تمام جمہوریت پسند قوتیں ایک پلیٹ فارم پر آئیں،مصطفی نواز کھوکھر
اشاعت کی تاریخ: 22nd, January 2025 GMT
اسلام آباد(آن لائن)تحریک تحفظ آئین پاکستان کے رہنما سینئر سیاستدان مصطفی نواز کھوکھر نے کہا ہے کہ وقت آچکا ہے تمام جمہوریت پسند قوتیں ایک پلیٹ فارم پر آئیں،آج پی ٹی آئی اور تحریک تحفظ آئین پاکستان کے رہنما میرے پاس آئے،ملک کے مسائل پر آج کھل کر گفتگو ہوئی،اس بات پر اتفاق ہوا کہ ملک کی بہتری کا ایجنڈا ہو۔پی ٹی آئی رہنما سابق اسپیکر قومی اسمبلی اسد قیصر نے کہا کہ پوری پاکستانی قوم اپنے حقوق کے لیے اٹھ کھڑی ہو، آئین پاکستان پر ڈاکہ ڈالا گیا ہے،26 ویں آئینی ترمیم نے رہی سہی کسر پوری کردی ہے، ہم سیاسی لوگوں کے علاوہ
عام عوام کو بھی کانفرنس میں بلائیں گے۔اپوزیشن لیڈر عمرایوب نے کہا کہ آنے والے دنوں میں تمام اپوزیشن جماعتوں کا اکٹھ ہو گا،ہمارا مقصد ایک ہی ہے کہ ملک کو در پیش مسائل اور عوام کو آسانی فراہم ہو۔مصطفی نوازکھوکھر کی رہائش گاہ پر پریس کانفرنس سے خطاب میں مصطفی نوازکھوکھر نے کہاکہ آج پی ٹی آئی اور تحریک تحفظ آئین پاکستان کے رہنما میرے پاس آئے،ملک کے مسائل پر آج کھل کر گفتگو ہوئی،اس وقت پاکستان میں شدید بحران ہے جو عوام بھگت رہے ہیں،سیاسی بحران کی قیمت عوام کو ادا کرنا پڑ رہا ہے،ملک کے ہمسایہ ممالک کے ساتھ بھی تعلقات ٹھیک نہیں ہیں۔انہوں نے کہا کہ اس مشکل بحران میں موجودہ حکومت نے مزید مشکلات میں اضافہ کیا، اس بات پر اتفاق ہوا کہ ملک کی بہتری کا ایجنڈا ہو،اگلے چند دنوں میں ایجنڈہ طے کرنے کے حوالے سے میٹنگ ہوگی،آئندہ کچھ دنوں میں ایجنڈہ طے کرکے جستجو کا آغاز کریں گے،وقت آچکا ہے تمام جمہوریت پسند قوتیں ایک پلیٹ فارم پر آئیں۔
مصطفی کھوکھر
ذریعہ: Jasarat News
کلیدی لفظ: آئین پاکستان نے کہا
پڑھیں:
سپیکر قومی اسمبلی کا حریت رہنما پروفیسر عبدالغنی بھٹ کے انتقال پر اظہار تعزیت
اسلام آباد (اُردو پوائنٹ اخبارتازہ ترین - اے پی پی۔ 18 ستمبر2025ء) سپیکر قومی اسمبلی سردار ایاز صادق نے حریت کانفرنس کے سابق چیئرمین، معروف کشمیری رہنما پروفیسر عبدالغنی بھٹ کے انتقال پر گہرے دکھ اور افسوس کا اظہارکیا ہے ۔(جاری ہے)
جمعرات کو اپنے تعزیتی پیغام میں انہوں نے پروفیسر عبدالغنی بھٹ کی جدوجہدِ آزادی کشمیر میں تاریخی کردار کو زبردست خراجِ عقیدت پیش کیا اور مرحوم کے اہل خانہ اور کشمیری عوام سے یکجہتی اور دلی ہمدردی اور تعزیت کا اظہار کیا ۔
اور کہا کہ پروفیسر عبدالغنی بھٹ نے پوری زندگی کشمیری عوام کے حقِ خودارادیت کے لیے وقف کی۔ آزادی کشمیر کی تحریک میں پروفیسر عبد الغنی بھٹ کی خدمات ہمیشہ یاد رکھی جائیں گی۔پروفیسر عبدالغنی بٹ کی وفات کشمیری تحریک آزادی کے لیے ایک بڑا نقصان ہے۔سپیکر سردار ایاز صادق نےاللہ تعالیٰ سے مرحوم عبدالغنی بھٹ کے درجات کی بلندی اور لواحقین کیلئے صبر جمیل کی دعا کی۔
زیلنسکی نے ٹرمپ پر سنگین الزام عائد کردیا، امریکا سے تعلقات متاثر ہونے کا خدشہ