کرک میں ٹرالر مسافر بس پر گرنے سے 3 افراد جاں بحق، ہلاکتیں بڑھنے کا خدشہ
اشاعت کی تاریخ: 11th, January 2025 GMT
کرک میں ٹرالر نے مسافر بس کو کچل دیا جس میں ابتدائی طور پر 3 افراد جاں بحق ہونے کی اطلاع ہے۔
پولیس کے مطابق انڈس ہائی وے امبیری کلہ چوک پر مسافر کوچ ٹرالر کے نیچے آنے سے خاتون اور بچوں سمیت 3 افراد موقع پر جاں بحق ہوگئے جبکہ درجنوں افراد زخمی ہوئے۔
جاں بحق افراد کی تعداد میں اضافے کا خدشہ ہے، مسافر کوچ اب بھی ٹرالر کے نیچے ہے جس میں سے زخمیوں کو نکالا جارہا ہے، پولیس اور ریسکیو ٹیمیں حادثے کے مقام پر مدادی سرگرمیوں میں مصروف ہیں۔
دریں اثنا گورنر خیبرپختونخوا فیصل کریم کنڈی نے کرک میں ٹریفک حادثے کا نوٹس لیتے ہوئے تفصیلات طلب کرلیں، گورنر نے محکمہ صحت کو زخمیوں کو ہرممکن امداد کی فراہمی کی ہدایات جاری کی ہیں۔
گورنر فیصل کریم کنڈی نے ہلال احمر کی ٹیموں کو امدادی سرگرمیوں کی ہدایات کے ساتھ ساتھ پیپلز پارٹی کے کارکنوں کو بھی امبیری کلے میں امدادی سرگرمیوں میں حصہ لینے اور خون کے عطیات دینے کی ہدایت جاری کردی ہیں۔
.ذریعہ: Express News
پڑھیں:
تکنیکی خرابی کے سبب نجی ہیلی کاپٹر نے سڑک پر ہنگامی لینڈنگ کی، تمام مسافر محفوظ
data-id="863a0a8" data-element_type="widget" data-widget_type="theme-post-content.default">
اترکھنڈ: تکنیکی خرابی کے سبب نجی ہیلی کاپٹر نے سڑک پر ہنگامی لینڈنگ کی، بھارتی ریاست اتراکھنڈ کے ضلع رودراپریاگ میں نجی ہیلی کاپٹر نے ہنگامی لینڈنگ کی جب وہ کدارناتھ کی جانب روانہ ہو رہا تھا، اس واقعے میں تمام 5 مسافر محفوظ رہے جبکہ پائلٹ کو معمولی چوٹیں آئیں۔
غیر ملکی میڈیا رپورٹس کے مطابق یہ ہیلی کاپٹر کیلائی ایوی ایشن (Kestrel Aviation) کے AW119 ماڈل کا تھا، جو آٹھ نشستوں کی صلاحیت رکھتا ہے۔
حادثے کی بنیادی وجہ “collective control” یا پرواز کی بلندی برقرار رکھنے کے نظام میں تکنیکی خرابی بتائی گئی، پائلٹ نے فورا ہی کنٹرولڈ فورس لینڈنگ کی تاکہ حادثے سے بچا جا سکے،واقعہ کے دوران ہیلی کاپٹر کا ٹیل روٹر ٹوٹ کر ایک کھڑی گاڑی کو بھی ٹکرایا، جس سے اس میں توڑ پھوڑ ہو گئی، اور اس راستے پر ٹریفک جام کا سبب بھی بنا ۔
اس ناکامی شدہ فلائٹ کے بعد ڈی جی سی اے (DGCA) اور اتراکھنڈ کی سول ایوی ایشن اتھارٹی نے انکوائری شروع کر دی ہے، جبکہ دیگر خدمات متاثر نہیں ہوئیں ۔
خیال رہےکہ یہ چار ہفتوں میں چوتھی بڑی تکنیکی یا حادثاتی رخنہ ہے جس نے چار دھام کے زائرین کیلئے فراہم کی جانے والی ایوی سروسز کی سکیورٹی پر سنگین تشویش پیدا کر دی ،اس سے قبل8 مئی کو گنگوتری کے نزدیک حادثہ، جس میں 6 افراد جاں بحق ہوئے،12 مئی کو بدرناتھ ہیلی پیڈ کے قریب پروپیلر کی وجہ سے گاڑی کو نقصان پہنچا،15 مئی کو کیدارناتھ کے قریب اے آئی آئی ایم ایس کا ہیلی کاپٹر فیل لینڈنگ کرتا رہا۔
تونسہ: پولیس سے مقابلے میں 4 دہشت گرد ہلاک