ورلڈ بینک نے پاکستان کو 20 ارب ڈالرز دینے کا وعدہ
اشاعت کی تاریخ: 15th, January 2025 GMT
اسلام آباد:ورلڈ بینک نے پاکستان کے لیے 10 سالہ کنٹری پارٹنر شپ فریم ورک (سی پی ایف) کے تحت 20 ارب ڈالرز کی امداد فراہم کرنے کا وعدہ کیا ہے۔
نجی ٹی وی کی رپورٹ کے مطابق یہ پیش رفت وزیراعظم اور آرمی چیف جنرل عاصم منیر کی مشترکہ کوششوں کا نتیجہ ہے، جس سے ملک میں ترقیاتی منصوبوں کی تکمیل میں مدد ملے گی۔
ورلڈ بینک کی جانب سے فراہم کی جانے والی رقم کا تقریباً تین چوتھائی حصہ انٹرنیشنل ڈویلپمنٹ ایسوسی ایشن (آئی ڈی اے) کے ذریعے فراہم کیا جائے گا جب کہ بقیہ رقم انٹرنیشنل بینک فار ری کنسٹرکشن اینڈ ڈویلپمنٹ (آئی بی آر ڈی) کے تحت فراہم کی جائے گی۔
اس فریم ورک میں چھ بنیادی ترقیاتی شعبوں پر توجہ مرکوز کی جائے گی، جن میں چائلڈ اسٹننگ کا خاتمہ، موسمیاتی تبدیلی کی روک تھام، سیکھنے کے نتائج کو بہتر بنانا، صاف پانی کی فراہمی اور عوامی وسائل کے ذریعے جامع ترقی شامل ہیں۔
اس منصوبے کے تحت مخصوص اہداف طے کیے گئے ہیں جن میں ٹیکس ریونیو کو جی ڈی پی کے 15 فیصد سے زائد تک پہنچانا، قابل تجدید توانائی کی صلاحیت میں 10 گیگا واٹ کا اضافہ کرنا، 12 ملین طلبہ کو معیاری تعلیم فراہم کرنا اور 50 ملین افراد کو صحت کی سہولتیں فراہم کرنا شامل ہیں۔
علاوہ ازیں سی پی ایف میں 60 ملین افراد کو صاف پانی اور صفائی کی سہولتیں فراہم کرنے کے ساتھ 30 ملین افراد کے لیے غذائی تحفظ میں بہتری اور 30 ملین خواتین کو مانع حمل کی سہولت دینے کے اہداف بھی شامل ہیں۔ اس منصوبے کا مقصد پاکستان میں سیلاب اور دیگر قدرتی آفات کے اثرات سے نمٹنا اور 75 ملین افراد کو ان فوائد سے مستفید کرنا ہے۔
10 سالہ فریم ورک کی منظوری کے لیے ورلڈ بینک کے 24 ڈائریکٹرز میں سے 19 نے پاکستان کے حق میں ووٹ دیا۔
.ذریعہ: Jasarat News
کلیدی لفظ: ملین افراد ورلڈ بینک
پڑھیں:
میکسیکو ، شاپنگ اسٹور میں آتشزدگی، 23 افراد ہلاک، بچے بھی شامل
میکسیکو (ویب ڈیسک) شاپنگ اسٹور میں ہونے والی آتشزدگی سے 23 افراد ہلاک جبکہ 11 زخمی ہوگئے۔ ہلاک ہونے والوں میں بچے بھی شامل ہیں۔خبرایجنسی کے مطابق آگ اس وقت بھڑک اٹھی جب لوگوں کی بڑی تعداد خریداری میں مصروف تھے۔ فائر بریگیڈ نے آگ پر قابو پالیا۔ وجوہات جاننے کیلئے تحقیقات جاری ہیں۔
مقامی حکام نے فرانزک میڈیکل سروس کا حوالہ دیتے ہوئے کہا کہ زیادہ تر اموات زہریلی گیسوں سے ہوئی ہیں۔ آگ لگنے کی وجہ ابھی تک واضح نہ ہوسکی تاہم کچھ میڈیا نے برقی خرابی کو مورد الزام ٹھہرایا تھا۔ شہر کے حکام نے بتایا کہ اسٹور، جو کہ مشہور ڈسکاؤنٹ چین والڈو کا حصہ ہے، حملے کا نشانہ نہیں تھا۔
جاپان کے سابق وزیرِ اعظم شنزو آبے کے قاتل نے اعترافِ جرم کر لیا