آئی ایل ٹی 20 میں شیفرڈ اور نکولس نے ایم آئی امارات کو نائٹ رائیڈرز پر فتح دلادی
اشاعت کی تاریخ: 22nd, January 2025 GMT
ابوظہبی :ایم آئی ایمریٹس نے بلے اور گیند سے عمدہ کارکردگی کا مظاہرہ کرتے ہوئے ابوظہبی نائٹ رائیڈرز کو 28 رنز سے شکست دیدی۔ ایم آئی امارات کے روماریو شیفرڈ اور نکولس پورن جیسے کھلاڑیوں نے اپنی ٹیم کو ٹیبل پر 2 پوائنٹس اوپر پہنچانے میں اہم کردار ادا کیا ۔ ابوظہبی نائٹ رائیڈرز کے ہدف کے تعاقب میں ایم آئی ایمریٹس کے بالرز نے عمدہ کارکردگی کا مظاہرہ کیا اور چاروں بالرز نے ایک ایک وکٹ حاصل کی جبکہ الزاری جوزف اور شیفرڈ نے دو، دو وکٹیں حاصل کیں۔ایم آئی ایمریٹس نے پہلے بیٹنگ کا آغاز اچھا کیا اور اوپنر کوشل پریرا اور محمد وسیم (38) نے عمدہ شراکت قائم کی۔ دونوں کھلاڑیوں کے درمیان 42 رنز کی شراکت کے بعد سری لنکن پریرا پاور پلے کے اختتام سے قبل 23 رنز بنا کر آٹ ہوئے۔ اننگز کے نصف حصے میں ہی بینٹن 9 رنز بنا کر آئوٹ ہوگئے اور اس کے فورا بعد وسیم 38 رنز بناکر پویلین لوٹے کپتان نکولس پورن کے ساتھ کیرون پولارڈ بھی موجود تھے تاہم دائیں ہاتھ کے تجربہ کار بلے باز کو آگے بڑھنے میں مشکلات کا سامنا کرنا پڑا اور آخر کار علی خان نے انہیں پانچ رنز پر آٹ کر دیا۔ اس موقع پر اسکور 4 وکٹوں کے نقصان پر ہر صرف 6 رنز تھا جبکہ اننگز کے 6 اوورز باقی تھے۔ ڈین موسلے 6 رنز بنا کر آٹ ہوئے جس کے بعد روماریو شیفرڈ نے اننگز کے آخری مرحلے کے لیے اپنے کپتان کا ساتھ دیا۔ پورن نے اپنی نصف سنچری مکمل کی جس کے بعد جیسن ہولڈر نے 49 رنز کی عمدہ اننگز کھیلی۔ ایم آئی ایمریٹس، جو درمیان میں چند اوورز کے لئے سست روی کا شکار تھا، آخر کار 6 وکٹوں کے نقصان پر 186 رنز بناسکے۔ ابوظبی نائٹ رائیڈرز نے تیز آغاز کیا اور اوپنرز کائل میئرز اور اینڈریز گوس نے ایم آئی ایمریٹس کے بولرز پر اٹیک کیا ۔ 3 چھکے لگانے والے میئرز نے 14 گیندوں پر 22 رنز بنائے جبکہ ڈین موسلے نے عمدہ فیلڈنگ کرتے ہوئے انہیں آٹ کر دیا۔ اس سے چوتھے اوور میں 39 رنز کی شراکت ختم ہوئی جس کے بعد ایم آئی ایم اے نے کنٹرول سنبھال لیا۔عقیل حسین نے جوئے کلارک کو 3 رنز پر آٹ کیا جس کے بعد روماریو شیفرڈ نے مائیکل کائل پیپر کو 5 اور علیشان شرفو کو 4رنز پر آٹ کیا۔ ایکشن سے بھرپور پاور پلے کے اختتام پر ابوظبی نائٹ رائیڈرز کا اسکور 4 وکٹوں کے نقصان پر 56 رنز تھا۔ تاہم 18 ویں اوور میں نارائن 13 رنز بنا کر کیچ آٹ ہوئے اور پھر فضل الحق فاروقی نے 19 ویں اوور میں ڈیوڈ ولی کو آٹ کیا۔ رسل 23 گیندوں پر 37 رنز بنا کر ناٹ آٹ رہے۔ تاہم وہ ٹیم کو فتح نہ دلاسکے۔
.ذریعہ: Daily Mumtaz
کلیدی لفظ: ایم آئی ایمریٹس نائٹ رائیڈرز ایم آئی ایم جس کے بعد
پڑھیں:
ثوب الفرح: متحدہ عرب امارات کا غزہ میں اجتماعی شادیوں کے انعقاد کا اعلان
متحدہ عرب امارات کے انسانی ہمدردی کے منصوبے ’آپریشن گیلنٹ نائٹ 3‘ نے اپنی پہلی اجتماعی شادی کی خصوصی مہم ’ثوب الفرح‘ (خوشی کا لباس) کا آغاز کر دیا ہے۔
یہ اقدام امارات کی 54ویں قومی دن کی تقریبات کے موقع پر کیا گیا ہے، جس کا مقصد غزہ کی پٹی میں مشکل حالات کا سامنا کرنے والے نوجوانوں اور ان کے خاندانوں کا بوجھ کم کرنا اور انہیں خوشی اور استحکام فراہم کرنا ہے۔ مہم کے تحت مجموعی طور پر 54 جوڑے اس سوشل ویلفیئر پروگرام سے فائدہ اٹھائیں گے۔
یہ بھی پڑھیے: اسرائیل غزہ امن معاہدے کے تحت امداد پہنچانے نہیں دے رہا، اقوام متحدہ
انتظامیہ کے مطابق اس اجتماعی شادی کے لیے رجسٹریشن کا عمل صرف سرکاری ویب سائٹ پر موجود ’پروجیکٹس اینڈ اسسٹنس‘ سیکشن میں فراہم کردہ خصوصی لنک کے ذریعے ہی مکمل کیا جا سکے گا، تاکہ درخواستوں کا اندراج منظم، شفاف اور مؤثر طریقے سے ہو سکے۔
انتظامیہ نے بتایا کہ اجتماعی شادی کے لیے درخواست دینے والے افراد کے پاس فلسطینی قومیت اور غزہ کی پٹی میں مستقل رہائش ضروری ہے۔
اس کے علاوہ دلہے کی عمر کم از کم 27 سال ہونا ضروری ہے، تاہم جن خاندانوں میں صرف ایک ہی مرد بچا ہو اُن کے لیے عمر کی شرط میں نرمی کی جائے گی۔ درخواست گزار غیر شادی شدہ ہو، اور طبی، ذہنی اور سماجی طور پر شادی کے قابل بھی ہو۔
یہ بھی پڑھیے: دھی رانی پروگرام: بہاولپور میں 174 مستحق جوڑوں کی اجتماعی شادی، سلامی بھی دی گئی
مزید برآں، امیدوار کا کسی سرکاری ادارے میں ملازم نہ ہونا اور کم آمدنی والے یا جنگ سے متاثرہ خاندان سے تعلق رکھنا بھی لازمی ہے۔ مہم میں شامل ہونے والے نوجوانوں کو پروگرام کی تمام ہدایات پر عمل درآمد، کمیٹیوں کے فیصلوں کی پابندی، سرکاری سرگرمیوں میں باقاعدہ شرکت اور میڈیا دستاویزات کا حصہ بننے کی مکمل رضامندی بھی فراہم کرنا ہوگی۔
یہ اجتماعی شادی کی پہل غزہ میں سماجی استحکام کو فروغ دینے، نوجوانوں کو نئی امید فراہم کرنے اور مشکلات سے دوچار خاندانوں میں خوشی بانٹنے کی جاری انسانی ہمدردی کی کوششوں کا ایک اور نمایاں سنگِ میل ثابت ہو رہی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اجتماعی شادی غزہ فلسطین متحدہ عرب امارات
عرفان صدیقی کی یاد میں سینیٹ کا تعزیتی اجلاس، اسلام آباد، واناکے شہدا کیلئے بھی دعا