پی ٹی آئی نے شیر افضل مروت کو ایک بار پھر شوکاز نوٹس جاری کردیا
اشاعت کی تاریخ: 13th, January 2025 GMT
اسلام آباد:
پاکستان تحریک انصاف کی جانب سے پارٹی رہنما شیر افضل مروت کو ایک بار پھر شوکاز نوٹس جاری کردیا گیا ہے۔
ایکسپریس نیوز کے مطابق شیر افضل مروت کی جانب سے پارٹی پالیسی کے خلاف بیان بازی کی وجہ سے پی ٹی آئی نے شیر افضل مروت کو ایک بار پھر شو کاز (اظہارِ وجوہ) نوٹس جاری جاری کردیا ہے۔
نوٹس کے ذریعے شیر افضل مروت سے پارٹی پالیسی کے خلاف بیان بازی پر جواب طلب یا گیا ہے اور جواب دیے جانے تک میڈیا پر پارٹی کی نمائندگی سے بھی روک دیا گیا ہے۔
یہ خبر بھی پڑھیں: میرے خلاف کوئی بولے گا تو خاموش نہیں رہوں گا، شیر افضل مروت نے پی ٹی آئی رہنماؤں کو خبردار کردیا
شیر افضل مروت کو شوکاز نوٹس سے متعلق ایڈیشنل سیکرٹری جنرل پی ٹی آئی فردوس شمیم نقوی نے نوٹی فکیشن جاری کردیا ہے۔
بانی چیئرمی پی ٹی آئی عمران خان کی ہدایت پر شیر افضل مروت کو جاری کیے گئے نوٹی فکیشن میں کہا گیا ہے کہ انہوں نے پہلے بھی پارٹی پالیسی کی خلاف ورزی کی ہے۔ شیر افضل مروت نے بغیر سوچے سمجھے بیانات جاری کیے ہیں۔ آپ اب 7 دن کے اندر اپنا جواب جمع کروائیں۔ اس سب کے دوران آپ میڈیا پر یا کسی ٹاک شو پر نہیں بیٹھیں گے۔
یاد رہے کہ چند روز قبل ہی پاکستان تحریک انصاف کے رہنما شیر افضل مروت نے پارٹی میں اختلافات کے حوالے سے خاموشی توڑتے ہوئے کہا ہے کہ اگر کوئی میرے خلاف باتیں کرے گا تو مجھ سے خاموشی کی توقع نہیں رکھے۔
.ذریعہ: Express News
کلیدی لفظ: شیر افضل مروت کو جاری کردیا پی ٹی آئی گیا ہے
پڑھیں:
آسٹریلیا کے شہر میلبرین میں رنگا رنگ چاند رات پارٹی
میلبرن(اُردو پوائنٹ اخبارتازہ ترین۔ 7 جون 2025ء)ہر سال کی طرح، اس سال بھی کمیونٹی گروپ “Pakistani Ladies in Victoria” نے ایک شاندار، رنگا رنگ اور دلوں کو جوڑنے والا چاند رات فیسٹیول منعقد کیا ۔ جو کہ پاکستانی کمیونٹی کے لیے ایک خوبصورت روایت بنتا جا رہا ہے۔ اس سال کا فیسٹیول خاص طور پر یادگار رہا، جہاں تقریباً 1500 سے زائد افراد نے بھرپور شرکت کی۔ تقریباً 50 اسٹالز اور فوڈ ٹرکس پر مشتمل اس ایونٹ میں ہر عمر کے افراد کے لیے کچھ نہ کچھ موجود تھا، جو اسے ایک مکمل خاندانی تفریحی دن بنا گیا۔ بچوں کے لیے سپر ہیروز کی لائیو اپیرنس، بیلون ٹوسٹنگ، اور خصوصی عیدی گفٹس نے ایونٹ کو ایک خوشگوار تجربہ بنا دیا۔ بچوں کی خوشی اور قہقہوں نے ماحول کو مزید پُرمسرت بنا دیا۔ فوڈ اسٹالز پر پاکستانی روایتی کھانوں کی خوشبو نے ہر کسی کو اپنی طرف کھینچا۔(جاری ہے)
مختلف علاقوں کی ذائقہ دار ڈشز نے لوگوں کے ذوق کو خوب تسکین دی۔ ایک اور خاص لمحہ وہ تھا جب خواتین نے روایتی ڈھولکی کی محفل سجائی۔ پنجابی اور دیگر پاکستانی گانوں پر گائے گئے بول، قہقہے اور تالیاں ایک جشن کا منظر پیش کر رہے تھے۔ یہ لمحے نہ صرف تفریح سے بھرپور تھے بلکہ ہماری ثقافت کی خوبصورت عکاسی بھی کر رہے تھے۔ انٹریکٹیو بٹر فلائی ہاؤس بھی ایک خوبصورت اضافہ تھا، جہاں فیملیز نے قدرتی مناظر اور تتلیوں کے ساتھ خوبصورت یادیں بنائیں۔ یہ چاند رات فیسٹیول نہ صرف ایک تفریحی تقریب تھی بلکہ کمیونٹی کے درمیان محبت، یکجہتی اور ثقافت کو منانے کا حسین ذریعہ بھی ثابت ہوا۔ “Pakistani Ladies in Victoria” کی ٹیم، خاص طور پر Hina Sultan کی محنت، لگن اور وژن کو کمیونٹی کی جانب سے بھرپور سراہا گیا۔ یہ ایونٹ ایک یادگار شام اور کمیونٹی کے لیے فخر کا لمحہ تھا، جس کی بازگشت طویل عرصے تک دلوں میں رہے گی۔
بنارس کی تاریخی اور مسلم اکثریتی بازار کے انہدام پر کورٹ سے راحت