آج حکیم سعید مرحوم کی 105 ویں سالگرہ ہے۔ وہ 1920میں دہلی میں پیدا ہوئے۔ ان کا گھرانہ غیر منقسم بھارت میں عزت ووقار کی نگاہ سےدیکھاجاتاتھا۔ ’’ہمدرد‘‘دواخانہ کا قیام بھی دہلی (بھارت) میں ہواتھا۔ یہ طب کا ایک عظیم دواخانہ ہے جس سے برصغیر پاک وہند کے لاکھوں افراد مستفید ہوئے تھے اور اب بھی ہورہے ہیں۔ تقسیم سے قبل یہ ادارہ دہلی میں قائم کیا گیاتھاجس میں ایسی ادویات بھی شامل تھیں جس سےخاص وعام آدمی مستفید ہوتاتھا اور اب بھی ہورہاہے۔ پاکستان میں ’’ ہمدرد‘‘ تقسیم ہند کے بعد کراچی میں قائم کیا گیاتھا‘ اس کے سربراہ جناب حکیم سعید اروان کے رفقا ء تھے۔ ہمدرد پاکستان چند دنوں میں ہی عوام اورخواص میں مقبول ہوگیا کیونکہ ان کی ادویات جہاں سستی تھیں وہیں ان کے استعمال سے بیماری بہت جلد ختم ہوجاتی تھی۔ ’’ہمدرد‘‘ جیسا کہ میں نے پہلے لکھاہےکہ یہ دہلی میں قائم ہواتھا۔ پاکستان میں حکیم سعید نے اس کی بنیاد رکھی اور اس ہی طرح چلایاجس طرح دہلی میں چلایا گیاتھا۔
حکیم سعید صاحب خود ایک بہت اچھے معالج تھےبلکہ یہ کہنامناسب ہوگا کہ وہ یونانی دوائیں بھی ایجادکیاکرتے تھے جس کے استعمال سے ہرخاص و عام کو بہت فائدہ حاصل ہوتاہے۔ حکیم سعید مزاجاً سادہ اور نیک فطرت کے حامل تھے۔ تمام تر شہرت اور دولت کے باوجود وہ ایک سادہ زندگی بسرکرتے تھے۔ وہ اپنے ہی گھر میں اپنی بیٹی کے ایک کمرے میں کرایہ دار کی حیثیت سے رہتےتھے۔ میرےلئے یہ بات بڑی حیران کن تھی۔ لیکن حقیقت یہی تھی۔ انہوں نے یونانی ادویات پربہت کام کیاتھا یعنی تحقیق کی تھی اور پاکستان میں اس موضوع پر عالمی سطح کے سیمینار منعقد کرائے تھے۔ ان سیمینار سے دنیاکو یہ معلوم ہوا کہ طب یونانی اور اس کےذریعےعلاج عوام اورخواص دونوں کے لئے کتنا موثر بھی ثابت ہورہاہے۔ حکیم سعید پورےپاکستان کا سفر کرکے نہ صرف مریضوں کا علاج کرتے تھے بلکہ پاکستانیوں کو یہ باور کراتے تھے کہ طب یونانی ہرقسم کے علاج کے لئے موثر ومفید ہے۔
حکیم سعید صاحب مزاجاً سادہ لوح قسم کے آدمی تھے۔ ان کی شخصیت میں ’’دکھاوا‘‘ بالکل نہیں تھاحالانکہ برصغیرجنوبی ایشیا کے علاوہ مغربی ممالک میں بھی ان کی بڑی عزت وتکریم تھی۔ ایک لحاظ سے ہمدرد کی بعض ادویات کے موجددبھی تھے۔ ہمدرد کی ادویات کے استعمال سے پرانے امراض بھی بہت جلد ٹھیک ہوجاتے تھے یہی وجہ ہے کہ آج بھی ’’ہمدرد‘‘ کی ادویات عوام وخواص میں خاصی مقبول ہیں بلکہ ایک عام آدمی کی دسترس کے اندر ہیں۔
حکیم سعید ہر چند کہ سندھ کے گورنر بھی رہے لیکن انہوں نے اس دوران سندھ کی جو خدمات انجام دی ان سے سندھ کے باشعور عوام بخوبی واقف ہیں۔ وہ انسانی خدمت کے جذبہ سے نہ صرف سرشار تھےبلکہ پورے پاکستان میں سفر کرکے مریضوں کا علاج کرتے تھے۔ بہت سے ایسے امراض جوانتہائی پیچیدہ ہوا کرتے، حکیم سعید کے معائنے کے بعد ہمدرد ادویات کے استعمال کے بعد ٹھیک ہوجایاکرتے تھے۔ میں ایک صحافی کی حیثیت سے ان سے کئی بار مل چکاتھا۔ وہ اپنے ہی گھر میں ایک کمرے میں کرائے پر رہتے تھےجس کا کرایہ اپنی بیٹی کوادا کرتے تھے، جواس گھر کی مالکن تھیں۔
حکیم سعید نے طب یونانی کو متعارف کرانے میں پاکستان کے اندر اور باہر بہت کام کیاہے۔ انٹرنیشنل سیمینار منعقد کراکر انہوں نے طب یونانی کی افادیت سے بین الاقوامی کمیونٹی کو آگاہ کیاہے۔ پاکستان میں بھی جو طب یونانی کے سلسلے میں سیمینار منعقد ہوتے تھے‘ اس کا سہراحکیم سعید صاحب کو جاتاہے ۔ وہ نہ صرف اس کے اخراجات برداشت کرتے تھے بلکہ باہر سے آئے مہمانوں کوبھی اپنے ذرائع سے ٹھہراکر سیمینار کو کامیاب بنانے کی کوشش کرتے تھے۔
حکیم سعید دھیمے لہجے میں بات کرتے تھے، دوسروں کی باتوں کو بڑے غور سے سنتے تھے، نوجوانوں کی حوصلہ افزائی کرنے میں کسی قسم کی تساہلی سے کام نہیں لیتے تھے بلکہ انہیں کامیابی کے راستے سے روشناس بھی کراتے تھے۔ ان کا یہ خیال بالکل صحیح تھا کہ اگر انسان اپنے مستقبل سے متعلق کوئی فیصلہ کرلے تو اس پر قائم رہتے ہوئے آگے بڑھے۔ کامیابی ان کے قدم چومے گی۔ جس زمانے میں وہ سندھ کے گورنر رہے انہوں نے بلاتفریق سب کی خدمت کی اور نوجوانوں کے لئے روزگار کے ذرائع بھی پیداکرنے میں کسی قسم کی کوتاہی نہیں برتی۔
وہ بڑے حوصلے کے آدمی تھے، نڈر اور بے باک، انسان کے ذریعے انسان کے استحصال کے سخت خلاف تھے اور اسکے خلاف موثر اور بھرپور آواز بلند کیا کرتے تھے۔ یہی وجہ تھی کہ بعض ناسمجھ اور نادان لوگ ان کی بےباکی سے خوفزدہ ہوکر ان کے خلاف سازشیں کرتے تھے‘ جوبعد میں ان ہی عناصر کے ذریعے ان کی شہادت وقوع پذیر ہوئی ۔ ان کی المناک شہادت نےہرپاکستانی کو سوگوار کیاتھا اور اب بھی ان کی یاد سے آنکھوں میں آنسو آجاتے ہیں۔ پاکستان کی یہ بڑی بدقسمتی ہے کہ یہاں عوام کی خدمت کرنے والے لوگوں کو سماجی منظر سے ہٹانے میں دیرنہیں کرتے ہیں۔ حکیم سعید مرحوم کے ساتھ بھی یہی کچھ ہوا۔ خدا مغفرت کرے۔ وہ ایک عہد ساز شخصیت تھے۔
ذریعہ: Daily Ausaf
کلیدی لفظ: پاکستان میں کے استعمال طب یونانی حکیم سعید انہوں نے دہلی میں
پڑھیں:
وزیراعظم آزادکشمیر کی ملت اسلامیہ کو عید الاضحیٰ کی مبارکباد
اپنے خصوصی پیغام میں وزیراعظم آزادکشمیر نے کہا کہ عید کی اس خوشی کے موقع پر مسلح افواج پاکستان کو خراج تحسین پیش کرتے ہیں اور ان شہداء کو بھی خراج عقیدت پیش کرتے ہیں جن کی بدولت آج ہم عید کی خوشیاں منا رہے ہیں۔ اسلام ٹائمز۔ وزیراعظم آزاد حکومت ریاست جموں و کشمیر چوہدری انوارالحق نے عید الاضحیٰ کے مبارک موقع پر ملتِ اسلامیہ کو مبارکباد پیش کرتے ہوئے کہا ہے کہ یہ عظیم دن ہمیں حضرت ابراہیم اور حضرت اسماعیل کی بے مثال اطاعت، ایثار اور قربانی کی یاد دلاتا ہے جنہوں نے اللّہ تعالیٰ کی رضا کے لیے ہر عزیز شے کو قربان کرنے سے دریغ نہ کیا۔ یہ جذبہ آج بھی ہمیں بڑے مقاصد کے حصول کے لیے قربانی کا درس دیتا ہے۔ اپنے خصوصی پیغام میں وزیراعظم آزادکشمیر نے کہا کہ عید کی اس خوشی کے موقع پر مسلح افواج پاکستان کو خراج تحسین پیش کرتے ہیں اور ان شہداء کو بھی خراج عقیدت پیش کرتے ہیں جن کی بدولت آج ہم عید کی خوشیاں منا رہے ہیں۔ انھوں نے کہا کہ ہمیں آج کے دن شہداء کے خاندانوں کو بھی یاد رکھنا چاہیے۔ وزیراعظم نے کہا کہ کشمیری عوام بھی دہائیوں سے اپنے حقِ خودارادیت کے حصول کے لیے بے مثال قربانیاں دے رہے ہیں اور بھارتی جبر و استبداد کے باوجود ان کی تیسری نسل بھی مزاحمت کی علامت بن چکی ہے۔ آج کے دن ہم ان بہادر کشمیریوں کو سلام پیش کرتے ہیں جو بندوقوں، کرفیو اور ظلم کے سائے میں کلمہ حق بلند کر رہے ہیں۔ وزیراعظم آزادکشمیر نے عالمِ اسلام سے اپیل کی کہ وہ عید الاضحیٰ کے اجتماعات میں مظلوم کشمیریوں کی کامیابی و آزادی کے لیے خصوصی دعائیں کریں اور ان کی جدوجہد کو اپنی آواز فراہم کریں۔ انہوں نے اس عزم کا اعادہ کیا کہ آزادکشمیر کی حکومت اور عوام تحریکِ آزادی کشمیر کی مکمل کامیابی تک اپنی تمام صلاحیتیں بروئے کار لاتے رہیں گے۔
بنارس کی تاریخی اور مسلم اکثریتی بازار کے انہدام پر کورٹ سے راحت