بشریٰ انصاری کا شادی سے متعلق مردوں کو اہم مشورہ
اشاعت کی تاریخ: 18th, January 2025 GMT
ہر فن مولا فنکارہ بشریٰ انصاری نے اپنے وی لاگ میں نئی نسل کے لڑکوں اور لڑکیوں کے والدین کو شادی سے متعلق اہم مشورہ دیا ہے۔
اداکارہ اکثر اوقات ہی اپنے یوٹیوب چینل پر زندگی کے تجربات، اتار چڑھاؤ اور بیٹیوں کے مسائل پر بات کرتی نظر آتی ہیں۔
حال ہی میں اداکارہ کے سوشل میڈیا پر ایک وی لاگ سے لی گئی مختصر سی ویڈیو وائرل ہوئی ہے۔
View this post on InstagramA post shared by Galaxy Lollywood (@galaxylollywood)
اس ویڈیو میں بشریٰ انصاری نے اپنی بیٹیوں کی شادی شدہ زندگیوں کے حوالے سے درپیش کچھ مشکلات کے بارے میں بات کی ہے۔
بشریٰ انصاری نے بتایا ہے کہ میری دو بیٹیاں، نرمان اور میرا انصاری ہیں، نرمان کے کچھ مسائل چل رہے ہیں جن کی وجہ سے میں کئی دنوں سے پریشان ہوں۔
انہوں نے اپنی ویڈیو میں والدین کو بھی اپنی بیٹیوں کو دیکھ بھال کر رخصت کرنے کا مشورہ دیا ہے۔
بشریٰ انصاری نے نئی نسل کے تمام مردوں پر زور دیا ہے کہ وہ اس وقت تک شادی کرنے سے گریز کریں جب تک کہ وہ مالی طور پر مستحکم اور بیوی کی تمام تر ضروریات پوری کرنے کے قابل نہیں ہو جاتے۔
.ذریعہ: Daily Mumtaz
پڑھیں:
بیرون ملک مقیم کشمیری تنازعہ کشمیر کو اجاگر کرنے کیلئے اپنی کوششوں میں تیزی لائیں، بیرسٹر سلطان
صدر آزاد کشمیر کا کہنا ہے کہ جاپان اور دیگر ملکوں میں مقیم کشمیری خطے میں بھارت کے مذموم عزائم کو بے نقاب کرنے میں اہم کردار ادا کر سکتے ہیں۔ اسلام ٹائمز۔ آزاد جموں و کشمیر کے صدر بیرسٹر سلطان محمود چوہدری نے بیرون ممالک مقیم کشمیریوں پر زور دیا ہے کہ وہ تنازعہ کشمیر کو اجاگر کرنے اور پہلگام واقعے کے بعد مقبوضہ جموں و کشمیر میں نہتے لوگوں پر مظالم پر بڑھتے ہوئے مظالم اور بھارتی ریاستوں میں موجود کشمیریوں کو ہراساں کیے جانے کی کارروائیوں کا پردہ چاک کرنے کے حوالے سے اپنی کوششوں میں تیزی لائیں۔ ذرائع کے مطابق آزاد جموں و کشمیر کے صدر نے ان خیالات کا اظہار جاپان میں مقیم کشمیریوں کے ایک وفد سے گفتگو کرتے ہوئے کیا جس نے شاہد ماجی ایڈووکیٹ کی قیادت میں مظفر آباد میں ان سے ملاقات کی۔ صدر نے وفد کو مقبوضہ جموں و کشمیر کے لوگوں کی ابتر صورتحال سے آگاہ کیا جن پر بھارتی فورسز نے پہلگام واقعے کے بعد اپنے مظالم میں تیزی لائی ہے۔انہوں نے کہا کہ کشمیریوں کی زندگی اجیرن بنا دی گئی ہے اور عالمی برادری کو مقبوضہ کشمیر میں جاری بھارتی مظالم کا سنجیدگی سے نوٹس لینا چاہیے۔ صدر آزاد کشمیر نے کہا کہ جاپان اور دیگر ملکوں میں مقیم کشمیری خطے میں بھارت کے مذموم عزائم کو بے نقاب کرنے میں اہم کردار ادا کر سکتے ہیں۔
جسٹس منصور علی شاہ نے قائم مقام چیف جسٹس پاکستان کے عہدے کا حلف اٹھالیا