ملتان ٹیسٹ: قومی ٹیم کی برتری 200 رنز سے زائد، دوسرے دن کا اختتام
اشاعت کی تاریخ: 18th, January 2025 GMT
ملتان: پہلے ٹیسٹ میچ کے دوسرے دن کے اختتام پر پاکستان نے دوسری اننگز میں 3 وکٹوں کے نقصان پر 109 رنز بنا لیے، جس سے ویسٹ انڈیز کے خلاف برتری 202 رنز ہو گئی۔
ملتان کرکٹ اسٹیڈیم میں کم روشنی کے باعث کھیل روکا گیا اور دن کا اختتام کر دیا گیا۔ سعود شکیل 2 اور کامران غلام 9 رنز کے ساتھ کریز پر موجود ہیں۔
پاکستان کی دوسری اننگز میں تین اہم وکٹیں گریں۔ شان مسعود نے 52، محمد ہریرہ نے 29 اور بابر اعظم نے 5 رنز بنائے۔
اس سے قبل ویسٹ انڈیز کی ٹیم پہلی اننگز میں صرف 137 رنز پر آؤٹ ہو گئی۔ پاکستانی اسپنرز نے شاندار بولنگ کی۔ نعمان علی نے 5 اور ساجد خان نے 4 وکٹیں لیں، جبکہ ابرار احمد نے ایک کھلاڑی کو پویلین واپس بھیجا۔
ویسٹ انڈیز کے ٹیل اینڈرز جومیل ویریکین 31 اور جیڈن سیلز 22 رنز کے ساتھ نمایاں رہے، تاہم ٹاپ آرڈر مکمل طور پر ناکام رہا۔
پاکستان کی پہلی اننگز 230 رنز پر ختم ہوئی۔ سعود شکیل 84 اور محمد رضوان 71 رنز کے ساتھ نمایاں رہے۔ ویسٹ انڈیز کے جیڈن سیلز اور جومیل ویریکین نے 3، 3 وکٹیں حاصل کیں۔
یہ سیریز دسمبر 2006 کے بعد ویسٹ انڈیز کے پاکستان کے پہلے ٹیسٹ دورے کی حیثیت رکھتی ہے، جو دونوں ٹیموں کے لیے اہم موقع ہے۔
.ذریعہ: Nai Baat
کلیدی لفظ: ویسٹ انڈیز کے
پڑھیں:
بابر اعظم کا ٹی20 کرکٹ میں ایک اور ریکارڈ، روہت کے بعد کوہلی کو بھی پیچھے چھوڑ دیا
لاہور:قومی کرکٹ ٹیم کے سابق کپتان بابراعظم نے سابق کپتان روہت شرما کا سب سے زیادہ رنز بنانے کا ریکارڈ توڑنے کے بعد ویرات کوہلی کا ٹی20 کرکٹ میں ایک اننگز میں 50 سے زیادہ رنز بنانے کا ریکارڈ بھی اپنے نام کرلیا۔
قذافی اسٹیڈیم لاہور میں جنوبی افریقہ کے خلاف تیسرے اور آخری ٹی20 میچ میں پاکستان 4 وکٹوں سے کامیابی حاصل کرکے سیریز بھی جیت لی اور وہی تجربہ کار بیٹر بابراعظم نے ٹی20 ٹیم میں واپسی کے بعد سیریز میں دوسرا ریکارڈ اپنے نام کرلیا ہے۔
جنوبی افریقہ نے پاکستان کو میچ اور سیریز جیتنے کے لیے 140 رنز کا ہدف دیا تو صاحبزادہ فرحان اور صائم ایوب ایک مرتبہ پھر بڑی اوپننگ شراکت کرنے میں ناکام رہے تاہم بابراعظم نے اچھی بیٹنگ کرتے ہوئے ٹیم کو جیت پوزیشن پر لاکھڑا کیا۔
بابراعظم نے میچ میں 9 چوکوں کی مدد سے 68 رنز کی اننگز کھیلی جو ان کے کیریئر کی 40 اننگز تھی، جس میں انہوں نے 50 سے زائد رنز بنانے کا ریکارڈ قائم کیا۔
قبل ازیں بھارت کے ٹی20 سے ریٹائرمنٹ لینے والے بھارتی بیٹر ویرات کوہلی نے 125 میچوں میں 39 مرتبہ 50 سے زائد رنز بنانے کا ریکارڈ بنایا تھا۔
روہت شرما یہ کارنامہ اپنے ٹی20 کیریئر میں 37 مرتبہ انجام دے چکے ہیں اور 159 میچوں میں انہوں نے یہ ریکارڈ بنایا تھا۔
پاکستان کے محمد رضوان نے صرف 106 میچوں میں 31 مرتبہ 50 سے زائد رنز کی اننگز کھیلنے کا اعزاز حاصل کر رکھا ہے، پانچویں نمبر پر آسٹریلیا کے سابق بیٹر ڈیوڈ وارنر ہیں جنہوں نے 29 مرتبہ 50 رنز سے بڑی اننگز کھیلی۔
پاکستان نے جنوبی افریقہ کو ٹی20 سیریز میں 1-2 سے شکست دے، بابراعظم کو ذمہ دارانہ بیٹنگ پر میچ اور فہیم اشرف کو بولنگ میں اچھی کارکردگی پر ٹی20 سیریز کا بہترین کھلاڑی قرار دیا گیا۔
جاپان کے سابق وزیرِ اعظم شنزو آبے کے قاتل نے اعترافِ جرم کر لیا