا کہ اس کانفرنس میں دنیا بھر سے اپنے شعبوں کے نامور و معروف مختلف مکاتب فکر کے جید علماء، اسکالرز اور ماہرین تعلیم حصہ لے رہے ہیں. یہ کانفرنس خواتین کی تعلیم اور اسلام و فوبیا جیسے اہم موضوعات کے بارے میں غلط فہمیاں دور کرنے میں معاون ثابت ہوگی.
لاہور؛ 252 ٹریفک حادثات میں 1 شخص جاں بحق ،259 زخمی
وزیرِ اعظم نے ملاقات میں پاکستان کے سعودیہ عرب کے ساتھ دیرینہ برادرانہ تعلقات کا ذکر کرتے ہوئے خادم الحرمین شریفین سعودی فرمانروا شاہ سلمان بن عبدالعزیر اور سعودی ولی عہد و وزیرِ اعظم محمد بن سلمان آلسعود کیلئے نیک خواہشات کا اظہار کیا. ملاقات میں وزیرِ اعظم نے مشرق وسطی کی صورتحال پر گفتگو کرتے ہوئے اسرائیل کی جانب سے نہتے فلسطینیوں پر جاری مظالم کی مزمت کی اور صورتحال کی بہتری کیلئے عالمی دنیا کے مؤثر کردار کی اہمیت پر زور دیا.
معمولی سی بات پر نوجوان کی خودکشی کی کوشش
ملاقات میں نائب وزیرِاعظم و وزیرِ خارجہ محمد اسحاق ڈار، وزیر برائے وفاقی تعلیم و پیشہ ورانہ تربیت ڈاکٹر خالد مقبول صدیقی، وزیرِ مذہبی امور چوہدری سالک حسین، معاون خصوصی سید طارق فاطمی، پاکستان میں سعودی عرب کے سفیر نواف سعید المالکی اور متعلقہ اعلی حکام نے شرکت کی.
ذریعہ: City 42
کلیدی لفظ: سیکرٹری جنرل کی لڑکیوں کی تعلیم کو فروغ دینے مسلم دنیا کرتے ہوئے انہوں نے
پڑھیں:
وزیراعظم کاعمان کے سلطان کو فون، عید کی مبارکباد اور دورہ پاکستان کی دعوت دی
اسلام آباد(ڈیلی پاکستان آن لائن)عید الاضحیٰ کے پرمسرت موقع پر وزیراعظم شہباز شریف نے آج سلطنت عمان کے سلطان ھیثم بن طارق سے ٹیلی فونک رابطہ کیا ہے۔
نجی ٹی وی جیو نیوزنے ذرائع کے حوالے سے بتایاکہ وزیراعظم شہباز شریف نے عمان کے سلطان کو عید الاضحیٰ کی مبارکباد دینے کیلئے ٹیلیفون کیا، دوران گفتگو وزیر اعظم نے سلطان ھیثم اور عمان کے برادر عوام کو عید کی مبارکباد پیش کی۔
رابطے کے دوران دونوں رہنماؤں نے امت مسلمہ کےدرمیان اتحاد اور ہم آہنگی کےلیے دعا کی، غزہ کے عوام کے لیے بھی خصوصی دعا کی گئی۔
وزیراعظم نے پاکستان اور بھارت کے حالیہ بحران کے دوران عمان کے مؤقف پر شکریہ ادا کیااور کشیدگی میں کمی اور مذاکرات کیلئے ان کی حمایت کو سراہا، وزیراعظم نےسلطنت عمان کےساتھ تمام شعبوں میں دوطرفہ تعاون کو مزید مضبوط بنانے کی ضرورت پر بھی زور دیا۔
دوسری جانب وزیر اعظم نے عمان کے سلطان کو پاکستان کا سرکاری دورہ کرنے کے لیے اپنی دعوت کا اعادہ کیا جس پر سلطان ہیثم نے دعوت قبول کرتے ہوئے وزیراعظم کو بھی عمان کا سرکاری دورہ کرنے کی دعوت دی۔وزیرِاعظم ہاؤس کے مطابق دونوں دورے باہمی طور پر سفارتی ذرائع سے مناسب تاریخوں پر ہوں گے۔
کراچی: میں بینک کے لاکرز لوٹ لیے گئے، سکیورٹی گارڈ سہولت کار نکلا
مزید :
دریاﺅں اور آبی ذخیروں سے متعلق واپڈا کی رپورٹ جاری