دوسرے صوبے میں رجسٹرڈ گاڑی پنجاب میں نہیں چلے گی،نیا قانون لاگو
اشاعت کی تاریخ: 20th, January 2025 GMT
لاہور(نیوز ڈیسک)قانون تبدیل ،، اب کسی اور صوبے میں رجسٹرڈ گاڑی پنجاب میں نہیں چلائی جاسکتی ۔۔ 120 روز میں دوبارہ رجسٹریشن لازمی ،، ورنہ گاڑی ضبط ہوگی۔
رپورٹ کے مطابق پنجاب کی حکومت نے حال ہی میں پنجاب کے رہائشیوں پر صوبے سے باہر اپنی گاڑی کی رجسٹریشن کرانے پر پابندی عائد کی ہے۔
نجی خبررساںادارےکی رپورٹ کے مطابق صوبائی کابینہ سے منظوری کے بعد اس پابندی کا نفاذ کردیا گیا ہے ۔ اب کوئی بھی شخص جس کا شناختی کارڈ پنجاب کا ہے وہ اسلام آباد، کراچی پشاور یا کوئٹہ جا کر اپنی گاڑی رجسٹرڈ نہیں کروا سکتا۔
اس نئی پابندی کے تحت اگر کسی پنجاب کے رہائشی کے پاس کسی دوسرے صوبے کی رجسٹرڈ گاڑی پائی گئی، تو ضبط بھی کی جا سکتی ہے۔
گذشتہ کچھ سالوں سے گاڑیوں کی مارکیٹ میں اسلام آباد نمبر پلیٹ کی گاڑی نہ صرف ہاتھوں ہاتھ بکتی ہےبلکہ اس کی قیمت میں بھی 50 ہزار سے لاکھ روپے تک اضافہ ہو جاتا ہے۔
دلچسپ بات یہ ہے کہ مردم شماری کے مطابق اسلام آباد کی کل آبادی20 لاکھ ہے تاہم وہاں گاڑیوں کی رجسٹریشن کی تعداد 15 لاکھ سے بھی تجاوز کر گئی ہے۔ صرف ایک سال 2023 کے دوران 75 ہزار گاڑی اسلام آباد میں رجسڑڈ کی گئی۔
محکمہ ایکسائز اینڈ ٹیکسیشن پنجاب کے مطابق صوبے کے سرکاری خزانے کو اسلام آباد رجسٹریشن کی وجہ سے اربوں کا نقصان پہنچ رہا ہے۔
خیال رہے کہ اس سے پہلے موٹر وہیکل ایکٹ کے سیکشن 130 میں ایک ترمیم کی گئی۔ جس کے تحت کسی بھی دوسرے صوبے کی کوئی بھی گاڑی پنجاب میں 120 دن سے زیادہ نہیں چل سکتی ہے۔ اگر اسے مزید چلانا ہو تو پنجاب سے دوبارہ رجسٹرڈ کروانا ضروری ہوگا۔
ڈی جی ایکسائز اینڈ ٹیکسیشن پنجاب عمر شیر چٹھہ کا کہنا ہے کہ یہ بات محض رجسٹریشن کی نہیں بلکہ سالانہ ٹوکن ٹیکس کا بھی ہے۔ ہمارے تخمینے کے مطابق اس سے آٹھ سے دس ارب کا سالانہ فائدہ صوبے کو ہو گا۔ ہم نے اب سارے چور دروازے بند کر دیے ہیں۔
اب نمبروں کی وجہ سے گاڑیوں کی قیمتوں میں کوئی فرق نہیں پڑے گا۔ اب لوگ اس فکر سے آزاد ہو جائیں گے کہ نمبر کہاں کا لگا ہوا ہے۔ آپ اگر پنجاب میں رہتے ہیں تو آپ کے پاس اب پنجاب کے نمبر کی گاڑی ہی ہوگی۔ چاہے آپ نے گاڑی دوسرے صوبے سے خریدی ہو، ہم نے دوبارہ رجسٹریشن کا قانون لاگو کر رکھا ہے اس میں بھی اب پریشانی والی کوئی بات نہیں ہوگی۔
مزیدپڑھیں:سیف علی خان پر قاتلانہ حملے کا ملزم کیسے پکڑا گیا؟ حیران کن انکشاف
ذریعہ: Daily Ausaf
کلیدی لفظ: اسلام آباد پنجاب کے کے مطابق
پڑھیں:
عمران خان کا چیف جسٹس آف سپریم کورٹ اور قائم مقام چیف جسٹس اسلام آباد ہائیکورٹ کو ’آئین کی حالت اور پاکستان میں قانون کا نفاذ‘ کے عنوان سے خط،
بانی چیئرمین پاکستان تحریک انصاف (پی ٹی آئی) عمران خان نے چیف جسٹس آف پاکستان اور قائم مقام چیف جسٹس اسلام آباد ہائیکورٹ کو خط لکھا ہے، بانی پی ٹی آئی کی جانب سے سلمان اکرم راجا نے خط تحریر کیا ہے۔
بانی پی ٹی آئی کا خط 9 صفحات پر مشتمل ہے، خط کا عنوان ’آئین کی حالت اور پاکستان میں قانون کا نفاذ‘ ہے، خط میں بانی پی ٹی آئی نے اپنے اوپر 200 سے زائد کیسز کا حوالہ دیا گیا ہے، بانی پی ٹی آئی نے خود کو اور اپنی اہلیہ بشریٰ بی بی کو قید میں رکھنا سیاسی و انتقامی کارروائی قرار دیا ہے۔
یہ بھی پڑھیں: عمران خان کا خط آئینی بینچ کمیٹی کو بھیج دیا ہے، چیف جسٹس یحییٰ آفریدی
خط میں رہنما پی ٹی آئی شاہ محمود، یاسمین راشد، عمرچیمہ، محمودالرشید، اعجاز چودھری کا ذکر بھی کیا گیا ہے۔
خط میں کہا گیا ہے کہ بانی پی ٹی آئی نے 4 ماہ میں 2 بار اپنے بیٹوں سے کال پر بات کی، بانی پی ٹی آئی کی بشریٰ بی بی سے ملاقات کروائی گئی نہ انہیں پڑھنے کے لیے اخبار دیا گیا، کئی دن باںی پی ٹی آئی کو چھوٹے سے سیل میں رکھا جاتا ہے۔
یہ بھی پڑھیں: عمران خان کے خط پر آرمی چیف کا جواب ان کی جانبداری ظاہر کرتا ہے، اعتزاز احسن
خط میں مزید کہا گیا ہے کہ جیل ٹرائل کی سماعت نہ ہونے کے باعث بانی پی ٹی آئی اپنے اہلخانہ، وکلا سے گزشتہ 2 ماہ سے نہیں ملے،لسٹ کے مطابق بانی پی ٹی آئی کو وکلا سے ملاقات نہیں کروائی جاتی.
خط میں 8 فروری انتخابات، 26 نومبر ریلی اور 26ویں آئینی ترمیم کا بھی ذکر کیا گیا ہے، آئینی بینچ کو فوجی عدالتوں، مخصوص نشستوں سے متعلق کیس پر فیصلہ کرنے کا اختیار دیا گیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلام آباد ہائیکورٹ بشریٰ بی بی پی ٹی آئی چیف جسٹس خط سپریم کورٹ عمران خان
وزیراعظم محمد شہباز شریف کا مالی سال 2025 کے پہلے 9 ماہ میں آئی ٹی برآمدات میں 2.828 بلین ڈالر (گزشتہ سال کے مقابلے 23 فیصد) اضافے کا خیر مقدم