القادر ٹرسٹ کیس کے فیصلے کے عمران خان اور حکومت پی ٹی آئی مذاکرات پر کیا اثرات ہوں گے؟
اشاعت کی تاریخ: 12th, January 2025 GMT
بانی پی ٹی آئی اور بشریٰ بی بی کے خلاف القادر ٹرسٹ کے 190 ملین پاؤنڈ کیس کا فیصلہ احتساب عدالت کے جج ناصر جاوید رانا کل اڈیالہ جیل میں سنائیں گے۔
ایک طرف سینیئر سیاستدان فیصل واوڈا کہہ چکے ہیں کہ اس کیس میں عمران خان کو ضرور سزا ہوگی تو دوسری طرف حکومت اور پی ٹی آئی کے مذاکرات کی بات آگے بڑھ رہی ہے۔
یہ بھی پڑھیں:سیاسی تناؤ کا خاتمہ چاہتے ہیں، پی ٹی آئی سے مذاکرات کے لیے کوئی دباؤ نہیں، خواجہ آصف
اسپیکر قومی اسمبلی ایاز صادق نے کہا ہے کہ تمام اراکین ہیں پارلیمنٹ کے لیے میرے دفتر کے دروازے 24 گھنٹے کھلے ہیں۔
وی نیوز نے قانونی ماہرین اور سیاسی تجزیہ کاروں سے گفتگو کی اور ان سے یہ جاننے کی کوشش کی ہے کہ القادر ٹرسٹ کیس کے فیصلے کے بعد عمران خان کا مستقبل کیا ہوگا اور حکومت اور پی ٹی ائی کے مذاکرات پر اس کے کیا اثرات ہوں گے؟
عمران خان کو قید میں رکھنے پر سوال اٹھیں گےسینیئر تجزیہ کار مجیب الرحمٰن شامی نے وی نیوز سے خصوصی گفتگو کرتے ہوئے کہا کہ عمران خان کو اگر کل القادر ٹرسٹ کیس سے بری کیا جاتا ہے تو میرا نہیں خیال کہ ان کی رہائی ممکن ہوگی، لیکن ایک بات ہے کہ یہ تاثر مزید جنم لے گا کہ عمران خان کو بے قصور قید کیا گیا ہے۔ جس طرح پی ٹی آئی رہنما اور کارکن کہتے ہیں کہ ان کے لیڈر عمران خان بے گناہ ہیں، اگر کل کا فیصلہ عمران خان کے حق میں آ جاتا ہے تو عمران خان کو قید میں رکھنے پر سوال اٹھیں گے، لیکن فیصلے پر تجزیہ کرنا صحیح نہیں ہے جو بھی فیصلہ آئے گا وہ قانونی تقاضے پورے کر کے شہادتوں کی روشنی میں آئے گا۔
یہ بھی پڑھیں:ایسا نہیں ہوسکتا کہ عمران خان کو سزا سنائی جائے اور مذاکرات خوشگوار ماحول میں ہوں، حامد رضا
فیصلہ حکومت اور پی ٹی ائی کے مذاکرات پر اثر انداز نہیں ہوگامجیب الرحمٰن شامی نے کہا کہ القادر ٹرسٹ کیس کا فیصلہ حکومت اور پی ٹی ائی کے مذاکرات پر اثر انداز نہیں ہوگا، حکومت بھی مذاکرات چاہتی ہے اور پی ٹی آئی بھی مذاکرات چاہتی ہے۔ اگر فیصلہ عمران خان کے حق میں آ جائے تو مذاکرات کچھ تیزی سے بڑھ سکیں گے، لیکن اگر فیصلہ خلاف آئے تو کچھ تلخی بڑھے گی لیکن فریقین مذاکرات کو آگے بڑھانا چاہتے ہیں۔
یہ بھی پڑھیں:خواجہ آصف اور مریم نواز مذاکرات ناکام کرنے کی کوشش کر رہے ہیں، اسد قیصر
عمران خان کی مشکلات مزید بڑھ جائیں گیماہر قانون حسن رضا پاشا نے وی نیوز سے خصوصی گفتگو کرتے ہوئے کہا کہ اگر کل عمران خان کو القادر ٹرسٹ کیس میں سزا ہو جاتی ہے تو عمران خان کی مشکلات مزید بڑھ جائیں گی، لیکن اگر ان کو اس کے کیس سے بری کر دیا جاتا ہے تو عمران خان کی رہائی آئندہ چند روز میں ممکن ہو سکے گی، کیونکہ اس وقت صرف یہی ایک خاص کیس ہے جس میں عمران خان قید ہیں دیگر کیسز میں یا تو عمران خان کی سزا معطل ہو چکی ہے یا پھر ان کو ضمانت مل چکی ہے۔
ان کا کہنا تھا کہ جب بھی کسی ملزم کو کسی کیس سے بری کیا جاتا ہے تو اس کے روبکار جاری کرتے وقت اس میں آخر میں لکھا جاتا ہے کہ اگر کسی اور مقدمے میں ملزم مطلوب نہیں ہے یا گرفتار نہیں ہے تو اسے فوری طور پر رہا کر دیا جائے۔
اس کیس میں اختیارات سے تجاوز کرنے کا بھی معاملہ ہےحسن رضا پاشا نے کہا کہ عدالت کی جانب سے پاکستان تحریک انصاف سے تعلق رکھنے والے وکلا جس طرح یہ کہہ رہے ہیں کہ القادر ٹرسٹ کیس بہت کمزور ہے اور عمران خان کی رہائی ممکن ہو جائے گی یا ان کو بری کیا جائے گا، میرا نہیں خیال کہ ایسا کچھ ہے، میرے خیال میں کہ اس کیس میں اختیارات سے تجاوز کرنے کا بھی معاملہ ہے اور دوسرا جو سب سے اہم ہے وہ یہ ہے کہ کیا جو کچھ کیا گیا وہ مجرمانہ ارادے سے شعوری طور پر کیا گیا اور قانون کیخلاف ورزی کی گئی، لیکن پھر بھی یہ معاملہ عدالت میں زیر سماعت ہے اور کل فیصلہ آنے کے بعد ہی سب کچھ واضح ہو گا۔
یہ بھی پڑھیں:پی ٹی آئی سے مذاکرات میں موجودہ صورتحال کی ذمہ دار ن لیگ نہیں، عرفان صدیقی
عمران خان کی فوری رہائی ممکن نہیںسینیئر تجزیہ کار انصار عباسی نے وی نیوز سے خصوصی گفتگو کرتے ہوئے کہا کہ القادر ٹرسٹ کیس کا جو بھی فیصلہ آئے ایک بات تو واضح ہے کہ عمران خان کی فوری رہائی ممکن نہیں ہے۔ عمران خان کیخلاف 9 مئی کے بھی مقدمات زیر سماعت ہیں جو کہ انتہائی اہمیت کے حامل ہیں۔
یہ بھی پڑھیں:حکومت پی ٹی آئی مذاکرات خوش آئند، ایک دوسرے کا وجود تسلیم کرنا ہوگا، انوارالحق کاکڑ
مذاکرات پر کوئی اثر نہیں پڑے گاانصار عباسی نے کہا کہ القادر ٹرسٹ کیس کے فیصلے کا حکومت اور پی ٹی آئی مذاکرات پر کوئی اثر نہیں پڑے گا۔ پی ٹی آئی اور عمران خان کہہ چکے ہیں کہ اس کیس کے فیصلے کا مذاکرات پر کوئی اثر نہیں پڑے گا۔ عمران خان اور پی ٹی آئی کو معلوم ہے اس کیس میں عمران خان اور جو دیگر ملزمان ہیں ان کو سزا ملنی ہے، لیکن اگر پی ٹی آئی کو یا عمران خان کو کچھ ریلیف چاہیے تو وہ مذاکرات کے ذریعے ہی ممکن ہو گا، اس لیے پی ٹی آئی بھی یہ نہیں چاہتی کہ اس کیس کا فیصلہ مذاکرات کو آگے بڑھانے میں رکاوٹ بنے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
190 ملین پونڈ کیس انصارعباسی پی ٹی آئی حسن رضا پاشا عمران خان۔ مجیب الرحمان شامی مذاکرات.ذریعہ: WE News
کلیدی لفظ: 190 ملین پونڈ کیس پی ٹی ا ئی حسن رضا پاشا مجیب الرحمان شامی مذاکرات کہ القادر ٹرسٹ کیس حکومت اور پی ٹی تو عمران خان عمران خان کی کہ عمران خان عمران خان کو اور پی ٹی ا کے مذاکرات رہائی ممکن مذاکرات پر اس کیس میں پی ٹی ا ئی پی ٹی آئی کہ اس کیس کا فیصلہ نہیں ہے ممکن ہو ہیں کہ ہے اور کیس کا
پڑھیں:
پاکستان سنجیدہ مذاکرات کی دعوت دے چکا ، اب فیصلہ بھارت کو کرنا ہوگا، دفتر خارجہ
پاکستان سنجیدہ مذاکرات کی دعوت دے چکا ، اب فیصلہ بھارت کو کرنا ہوگا، دفتر خارجہ WhatsAppFacebookTwitter 0 24 July, 2025 سب نیوز
اسلام آباد (سب نیوز)ترجمان دفترخارجہ شفقت علی خان نے کہا ہے کہ پاکستان بھارت کو سنجیدہ مذاکرات کی دعوت دے چکا ہے، بھارت کو فیصلہ کرنا ہو گا کہ وہ کونسی پالیسی اپناتا ہے، پاکستان غزہ میں جنگ بندی اور 2 ریاستی حل کا مطالبہ کرتا ہے، پاکستان شام پر اسرائیلی حملوں کی شرید مذمت کرتا ہے، اسحاق ڈار نے دورہ امریکا میں اہم رہنماوں سے ملاقاتیں کی ہیں۔
اسلام آباد میں ہفتہ وار پریس بریفنگ دیتے ہوئے ترجمان دفترخارجہ شفقت علی خان نے کہا کہ نائب وزیراعظم اور وزیر خارجہ اسحاق ڈار نیویارک کے دورے پر ہیں، اسحاق ڈار نے اقوام متحدہ مباحثے میں پاکستان کی نمائندگی کی، انہوں نے یو این سیکرٹری جنرل اور صدر جنرل اسمبلی سے الگ الگ ملاقاتیں کیں، پاکستان کی صدارت میں یو این سلامتی کونسل نے اہم قرار داد بھی منظور کی، پاکستان کی صدارت میں سلامتی کونسل نے قرارداد 2788 متفقہ طور پر منظور کی۔ترجمان دفتر خارجہ نے کہا کہ اسحاق ڈار نے فلسطین میں اسپتالوں اور اسکولز پر حملوں کی مذمت کی، پاکستان نے غزہ میں جنگ بندی اور 2 ریاستی حل پر زور دیا، پاک، افغان، ازبک وزرائے خارجہ نے ریل منصوبے پر اجلاس کیا، پاکستان اور یورپی یونین کے درمیان سیاسی مذاکرات برسلز میں ہوئے، پاکستان اور برطانیہ کے درمیان ہتھیاروں کے عدم پھیلا اور جوہری توانائی پر مذاکرات ہوئے۔ شفقت علی خان نے کہا کہ پاکستان نے اسرائیلی بمباری اور شام پر حملوں کی شدید مذمت کی، پاکستان نے فلسطین میں انسانی بحران پر فوری جنگ بندی کا مطالبہ کیا، صرف ایک خود مختار فلسطینی ریاست ہی مسئلہ فلسطین کا منصفانہ حل ہے، پاکستان شام پر اسرائیلی حملوں کی شرید مذمت کرتا ہے، عالمی برادری پر اسرائیلی حملوں کو رکوانے کے لیے زور دیتے ہیں۔انہوں نے مزید کہا کہ پاکستان غزہ فلسطین میں اسرائیلیوں کے ہاتھوں درجنوں فلسطینیوں کی شہادت کی مذمت کرتا ہے، پاکستان اسرائیل پر فوری حملے روکنے کا مطالبہ کرتا ہے، ایران پاکستان کا قریبی ہمسایہ دوست ملک ہے، ایرانی صدر کے دورے کی تاریخ پر کام ہو رہا ہے، 26 جولائی ایرانی صدر کے دورے کی تاریخ میڈیا رپورٹس میں چلائی گئی۔
ترجمان دفتر خارجہ نے کہا کہ نائب وزیراعظم اسحاق ڈار کی امریکی وزیر خارجہ مارکو روبیو سے ملاقات کی تصدیق کرتے ہیں، امریکی سیکرٹری خارجہ مارکو روبیو سے ملاقات میں پاک بھارت جنگ بندی، مشرق وسطی کی صورتحال سمیت دیگر معاملات پر بات چیت ہوگی۔ترجمان کا کہنا تھا کہ پاکستان تمام مسائل کا حل مذاکرات سے نکالنے کے حق میں ہے، تنازعات کے حل کے لیے بھارت کو مذاکرات کا کہہ چکے ہیں، پاک بھارت مسائل کے حل کے لیے امریکی کردار قابل تعریف ہے۔شفقت علی خان نے مزید کہا کہ پی او آر کارڈز سے متعلق حکومت کی ہدایات کے منتظر ہیں، وزیر داخلہ محسن نقوی کا دورہ افغانستان انتہائی اہم تھا، افغانستان نے ہمارے تحفظات پر مثبت ردعمل دیا ہے، ملا امیر متقی کے دورہ پاکستان کی تاریخوں پر کام کررہے ہیں، محسن نقوی کے دورہ کابل میں سلامتی کے امور پر سرفہرست تھے۔ان کہنا تھا کہ ایران جوہری معاملے سفارت کاری سے حل ہونا چاہئیں، کسی بھی بھارتی مہم جوئی کے جواب کے لیے تیار ہیں، معرکہ حق کے دوران بھی اپنی صلاحیتوں کا مظاہرہ کیا۔انہوں نے کہا کہ پاکستان اور لیبیا کے قریبی برادرانہ تعلقات ہیں، پاکستان لیبیا میں قومی وحدت کی حکومت کو تسلیم کرتا ہے، لیبیا میں ہمارا سفارت خانہ فعال ہے۔ترجمان دفتر خارجہ نے کہا کہ پاک افغان تجارتی معاہدہ انتہائی اہم ہے، مستقبل میں مزید اشیا کے شامل ہونے کی توقع ہے، ہم برکس کی رکنیت کے لیے سنجیدہ ہیں، ایس سی او وزرائے خارجہ کونسل اجلاس کی اہمیت سے مطمئن ہیں۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرعمران کے بیٹے مہم چلا سکتے ہیں، مگر 190ملین پاونڈ کیس کا ذکر بھی کریں، عطا تارڑ عمران کے بیٹے مہم چلا سکتے ہیں، مگر 190ملین پاونڈ کیس کا ذکر بھی کریں، عطا تارڑ پاکستان میں اصلاحات اور ڈیجیٹائزیشن سے سرمایہ کاروں کا اعتماد بڑھا ہے، اسحاق ڈار صدر مملکت سے چینی سفیر کی ملاقات، خطے میں امن کیلئے مشترکہ اقدامات کا عزم پی ٹی آئی رہنما بشارت راجہ گرفتاری کے بعد رہا وزیراعظم سے ریجنل نائب صدر عالمی بینک کی ملاقات، تعاون کے فروغ پر اتفاق پانچ اگست کو اسلام آباد نہیں جارہے ہر جگہ پرامن احتجاج ہوگا، بیرسٹر گوہرCopyright © 2025, All Rights Reserved
رابطہ کریں ہمارے بارے ہماری ٹیم
’وزیرِاعلیٰ نے فنڈ میں خیانت کی، وہ صادق و امین نہیں رہے‘: علی امین گنڈاپور کیخلاف مقدمے کی درخواست