کراچی میں 11 روز سے لاپتا 7 سالہ بچے صارم کی لاش برآمد
اشاعت کی تاریخ: 18th, January 2025 GMT
کراچی میں نارتھ کراچی کے علاقے سے 11 روز سے لاپتا ہونے والے سات سالہ بچے صارم کی لاش برآمد ہوگئی۔
ایس ایس پی سینٹرل کے مطابق 11 دن قبل لاپتا ہونے والے صارم کی تلاش جاری تھی اور اس کی لاش ایک عمارت کے انڈرگراؤنڈ ٹینک سے برآمد ہوئی ہے۔
ایس ایس پی سینٹرل نے مزید بتایا کہ لاش کو پوسٹ مارٹم کے لیے منتقل کر دیا گیا ہے ،ابتدائی طور پر یہ معلوم ہوتا ہے کہ یہ واقعہ ایک حادثہ تھا۔
یاد رہے کہ بچے کے لاپتا ہونے کے بعد اس کے والدین کو پانچ لاکھ روپے تاوان کا پیغام موصول ہوا تھا۔
دوسری جانب گورنر سندھ کامران ٹیسوری نے بھی بچے کے والدین سے ملاقات کے لیے ان کے گھر کا دورہ کیا اور بچے کی بازیابی کے لیے مکمل تعاون کی یقین دہانی کرائی۔
.ذریعہ: Jasarat News
پڑھیں:
کراچی میں قربانی کے جانور چھیننے والے گینگ کے 3 ملزمان گرفتار
کراچی میں پولیس نے کارروائی کرکے 3 ملزمان کو گرفتار کرکے چھینے گئے جانور برآمد کرلیے۔
پولیس حکام کا کہنا ہے کہ پاک کالونی میں کارروائی کے دوران 3 ملزمان گرفتار کرلیے گئے، ملزمان سے چھینے گئے جانور برآمد کرلیے گئے ہیں۔
بیوپاریوں کا کہنا ہے کہ اس بار کراچی والوں نے جانور نہیں خریدا، جتنا خرچہ ہوا ہے وہ بھی پورا نہیں ہوا۔
پولیس کا کہنا ہے کہ گزشتہ رات جوہر آباد سے شہریوں سے جانور چھینے گئے تھے، کچھ دن قبل عائشہ منزل سے ملزمان نے رکشہ اور دنبہ چھینا تھا، جوہر آباد سے ملزمان نے گاڑی سمیت دو جانور چھینے تھے۔
حکام کا کہنا ہے کہ گینگ کے 3 ملزمان کو گرفتار کرکے اسلحہ بھی برآمد کرلیا گیا، ملزمان کے قبضے سے چھینی گئی چنگچی اور گاڑی برآمد کرلی گئی، گینگ کے دیگر فرار ملزمان کی گرفتاری کے لیے چھاپے مارے جا رہے ہیں۔
کسی کو پاکستان کی جانب میلی آنکھ سے نہیں دیکھنے دیں گے، صدر کی وزیراعظم سے گفتگو