لوئر کرم میں دہشتگردوں کیخلاف آپریشن کا فیصلہ
اشاعت کی تاریخ: 18th, January 2025 GMT
کرم (ڈیلی پاکستان آن لائن )لوئرکرم میں دہشگردوں کےخلاف آپریشن کا فیصلہ کرلیا گیا ہے اور اس سلسلے میں ڈپٹی کمشنر کرم نےآپریشن متاثرین کے لئے ٹل اور ہنگو میں ٹی ڈی پیز کیمپ قائم کرنے کا نوٹیفیکشن جاری کردیا ہے ۔
نوٹیفیکیشن کےمطابق ٹی ڈی پیزکیمپ قائم کرنےکیلئےصوبائی ریلیف کوخط بھیج دیا گیا ہے،متاثرین کیلئےٹل ڈگری کالج ٹیکنیکل کالج،ریسکیو1122 اور عدالت کی عمارت میں کیمپس قائم کئے جائیں۔دوران آپریشن آبادی کےتحفظ کے لئے کیمپ قائم کئےجارہے ہیں،ایڈیشنل ڈپٹی کمشنرکی نگرانی میں ایک کمیٹی بھی قائم کی گئی ہے۔
مغربی بلوچستان اور بالائی خیبرپختونخوا میں ہلکی بارش اور برفباری کا امکان، کراچی میں سرد ہوائیں متوقع، تازہ خبرآگئی
خیال رہےکہ گزشتہ روز بگن ضلع کرم میں کانوائی پرحملے کے دوران پکڑے گئےڈرائیوروں سمیت چھ افرادکو قتل کردیا گیا تھا،واقعے میں مارے جانیوالے افراد کی تعداد چودہ ہو گئی۔
پولیس کے مطابق حملےمیں دو سیکیورٹی اہلکار اورجوابی کاروائی میں چھ دہشت گرد مارے گئے جبکہ دس سے زائد زخمی ہوگئےحملے کے دوران متعدد افراد اغوا کئے گئے تھے،ہاتھ باندھے تشدد کے بعد فائرنگ سےقتل شدہ لاش اڑاولی کے علاقے سے برآمد ہو گئی ہیں۔۔ اشیائے خوردنوش و دیگر سامان لوٹا گیا اور بارہ ٹرک جلا دئیے گئے۔ متعدد افراد اور گاڑیاں تاحال لاپتہ ہیں۔
یو اے ای کے 2 ارب ڈالر کے ڈپازٹس رول اوور ، سٹیٹ بینک نے تصدیق کردی
گرینڈ جرگہ ممبران پیر حیدر شاہ حاجی نورجف وصی سید میاں اور جرگہ ممبر لائق اورکزئی نے کہا ہے کہ جہاں اس واقعےسے امن کوششوں کو دھچکا لگا ہےوہاں بار بار امن معاہدے کی خلاف ورزیوں کے باوجود حکومت کی حاموشی نے صورتحال کو اور پیچیدہ بنا دیا ہے اور بار بار امن معاہدے کی خلاف ورزی نہ صرف ہمارے بلکہ حکومت کیلئے بھی شرمندگی کا باعث ہے۔
ایک طرف راستوں کی بندش سے عوام کے مشکلات کیلئے وہ پریشان ہیں وہاں قیام امن کیلئے اقدامات بھی ناکافی ہیں امن معاہدے کے بعدبنکرزکی مسماری کا کام جاری تھا مگربگن کےواقعے نےامن کوششوں کو بُری طرح سبوتاژ کر دیا ہے۔
بھارتی اداکار سدیپ پانڈے بھی 30 سال کی عمر میں چل بسے
مزید :.
ذریعہ
ذریعہ: Daily Pakistan
پڑھیں:
کوئٹہ، سرکاری دفاتر میں ایجنٹس کیخلاف ایف آئی اے کی کارروائی، 14 افراد گرفتار
ڈائریکٹر ایف آئی اے بلوچستان کے مطابق ملزمان مبینہ طور پر برتھ سرٹیفکیٹس، قومی شناختی کارڈز، پاسپورٹس اور دیگر سرکاری دستاویزات کے حصول کیلئے غیر قانونی طریقے سے سہولت فراہم کرتے اور شہریوں سے رقوم وصول کرتے تھے۔ اسلام ٹائمز۔ وفاقی تحقیقات ادارے ایف آئی ای نے کوئٹہ شہر میں مختلف وفاقی اداروں کے مبینہ ایجنٹس کے خلاف بڑے پیمانے پر کریک ڈاؤن کرتے ہوئے 14 افراد کو گرفتار کرلیا ہے۔ ڈائریکٹر ایف آئی اے بلوچستان بہرام مندوخیل کے مطابق کارروائی کے دوران نادرا، سوئی سدرن گیس کمپنی، پاسپورٹ آفس اور میٹروپولیٹن کارپوریشن سے متعلق مبینہ ایجنٹس کو حراست میں لیا گیا ہے، جو شہریوں کو مختلف سرکاری امور میں غیر قانونی سہولت کاری فراہم کرنے میں ملوث تھے۔ انہوں نے بتایا کہ گرفتار ملزمان مبینہ طور پر برتھ سرٹیفکیٹس، قومی شناختی کارڈز، پاسپورٹس اور دیگر سرکاری دستاویزات کے حصول کے لئے غیر قانونی طریقے سے سہولت فراہم کرتے اور شہریوں سے رقوم وصول کرتے تھے۔
ڈائریکٹر ایف آئی اے نے کہا کہ گرفتار ملزمان سے تفتیش جاری ہے اور ابتدائی تحقیقات کی روشنی میں ان کے نیٹ ورک میں شامل دیگر افراد کی نشاندہی کی جا رہی ہے۔ امید ہے کہ مزید گرفتاریاں بھی عمل میں آئیں گی۔ بہرام مندوخیل نے کہا کہ ایف آئی اے سرکاری اداروں میں بدعنوانی، جعلسازی اور غیر قانونی سہولت کاری کے خاتمے کے لئے کارروائیاں جاری رکھے گی اور قانون شکنی میں ملوث عناصر کے خلاف بلاامتیاز کارروائی کی جائے گی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار