پاکستان ریلوے تباہی کے دہانے پر ہے‘ مبین راجپوت
اشاعت کی تاریخ: 13th, January 2025 GMT
پاکستان ریلوے پریم یونین CBA حیدرآباد زون کے صدر مبین راجپوت ،سنیئر نائب صدر لئیق احمد ،نائب صدر دوئم محمد آباد، سیکرٹری حفیظ چوہان نے اپنے مشترکہ بیان میں کہا کہ پاکستان ریلوے کی موجودہ صورتحال پر تشویش کا اظہار کرتے ہوئے کہا کہ ریلوے کا نظام ملک کے غریب عوام کے سفر کا بہترین ذریعہ ہے اور حساس اداروں کے لیے بھی سامان کی رسد میں انتہائی اہمیت کا حامل ہے ریلوے کے نظام سے پورا ملک ہی استفادہ حاصل کرتا ہے۔ ستم ظریفی یہ ہے کہ کراچی کے بعد دوسرا بڑا شہر حیدرآباد ہے جو کہ ریلوے کی کمائی کا ایک بہترین اسٹیشن تھا لیکن انتظامیہ کی غفلت اور نا اہلی کی وجہ سے تمام لگیج وان اور بریک وان ٹھیکہ پر دے کر اپنے مفادات حاصل کیے گئے ہیں جس سے پاکستان ریلوے کی آمدنی میں بے پناہ کمی واقع ہوئی ہے اور دوسری جانب جو سامان بکنگ کے لیے جمع ہوتا ہے وہ ساہلین تک پہنچنے میں کم از 15 سے 20 دن لگ جاتے ہیں جبکہ ریلوے نے جو ٹرینیں پرائیوٹ کی ہیں ان کے ذمہ داران من مانے کرایہ وصول کرتے ہیں اور اپنی پسند سے سامان کی بکنگ کرتے ہیں جس سے حیدرآباد کی عوام بے پناہ مشکلات کا شکار ہے پرائیوٹ گڈز ٹرانسپورٹ مہنگی ہونے کی وجہ سے عوام کا زیادہ تر رجحان پاکستان ریلوے کے ذریعے سامان کی ترسیل کرنے پر ترجیحی دی جاتی تھی لیکن بد قسمتی سے کرپٹ انتظامیہ کی وجہ سے پاکستان ریلوے تباہی کے دہانے پر ہے اور اس کو تباہ کرنے اور کافی ٹرینوں کو پرائیوٹ کرنے میں اسی انتظامیہ کا ہاتھ ہے۔ اس موقع پر مبین راجپوت نے وزیر اعظم پاکستان سے مطالبہ کرتے ہوئے کہا کہ فوری طور پر پاکستان ریلوے کا با اختیار وزیر مقرر کیا جائے اور پاکستان ریلوے کو تباہی سے بچانے کے لیے فوری اقدامات اٹھائے جائیں ۔
.ذریعہ: Jasarat News
پڑھیں:
لاہور تا راولپنڈی ریل کار کے نئے ریک کا افتتاح کر دیا گیا
لاہور:پاکستان ریلوے نے لاہور سے راولپنڈی کے درمیان چلنے والی ریل کار کے نئے ریک کا باضابطہ افتتاح کردیا۔
افتتاحی تقریب میں چیف ایگزیکٹو آفیسر ریلوے عامر علی بلوچ نے شرکت کی اور نئی بوگیوں کا معائنہ کیا۔
ریلوے حکام کے مطابق ریل کار کے نئے ریک کو دشوار گزار راستوں پر موجود ٹریک سے گزارنے کے لیے بوگیوں کو ری فربش کیا گیا ہے۔
بوگیوں میں مسافروں کی سہولت کے لیے کھانے پینے کی اشیاء، ابتدائی طبی امداد کے لیے ادویات، اور صفائی ستھرائی کا خاص انتظام کیا گیا ہے۔
افتتاح کے موقع پر سی ای او ریلوے عامر علی بلوچ نے کہا کہ مزید ٹرینوں میں بھی سہولیات فراہم کی جارہی ہیں۔ کھانے پینے کی اشیاء سے لے کر صفائی اور طبی امداد تک بہترین انتظامات کیے گئے ہیں۔
انہوں نے کہا کہ ریل کا سفر آج بھی دیگر ٹرانسپورٹ ذرائع کے مقابلے میں سستا اور محفوظ ہے۔ ہمارا اصل مقصد مسافروں کو جلد اور بحفاظت اُن کی منزل تک پہنچانا ہے۔
عامر بلوچ کا کہنا تھا کہ لوکو موٹو اور ٹریکس کی مرمت کا کام جاری ہے جبکہ انٹرنیشنل فنانسنگ کے ذریعے ٹریک کی اپ گریڈیشن بھی کی جا رہی ہے تاکہ مستقبل میں ٹرینوں کی رفتار اور سروس کے معیار میں مزید بہتری لائی جا سکے۔
سولجر بازار میں ریسٹورنٹ کے باہر فائرنگ سے تاجر جاں بحق