سندھ ایریگیشن ٹریڈ یونینز فیڈریشن کا احتجاجی دھرنا
اشاعت کی تاریخ: 13th, January 2025 GMT
آل سندھ ایریگیشن ٹریڈ یونینز فیڈریشن کے زیر اہتمام گزشتہ دنوں گدو بیراج پر ایریگیشن کے مزدوروں نے میاں عبدالرحیم بھارو صدر مہران فیڈریشن پاکستان اور صدر آل سندھ ایریگیشن ٹریڈ یونینز فیڈریشن کی قیادت میں احتجاجی دھرنا دیا، جس میں معروف مزدور رہنما مختار حسین اعوان مرکزی صدر پاکستان یونائٹیڈ ورکرز فیڈریشن نے خصوصی شرکت کی دھرنے سے میاں عبدالرحیم نے اپنے خطاب میں کہا کہ جب تک سندھ حکومت ایریگیشن کے مزدوروں کے مطالبے نہیں مانتی اس وقت تک ہمارا احتجاج جاری رہے گا جس کا پہلا احتجاجی دھرنا آج گدو بیراج سے شروع کر دیا گیا ہے جس میں ایریگیشن مزدور کے علاوہ انڈسٹریز کے مزدوروں نے بھی کثیر تعداد میں شرکت کی۔ اس دھرنے نے اپنا فیصلہ سنا دیا ہے اور میں بھی اپنے مظلوم مزدور کو بتانا چاہتا ہوں کہ آپ مزدوروں کا فیصلہ میرا فیصلہ ہے اور میں آپ کی خاطر حکومت سندھ کے آگے پہاڑ بن کر کھڑا رہوں گا، مزدوروں کا حق حکومت سندھ سے چھین کر لوں گا میں اور میری ٹیم اندرون سندھ میں دھرنوں کے بعد کراچی میں بڑا تاریخی احتجاجی دھرنا دے گی جب تک مزدوروں کے مسائل اور مطالبات تسلیم نہیں ہوتے تب تک دھرنا جاری رہے گا اور اس کراچی کے دھرنے میں 100 فیصد مزدور اپنی شرکت کو یقینی بنائیں۔ آل سندھ ایریگیشن ٹریڈ یونینزر فیڈریشن کے جنرل سیکرٹری یاسر اقبال نے بھی بھرپور انداز میں ماحول کو گرمایا۔ پاکستان یونائیٹڈ ورکر فیڈریشن کے مرکزی صدر مختار حسین اعوان نے اپنے خطاب میں سندھ ایریگیشن ٹریڈ یونینز فیڈریشن کے مطالبات کی مکمل حمایت کا اعلان کرتے ہوئے کہا کہ میں اور میری پوری تنظیم آپ کے ساتھ کھڑی ہے، آپ کو کبھی تنہا نہیں چھوڑا جائے گا، آپ کی جدوجہد رنگ لائے گی، آپ کا لیڈر سچا اور بہادر ہے پیچھے ہٹنے والا نہیں۔ مختار حسین اعوان نے کہا کہ حکومت سندھ لاہور ہائیکورٹ کے فیصلے کے مطابق فوت شدہ ورکرز کے بچوں کو ملازمت دے مزید 17-A کوبحال کر کے مزدوروں کے بچوں کو بھرتی کرے جو ان کا حق ہے، حکومت سندھ سے یہ بھی مطالبہ کرتے ہیں کہ ورکرز ویلفیئر بورڈ نے ورکرز کی جو اسکیمیں روک رکھی ہیں انہیں جلد شروع کرے جہیز گرانٹ، ڈیتھ گرانٹ اور اسکالر شپ فی الفور جاری کرنے کے احکامات جاری کرکے مزدوروں میں پائی جانے والی بے چینی ختم کرے۔ SESSI ڈہرکی میں کیمپ لگا کر بینظیر کارڈ جاری کرے، ڈہرکی لیبر کالونی میں25 بیڈ کے اسپتال کی تعمیر اور WWB کالونی میں سیوریج کی لائنز اور پارک کی تعمیر کرے۔ آخر میں انہوں نے میاں عبدالرحیم بھارو کو ان کی جد و جہد پر لال سلام پیش کیا اور ان کو کراچی کے دھرنے میں بھرپور ساتھ دینے کا اعلان کیا۔ دھرنے میں معشوق علی بھارو مہران لیبر فیڈریشن پاکستان جنرل سیکرٹری، راحب علی سمیجو چیئرمین، لائق برفت ساگر، یوسف منگی، مظفر بلر، عبدالرحمن جمالی، ہادی بخش مزاری، میر عرفان، احمد رند بلوچ، قمر الدین شاہ، نصراللہ عالمانی، عبدالحکیم مزاری، رضوان علی بھٹو، محمد عالم سمیجو، نیاز احمد بگھیو، شہباز بگھیو، عرفان علی پنہور، نور محمد دشتی بلوچ شریک تھے۔
.ذریعہ: Jasarat News
کلیدی لفظ: حکومت سندھ کے مزدوروں
پڑھیں:
سندھ کا بلدیاتی نظام اپنی ہی حکومت کا کوڑا اٹھانے کے قابل نہیں، عظمیٰ بخاری
صوبائی دارالحکومت سے جاری اپنے ایک بیان میں وزیر اطلاعات پنجاب کا کہنا تھا کہ سمجھ نہیں آرہی سندھ والوں کا پرابلم کیا ہے۔؟ کبھی کہتے ہیں وزیراعلیٰ نظر کیوں نہیں آئی، کبھی کہتے کہ ان کو شہروں کی صفائی کے لیے خود آنا پڑتا ہے۔ اسلام ٹائمز۔ وزیر اطلاعات پنجاب عظمیٰ بخاری کا سندھ حکومت کے بیانات پر ردعمل آگیا۔ صوبائی دارالحکومت سے جاری اپنے ایک بیان میں عظمیٰ بخاری کا کہنا تھا کہ سمجھ نہیں آرہی سندھ والوں کا پرابلم کیا ہے۔؟ کبھی کہتے ہیں وزیراعلیٰ نظر کیوں نہیں آئی، کبھی کہتے کہ ان کو شہروں کی صفائی کے لیے خود آنا پڑتا ہے۔ انہوں نے کہا کہ سندھ کے ترجمانوں کی فورس ڈپریشن اور ٹینشن میں بالکل ہی حواس باختہ ہو گئی ہے، مریم نواز کو عوام کی طرف سے جو داد مل رہی اس سے آپ کا جل جل کے برا حال ہورہا ہے۔
وزیر اطلاعات پنجاب کا کہنا تھا کہ صوبے میں صفائی آپریشن مکمل ہونے پر مریم نواز نے ورکرز کے لیے 10 ،10 ہزار انعام کا اعلان کیا ہے، بلدیاتی نظام پنجاب کا ہے اس بلدیاتی نظام کی تکلیف سندھ حکومت کو کیوں ہورہی۔؟ عظمی بخاریٰ نے مزید کہا کہ جو بلدیاتی نظام سندھ میں ہے، اس میں صرف ایک مئیر میڈیا میں ون مین شو ہے، اس کے علاؤہ پورے سندھ میں کوئی بلدیاتی ادارہ نظر نہیں آتا، انہیں اپنے شہر سے زیادہ پنجاب کی فکر ہے، عید کے تیسرے دن بھی سندھ کی فوٹیجز لوگ دیکھ رہے ہیں جہاں کوڑا پڑا ہوا ہے، سندھ کا بلدیاتی نظام اپنی ہی حکومت کا کوڑا اٹھانے کے قابل نہیں ہے۔
ڈیرہ غازی خان میں پنجاب پولیس کی کامیاب کارروائی، 4خوارجی دہشت گرد ہلاک