ڈونلڈ ٹرمپ کو امریکی صدر بننے پر پاکستٍان سمیت دنیا بھر کے سربراہان مملکت کی مبارکباد
اشاعت کی تاریخ: 20th, January 2025 GMT
اسلام آباد(ڈیلی پاکستان آن لائن)صدر مملکت آصف علی زرداری اور وزیر اعظم پاکستان شہباز شریف کی جانب سے ڈونلڈ ٹرمپ کو امریکہ کے صدر کا عہدہ سنبھالنے پر مبارکباد دی گئی ہے۔ایوان صدر سے جاری اعلامیے کے مطابق صدر مملکت آصف زرداری نے نئے امریکی صدر ڈونلڈ ٹرمپ کے لیے نیک خواہشات کا اظہار کیا ہے۔
وزیر اعظم شہباز شریف نے کہا ہے کہ پاک امریکہ پائیدار شراکت داری کو مزید مستحکم کرنے کے لیے ٹرمپ کے ساتھ کام کرنے کا منتظر ہوں۔وزیر اعظم نے کہا کہ دونوں عظیم ممالک سالہا سال سے خطے میں امن و خوشحالی کےلیے مل کر کام کر رہے ہیں ہم مستقبل میں بھی امن و سلامتی اور خوشحالی کے لیے مل کر کام کرتے رہیں گے۔امریکہ کے دوسری بار صدر بننے پر ڈونلڈ ٹرمپ کے لیے دیگر ممالک سے بھی تہنیتی پیغامات آنے کا سلسلہ جاری ہے۔
ہونہار سکالر شپ پروگرام کا پہلا فیز مکمل،ڈیرہ غازی خان ڈویژن میں کتنے طلباء میں سکالرشپ تقسیم کیے گئے ۔۔؟ اہم تفصیلات جانیے
روس کے صدر ولادیمیر پیوٹن نے ٹرمپ کو حلف اٹھانے سے پہلے مبارکباد دی، انہوں نے کہا کہ تمام تر مشکلات کے باوجود ٹرمپ نے ہمت کا مظاہرہ کیا اور جیت کر دکھایا۔پیوٹن نے یوکرین جنگ اور جوہری ہتھیاروں پر نئی امریکی انتظامیہ سے بات چیت کا عندیہ بھی دیا۔
ترک صدر رجب طیب اردوان نے کہا کہ امید ہے ٹرمپ کی دوسری مدت صدارت تمام انسانیت کے لیے اچھائی لائے گی۔برطانیہ کے بادشاہ چارلس اور برطانوی وزیراعظم سر کیئر سٹارمر نے بھی ٹرمپ کو صدر بننے پر مبارکباد دی۔کینیڈا کے وزیراعظم جسٹن ٹروڈو نے امریکہ کے ساتھ مل کر کام کرنے کے عزم کا اظہار کرتے ہوئے کہا کہ کینیڈا اور امریکا اسی وقت مضبوط ہوں گے جب مل کر کام کریں گے۔بھارتی وزیراعظم نے بھی ٹرمپ کو عہدہ سنبھالنے پر مبارکباد دی، یوکرین کے صدر زیلنسکی، جرمن چانسلر اولاف شولز اور نیٹو اور یورپی یونین کے سربراہان کی جانب سے بھی ٹرمپ کو مبارکباد دی گئی۔
ستاروں کی روشنی میں آپ کا آج (منگل) کا دن کیسا رہے گا؟
مزید :.ذریعہ: Daily Pakistan
کلیدی لفظ: مل کر کام کر ڈونلڈ ٹرمپ ٹرمپ کو کے لیے نے کہا کہا کہ
پڑھیں:
گلوبل صمود فلوٹیلا میں سوار افراد کی گرفتاری انسانیت کیخلاف سنگین جرم ہے، حنیف طیب
ایک بیان میں سابق وفاقی وزیر نے کہا کہ پاکستان سمیت جن ممالک کو امریکہ اور اسرائیل سے خیر کی توقع ہے وہ خوابوں کی دنیا میں رہتے ہیں، امریکہ برطانیہ سمیت کئی یورپین ممالک کا دامن مسلمانوں کے خون سے آلودہ ہے جن کی تعداد لاکھوں میں ہے۔ اسلام ٹائمز۔ چیئرمین نظام مصطفی پارٹی سابق وفاقی وزیر پیٹرولیم ڈاکٹر حاجی حنیف طیب نے کہا کہ گلوبل صمود فلوٹیلا میں سوار افراد کو اسرائیلی فورسز کی جانب سے گرفتار کرنا وحشیانہ اقدام، دہشت گردی اور انسانیت کے خلاف سنگین جرم ہے اس اقدام کی شدید الفاظ میں مذمت کرتے ہیں۔ حاجی محمد حنیف طیب نے کہا کہ صمود فلوٹیلا کا مقصد غزہ کے لوگوں کو ضروریات زندگی کی اشیاء، کھانا، پینا، ادویات فراہم کرنا تھا، ان کے پاس امدادی سامان تھا کوئی اسلحہ نہیں تھا، اس پرُامن مشن میں پاکستان، تیونس، الجزائر، لیبیا، مراکش، قطر، بحرین، عمان، کویت، موریتانیا، ترکیہ، ملائیشیا، بارسلونا، جنوبی افریقہ سمیت 44 ممالک کے نمائندے شریک تھے، جس میں ڈاکٹرز، انسانی حقوق کے نمائندے، سیاست دان، صحافی و دیگر شعبہ زندگی سے تعلق رکھنے والے افراد شامل تھے، اس سارے عمل کو امریکی صدر ٹرمپ خاموشی سے دیکھتے رہے، امن کے علمبردار سمجھنے والے امریکی صدر نے ان کی فی الفور رہائی کے لئے اقدامات نہیں کئے، پاکستان سمیت جن ممالک کو امریکہ اور اسرائیل سے خیر کی توقع ہے وہ خوابوں کی دنیا میں رہتے ہیں، امریکہ برطانیہ سمیت کئی یورپین ممالک کا دامن مسلمانوں کے خون سے آلودہ ہے جن کی تعداد لاکھوں میں ہے۔
پاکستان اور آئی ایم ایف میں کلائمٹ فنانسنگ پروگرام کے تحت مذاکرات جاری