وزیراعظم کافیس لیس کسٹمز اسیسمنٹ سسٹم تیار کرنیوالی ٹیم کیلئے ڈیڑھ کروڑ انعام کا اعلان
اشاعت کی تاریخ: 11th, January 2025 GMT
اسلام آباد ( ڈیلی پاکستان آن لائن ) وزیراعظم شہباز شریف نے فیس لیس کسٹمز اسیسمنٹ سسٹم کی تیاری اور نفاذ کے لئے کام کرنے والی ٹیم کے لئے ڈیڑھ کروڑ روپے انعام کا اعلان کردیا۔
نجی ٹی وی دنیا نیوز کے مطابق وزیراعظم محمد شہباز شریف سے چیف کلکٹر کسٹمز کراچی زون جمیل ناصر نے ملاقات کی ، وزیر اعظم نے فیس لیس کسٹمز اسیسمنٹ سسٹم کی تیاری اور نفاذ میں نمایاں خدمات کے حوالے سے جمیل ناصر اور کسٹمز کراچی زون میں ان کی ٹیم کی خدمات کو سراہا۔
وزیراعظم شہباز شریف نے کہا کہ فیس لیس کسٹمز اسیسمنٹ سسٹم کی بدولت کسٹم آپریشنز میں شفافیت، کارکردگی اور خدمات کی فراہمی میں نمایاں اضافہ ہوا ہے۔
شہباز شریف نے فیس لیس کسٹمز سسٹم کو عالمی معیار اور فول پروف بنانے کے لئے جدید ترین ٹیکنالوجیز خصوصاً مصنوعی ذہانت کے استعمال پر زور دیتے ہوئے کہا کہ منصفانہ، شفاف اور مو¿ثر کسٹم سسٹم کو یقینی بنانے کے لئے کسٹم نظام میں مزید جدت لائی جائے جو بین الاقوامی معیار سے ہم آہنگ ہو۔
ان کا مزید کہنا تھا کہ فیس لیس کسٹم اسیسمنٹ سسٹم پاکستان کی اقتصادی ترقی میں معاون ثابت ہو گا ، ملک میں کاروبار اور سرمایہ کار دوست ماحول کی فراہمی کے حوالے سے یہ سسٹم ایک اہم سنگ میل ہے، فیس لیس کسٹم اسیسمنٹ سسٹم ایف بی آر کی ڈیجیٹائزیشن کی جانب اہم قدم ہے۔
معروف بھارتی اداکار تشویشناک حالت میں ہسپتال منتقل ، حالت نازک
مزید :.ذریعہ: Daily Pakistan
کلیدی لفظ: فیس لیس کسٹمز اسیسمنٹ سسٹم فیس لیس کسٹم شہباز شریف کے لئے
پڑھیں:
وزیراعظم شہباز شریف جرگے میں شرکت کیلیے کوئٹہ پہنچ گئے
کوئٹہ:وزیراعظم شہباز شریف جرگے میں شرکت کے لیے کوئٹہ پہنچ گئے۔
بلوچستان میں امن و امان کے معاملات، جرگے میں شرکت اور سوراب دھماکے کے زخمیوں کی عیادت سمیت دیگر امور کا جائزہ لینے کے لیے وزیراعظم شہباز شریف ایک روزہ دورے پر کوئٹہ پہنچ گئے۔
وزیراعظم کے اس دورے کا مقصد بلوچستان میں قیامِ امن کے لیے جاری کوششوں کو قبائلی، سیاسی اور انتظامی سطح پر مربوط بنانا ہے۔
حکام کے مطابق وزیراعظم کے کوئٹہ پہنچنے پر قائم مقام گورنر بلوچستان عبدالخالق اچکزئی، وزیراعلیٰ میر سرفراز بگٹی اور دیگر سینئر افسران نے ان کا استقبال کیا۔ وزیراعظم کا دورہ بلوچستان کی مجموعی سکیورٹی صورتحال اور صوبائی قیادت کے ساتھ براہِ راست مشاورت کے تناظر میں اہمیت کا حامل ہے۔
وزیراعظم شہباز شریف صوبے میں امن و امان کے حوالے سے منعقدہ ایک بڑے خصوصی جرگے میں شرکت کریں گے، جس میں بلوچستان کے مختلف اضلاع سے تعلق رکھنے والے قبائلی و سیاسی عمائدین کو مدعو کیا گیا ہے۔
جرگے میں نہ صرف بلوچستان کی موجودہ سکیورٹی صورتحال پر تفصیلی تبادلہ خیال ہوگا، بلکہ امن کے فروغ کے لیے مقامی سطح پر اعتماد سازی کے اقدامات پر بھی بات کی جائے گی۔
جرگے میں گورنر، وزیراعلیٰ، صوبائی وزرا، ارکانِ اسمبلی اور قبائلی رہنماؤں کی بڑی تعداد شریک ہو گی۔ حکومتی ذرائع کے مطابق وزیراعظم کی کوشش ہے کہ صوبے کے پائیدار امن کے لیے تمام اسٹیک ہولڈرز کو اعتماد میں لیا جائے اور ان کی تجاویز اور خدشات کو قومی پالیسی کا حصہ بنایا جائے۔
ذرائع کے مطابق وزیراعظم اپنے اس دورے کے دوران سوراب دھماکے کے زخمیوں کی عیادت بھی کریں گے۔
ہفتے کے پہلے ہی دن سونے کی قیمت میں بڑی کمی