عوامی ویلفیئر ایسوسی ایشن کے تحت اجتماعی شادیاں
اشاعت کی تاریخ: 13th, January 2025 GMT
سنجھورو(نمائندہ جسارت )عوامی ویلفیئر ایسوسی ایشن سنجھورو کی جانب سے 26 سے زائد جوڑوں کی اجتماعی شادیوں کا انعقادالرشید گارڈن سنجھورو میں کیاگیا جس میں ان جوڑوں کوجہیز اور ضروریات زندگی کا سامان بھی دیا گیا۔ اس موقع پر عوامی ویلفیئر ایسوسی ایشن سنجھورو کے صدر احمدعلی نے کہا کہ عوام کی بھلائی کا کام کرنا عوام کی حقیقی خدمت ہے اور عوام کی خدمت کرنا ہمارا اولین مشن ہے اور عوام کی خدمت کرنا سب سے افضل عبادت ہے۔ اس موقع پر عوامی ویلفیئر کے جنرل سکرٹری امتیاز احمدو دیگر بھی موجود تھے۔
.ذریعہ: Jasarat News
کلیدی لفظ: عوام کی
پڑھیں:
اسلام آباد میں عوامی سہولت کے لیے کئی بڑے منصوبے شروع کرنے کا فیصلہ
اسلام آباد:وفاقی دارالحکومت اسلام آباد میں عوام کی سہولت کے لیے متعدد نئے ترقیاتی منصوبے شروع کرنے کا فیصلہ کیا گیا ہے۔
وفاقی وزیر داخلہ محسن نقوی کی زیر صدارت سی ڈی اے میں اہم اجلاس منعقد ہوا جس میں نئے منصوبوں کی باضابطہ منظوری دی گئی۔ اجلاس میں ٹریفک کے دیرینہ مسائل کو حل کرنے کے لیے فیض آباد انٹرچینج کی ری ماڈلنگ کا فیصلہ بھی کیا گیا۔ فیض آباد انٹرچینج میں توسیع کرتے ہوئے دو نئی لینز کا اضافہ بھی کیا جائے گا۔
اجلاس میں فیصل چوک پر ٹریفک کی روانی کو بہتر بنانے کے لیے 2+2 لین کے انڈر پاس کی تعمیر کا فیصلہ کیا گیا ہے۔ محسن نقوی نے ہدایت دی کہ انڈر پاس کی پلاننگ آئندہ ضروریات کو مدِنظر رکھتے ہوئے کی جائے۔ اسی طرح بلیو ایریا میں مکمل شدہ پارکنگ پلازہ کو جلد فعال کرنے کا فیصلہ بھی کیا گیا ہے۔
وفاقی وزیر داخلہ نے پارکنگ پلازہ اور فوڈ اسٹریٹ کے لیے جدید اور منافع بخش بزنس ماڈل تیار کرنے کی ہدایت دی۔ شہر کے دیگر علاقوں میں بھی پارکنگ پلازوں کی تعمیر کی منظوری دی گئی جب کہ مقامات کی جلد نشاندہی کرنے کی ہدایت دی گئی۔
اجلاس میں وزیر مملکت برائے داخلہ طلال چوہدری، سیکرٹری داخلہ خرم آغا، چیئرمین سی ڈی اے محمد علی رندھاوا، آئی جی پولیس اور دیگر اعلیٰ حکام شریک ہوئے۔ دورانِ اجلاس بریفنگ میں بتایا گیا کہ بلیو ایریا فوڈ اسٹریٹ میں پیڈسٹرین ٹریکس، فوڈ اسٹالز، بیٹھنے کے بینچز اور تفریحی سرگرمیوں کے لیے مخصوص جگہوں کا تعین ہو چکا ہے۔
بلیو ایریا پارکنگ پلازہ میں کمرشل دکانیں، روف ٹاپ ریستوران، پلے لینڈ، سینما اور دیگر سہولیات بھی فراہم کی جائیں گی۔
متحدہ عرب امارات کے وزیر خارجہ کا دورہ پاکستان