بوم بوم شاہد آفریدی کا پاکستان انٹرنیشنل اسکول (انگلش) میں شانداراستقبال
اشاعت کی تاریخ: 20th, January 2025 GMT
اسکول بوائز کرکٹ ٹیم کا شاہد آفریدی کے ساتھ اسکول گرلز کرکٹ ٹیم کا شاہد آفریدی کے ساتھ
سعودی عرب کے ساحلی شہرجدہ میں پاکستان کے عالمی شہرت یافتہ کرکٹ آل راؤنڈر اورقومی ٹیم کے سابق کپتان بوم بوم آفریدی، قونصل جنرل پاکستان خالد مجید، ڈپٹی قونصل جنرل عدنان جاوید اور اسکول کے پرنسپل عدنان ناصر کے ساتھ طلباء و طالبات سے ملنے اسکول کے شہید بےنظیربھٹو میموریل آڈیوٹوریم پہنچے توان کا زبردست استقبال ہوا، ہال تالیوں سے گونج اٹھا اور شرکاء نے ویلکم ویلکم کے نعرے بلند کئے۔ استقبالیہ سے خطاب کرتے ہوئے شاہد آفریدی نے قونصل جنرل خالد مجید، اسکول پرنسپل عدنان ناصر، طلباء طالبات اور تمام شرکاء کا شکریہ ادا کیا۔ انہوں نے سکول کے طلبا اور طالبات سے اپنی کرکٹ کی حوالے سے واقعات بتاتے ہوئے کہا کہ اان کے والدین چاہتے تھے کہ میں اعلیٰ تعلیم حاصل کروں لیکن میرا خواب کرکٹر بننے کا تھا جسکے لئے مجھے کرکٹ کھیلنے کا شوق تھا اور میں پاکستان کی کرکٹ ٹیم میں شامل ہوکرکھیلنا چاہتا تھا۔ میں نے اپنے اس خواب کی تکمیل کے لئے خوب محنت کی اور اس کے ساتھ اپنے والدین کی ڈانٹ اور مار بھی کھائی۔ شاہد آفریدی نے طلباء طالبات کوپاکستان کَا امیج بلند رکھنے کا مشورہ دیا، انہوں نے سکول کے بوائز اور گرلزکرکٹ ٹیم کے ساتھ اسکول کے گراؤنڈ میں کرکٹ بھی کھیلی اور ان کو مشورے بھی دئیے۔ تقریب میں طلباو طالبات اور اساتذہ نے گہرے جوش و خروش کا مظاہرہ کیا۔ بعد ازاں صحافیوں سے بات چیت کرتے ہوئے شاھد آفریدی نے چیمپئن ٹرافی میں پاکستان اور انڈیا کے درمیان ہونے والے میچوں کو دبئی میں کروانے کو بہتر قرار دیا۔ انہوں نے کہا کہ دبئی کے گراؤنڈ ہمارے کھلاڑیوں کے لئے مانوس ہیں۔ ہم وہاں بہت کرکٹ کھیل چکے ہیں۔ طلباء سے بات چیت کے بعد کرکٹ کوچنگ سیشن ہوا جہاں نوجوان کرکٹرز نے اپنے قومی ہیرو سے بیٹنگ اور بولنگ کی تکنیک اورکھیل کے مشورے سیکھے۔ انہوں نے وکٹ کیپررضوان کو ایک بہترین کپتان قرار دیا۔ ایک سوال کے جواب میں شاہد افریدی نے کہا کہ ہماری ون ڈے کی ٹیم بہت اچھی ہے لیکن ٹسٹ ٹیم میں کچھ کمزوریاں ہیں۔ تقریب میں پاکستان انٹرنیشنل اسکول عزیزیہ کے طلباء نے بھی شرکت کی۔ تقریب میں پرنسپل عدنان ناصر نے شاہد آفریدی یادگاری شیلڈ بھی پیش کی۔
.
ذریعہ
ذریعہ: Jasarat News
کلیدی لفظ: شاہد ا فریدی میں پاکستان کرکٹ ٹیم انہوں نے کے ساتھ
پڑھیں:
دوسرا ون ڈے: آسٹریلیا نے پاکستان کو 41 رنز سے شکست دے دی
لاہور(نیوز ڈیسک)تین ایک روزہ میچوں کی سیریز کے دوسرے میچ میں آسٹریلیا نے پاکستان کو 42 رنز سے شکست دے کر سیریز 1-1 سے برابر کردی۔
لاہور کے قذافی اسٹیڈیم میں کھیلے گئے میچ میں پاکستان کے کپتان شاہین آفریدی نے ٹاس جیت کر آسٹریلیا کو پہلے بیٹنگ کی دعوت دی۔
مہمان ٹیم نے پہلےکھیلتے ہوئے مقررہ 50 اوورز میں 9 وکٹ پر 231 رنز اسکور کیے۔
آسٹریلیا کی جانب سے کیمرون گرین 53، جوش انگلس 51 اور میٹ رنشا 43 رنز بنا کر نمایاں رہے۔
پاکستان کی جانب سے کپتان شاہین آفریدی نے 3 جب کہ حارث رؤف ، عرفات منہاس اور ابرار احمد نے 2،2 وکٹیں حاصل کیں۔
232 رنز کے ہدف کے تعاقب میں پاکستان کی پوری ٹیم 44 اوور میں 190 رنز بنا کر آؤٹ ہوگئی۔
پاکستان کی جانب سے شاداب خان نے ناٹ آؤٹ 71 رنز کی اننگ کھیلی۔ ان کے علاوہ غازی غوری نے 37 اور عرفات منہاس نے 33 رنز بنائے۔
آسٹریلیا کی جانب سے ناتھن ایلس نے 4 اور میتھیو شارٹ نے 3 کھلاڑیوں کو آؤٹ کیا۔
خیال رہےکہ پہلے ایک روزہ میچ میں پاکستان نے آسٹریلیا کو 5 وکٹ سے شکست دی تھی، تین ایک روزہ میچوں کی سیریز میں پاکستان کو ایک صفر کی برتری حاصل ہے۔
مزید پڑھیں۔سونے کی قیمت میں پھر ہوشربا اضافہ
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ