مستقبل کی پیشگوئیاں کرنے والےکارٹون سمپسنز نے لاس اینجلس کی آگ کی پیش گوئی بھی کی تھی؟جانیں
اشاعت کی تاریخ: 13th, January 2025 GMT
مستقبل کے حوالے سے پیشگوئیاں کرنے کے لیے مشہور اینی میٹڈ کارٹون سیریز ’دی سمپسنز‘ کی ایک اور ویڈیو سوشل میڈیا پر وائرل ہو رہی ہے۔
اس وائرل ویڈیو کے مطابق ’دی سمپسنز‘ سیریز میں 20 سال پہلے لاس اینجلس کے جنگلات میں آگ لگنے کی پیش گوئی کر دی گئی تھی۔یہ ویڈیو شیئر کرنے والے ٹک ٹاک صارف کے مطابق یہ سیریز کی 2007ء میں’لٹل بگ گرل‘ کے عنوان سے ریلیز ہونے والی قسط کی ویڈیو ہے۔
اس قسط میں دکھایا گیا ہے کہ ایک پرینک کے غلط ہوجانے سے آگ لگتی ہے اور اسپرنگ فیلڈ کو ایک خوفناک آگ کا سامنا کرنا پڑتا ہے جس سے اس کے ٹاؤنز اور رہائشیوں کو خطرہ ہے، ویڈیو میں افراتفری کی صورتحال اور آگ سے تباہی ہوتی دیکھی گئی جبکہ فائر فائٹرز آگ بجھانے کی کوشش کرتے نظر آئے۔ویڈیو شیئر کرنے والے ٹک ٹاکر نے دعویٰ کیا کہ یہ حالیہ واقعات سے ملتا جلتا ہے جس میں جنگلاتی آگ پھیلنے سے گھر تباہ ہوگئے اور فائر فائٹرز آگ بجھانے کی جان توڑ کوششیں کررہیں۔
تاہم وائرل ویڈیو کے دعوے کے برعکس اسپرنگ فیلڈ کا مقام ایک فرضی مقام ہے اور ویڈیو میں لاس اینجلس کی آگ سے ملتے جلتے دکھائے گئے کچھ مناظر اصل میں اے آئی سے تیار کیے گئے ہیں۔مذکورہ ویڈیو دیکھتے ہی دیکھتے سوشل میڈیا پر وائرل ہوگئی اور لوگ اس پر ایسے تبصرے کرتے نظر آئے ‘انہوں نے پھر پیش گوئی کردی’، سمپسنز کو ایک قسط دنیا کے امن کے بارے میں بھی دکھانی چاہیے تا کہ وہ حقیقت کا روپ دھار سکے وغیرہ۔
تاہم ویڈیو میں استعمال کردہ مناظر کے اے آئی سے تیار کیے جانے سے فوٹیھ کی صداقت پر سوال اٹھ گئے ہیں۔خیال رہے کہ لاس اینجلس کے جنگلاتی علاقوں میں لگنے والی آگ نے شہر کے کئی علاقوں کو جلا کر راکھ کے ڈھیر میں تبدیل کردیا ہے۔اس تباہ کن خوفناک آگ کے نتیجے میں اب تک 24 افراد ہلاک ہوچکے ہیں اور 12 ہزار سے زائد عمارتیں ملبے کا ڈھیر بن چکی ہیں
.ذریعہ: Daily Ausaf
کلیدی لفظ: لاس اینجلس
پڑھیں:
ملک کے لئے جانیں قربان کرنے والے شہداء اور ان کے اہل خانہ کو پوری قوم سلام پیش کرتی ہے، گنڈا پور
وزیراعلیٰ خیبرپختونخوا علی امین گنڈا پور نے بنوں میں شہید ہونے والے پاک فوج کے میجر عدنان اسلام کے گھر جاکر والدین سے تعزیت کی ہے۔
ایکسپریس نیوز کے مطابق وزیر اعلیٰ خیبر پختونخوا علی امین خان گنڈاپور منگل کے روز چند دن قبل بنوں میں شہید ہونے والے پاک فوج کے میجر عدنان اسلم کے گھر گئے جہاں انہوں نے شہید کے اہل خانہ سے تعزیت اور دلی ہمدردی کا اظہار کیا۔
وزیر اعلیٰ نے شہید کے درجات کی بلندی کے لیے فاتحہ خوانی اور پسماندگان کے لئے صبر جمیل کی دعا کی اور ملک و قوم کے لیے میجر عدنان کی قربانی کو خراج عقیدت پیش کیا۔
علی امین گنڈاپور نے کہا کہ وہ اہل خانہ کے غم میں برابر کے شریک ہیں، شہید میجر عدنان اسلم نے دہشتگردوں کا انتہائی جوانمردی سے مقابلہ کیا اور پوری قوم کو ایسے بہادر سپوتوں پر فخر ہے۔
وزیر اعلی کا کہنا تھا کہ ملک کے لئے جانیں قربان کرنے والے شہداء اور ان کے اہل خانہ کو پوری قوم سلام پیش کرتی ہے، ملک میں امن کے لئے سکیورٹی فورسز، پولیس اور دیگر قانون نافذ کرنے والے اداروں نے بے مثال قربانیاں دی ہیں، دہشتگردی کے خاتمے کے لئے پوری قوم فورسز کے ساتھ ہے۔
مالی مفاد حب الوطنی پر غالب: بھارت ایشیا کپ میں پاکستان سے کھیلنے پر آمادہ