پولیو مہم 3 سے 9 فروری تک جاری رہے گی، ڈپٹی کمشنر
اشاعت کی تاریخ: 15th, January 2025 GMT
حیدرآباد (اسٹاف رپورٹر) ڈپٹی کمشنر زین العابدین میمن کی زیر صدارت ڈسٹرکٹ ایریڈیکشن کمیٹی برائے انسداد پولیو کا اجلاس شہباز ہال میں منعقد ہوا۔ اجلاس میں آئندہ ہونے والی قومی انسداد پولیو مہم جو 3 سے 9 فروری تک جاری رہے گی، کے حوالے سے تیاریوں کا جائزہ لیا گیا۔ ڈپٹی کمشنر نے اجلاس سے خطاب کرتے ہوئے کہا کہ آئندہ ہونے والی قومی پولیو مہم سال 2025 کی پہلی مہم ہو گی، ماضی کی مہمات میں درپیش رُکاوٹوں اور پیچیدگیوں کو مدنظر رکھتے ہوئے مربوط حکمت عملی اور باہمی رابطے کی انتہائی ضرورت ہے تاکہ ہم اپنے 100 فیصد ہدف کو پورا کرنے میں کامیاب ہوسکیں اور اس مرض کو جڑ سے ختم کیا جا سکے۔ انہوں نے کہا کہ مہم میں 5 سال تک کی عمر کے بچوں کے علاوہ تجاوزات کے خاتمے کی وجہ سے دوسری جگہ منتقل ہونے والے بچوں پر بھی خصوصی توجہ دی جائے گی تاکہ کوئی بچہ پولیو ویکسین سے محروم نہ رہے۔ ڈپٹی کمشنر نے تمام متعلقہ محکموں کو ہدایت کی کہ وہ پولیو ٹیموں کے ساتھ بھرپور تعاون کریں اور اسکولوں میں پولیو مہم کے دوران خصوصی توجہ دی جائے۔
.ذریعہ: Jasarat News
کلیدی لفظ: ڈپٹی کمشنر پولیو مہم
پڑھیں:
صدرِ مملکت آصف علی زرداری قطر میں ہونے والی دوسری عالمی سماجی ترقیاتی کانفرنس میں شریک ہوں گے
سٹی 42: صدرِ مملکت آصف علی زرداری قطر میں ہونے والی دوسری عالمی سماجی ترقیاتی کانفرنس میں شرکت کریں گے۔
یہ اجلاس اقوامِ متحدہ کی جنرل اسمبلی کے زیرِ اہتمام 4 تا 6 نومبر کو دوحہ میں منعقد ہوگا۔صدر آصف علی زرداری سماجی ترقی، روزگار کے مواقع کے فروغ، اور جامع معاشی نمو کے لیے پاکستان کے عزم کو اجاگر کریں گے۔
صدرِ مملکت بینظیر انکم سپورٹ پروگرام کے سماجی تحفظ، غربت میں کمی اور کمزور طبقوں کے استحکام میں بنیادی کردار پر روشنی ڈالیں گے۔صدر زرداری دوحہ الائنڈ سوشل پروٹیکشن اینڈ جابز کمپیکٹ (2026-28) کے آغاز کے لیے پاکستان کی تیاری پر بات کریں گے۔
لاہور :ڈمپر نے موٹر سائیکل کو کچل دیا، 3 افراد جاں بحق
یہ منصوبہ غیر رسمی ورکرز، معذور افراد اور بچوں کے لیے سماجی تحفظ کے دائرہ کو وسعت دینے اور ماحول دوست روزگار کے فروغ سے متعلق ہے۔صدرِ مملکت دوحہ پولیٹیکل ڈیکلریشن اور عالمی ترقیاتی وعدوں سے ہم آہنگ پاکستان کے منصوبوں کو اجاگر کریں گے۔
صدر آصف علی زرداری ترقیاتی شراکت داروں اور بین الاقوامی مالیاتی اداروں کے ساتھ قریبی تعاون کے عزم کا اعادہ کریں گے۔ ایس ڈی جی اسٹیمولس، قرض برائے سماجی و ماحولیاتی تبدیلیوں، اور چین کے گلوبل ڈیولپمنٹ انیشی ایٹو جیسے ذرائع کے ذریعے مالی وسائل کے حصول کی اہمیت پر زور دیں گےاور دوحہ سربراہ اجلاس کے نتائج کو عملی اقدامات میں ڈھالنے اور پائیدار، جامع ترقی کے فروغ کے پاکستان کے عزم کو دہرائیں گے۔
موٹرسائیکل فلائی اوور سے نیچے گر گئی،سوارموقع پر جاں بحق
صدرِ مملکت عالمی و علاقائی رہنماؤں، بالخصوص قطر کی قیادت اور اقوامِ متحدہ سمیت اہم بین الاقوامی تنظیموں کے سربراہان سے بھی ملاقاتیں کریں گے ۔
غزہ میں اسرائیلی جنگی جرائم سے متعلق 16 ہزار دستاویزات ریکارڈ