دنیا ئے اسلام کی پہلی جدید شادی
اشاعت کی تاریخ: 16th, November 2025 GMT
data-id="863a0a8" data-element_type="widget" data-widget_type="theme-post-content.default">
251117-03-5
امیر محمد کلوڑ
جمادی الاوّل اسلامی ہجری کلینڈر کا پانچواں مہینہ ہے اس مہینے میں کائنات میں ایک متبرک شادی کا انعقاد ہوا جوکہ رہتی دنیا تک اپنی پاکیزگی اور محبت کے سچے رشتے کے حوالے سے یاد رکھی جائے گی کہ زوجہ سے اتنی محبت کہ ان کے مرنے کے بعد جب بھی قربانی کا گوشت تقسیم کرتے تو اپنی مرحومہ زوجہ محترمہ کی سہیلیوں کو گوشت لازماً بھیجتے تھے۔ آج میں ایک ایسی جدید اور مثالی شادی کا تذکرہ کروں گا جو اُس دور کے رسم و رواج سے ہٹ کر تھی۔ عربوں میں یہ رواج تھا کہ وہ اپنی عمر سے کم عمر کی لڑکیوں سے شادی کرتے تھے لیکن جس خوبصورت جوڑے کا ذکر کررہا ہوں وہ اس دور کے عرب معاشرے کے لیے ایک غیر معمولی اور جدید سوچ تھی، کیونکہ عام طور پر مرد بڑی عمر کی عورت سے شادی نہیں کرتے تھے۔ سیدہ خدیجہؓ نبی کریمؐ سے 15 سال بڑی تھیں، مگر اس کے باوجود شادی محبت، اعتماد اور کردار کی بنیاد پر ہوئی، عمر کی نہیں۔ ایک طرف دلہن اپنے وقت کی ایک کامیاب ورکنگ وومن ایک بزنس ٹائیکون 40 سال کی سلجھی ہوئی عمر میں انسان کی شخصیت میں سکون، سنجیدگی اور وقار آجاتا ہے۔ جذباتی اُتار چڑھاؤ کی جگہ سمجھ بوجھ اور تدبر آجاتا ہے۔ چہرے پر وقار کے ساتھ نرمی آتی ہے، جو حسن کو اور نمایاں کر دیتی ہے۔ اور دوسری طرف کائنات کے حسین ترین انسان اور ابھرتے ہوئے 25 سالہ کاروباری نوجوان عمر میں وہ معروف اور معتبر شخصیت کے طور پر مکہ میں پہچانے جانے لگے تھے۔ اسی عمر میں خدا کے لاڈلے، محمد مصطفی احمد مجتبیٰؐ کی سیدہ خدیجہؓ سے شادی ہوئی، جو نہ صرف ذاتی زندگی میں خوشی کا دور تھا بلکہ ایک مضبوط اخلاقی اور مالی استحکام بھی تھا۔ اس عمر میں آپؐ اعتماد، بصیرت، اور سماجی کردار کے لحاظ سے بہت مستحکم ہو چکے تھے اور جن کو آگے چل کر اللہ تعالیٰ نے پوری کائنات کے کاروبار کے بوجھ کا ذمہ دینا تھا اور آخرت میں شفاعت کی ذمے داری بھی انہیں سونپنی تھی۔
اسلامی روایات کے مطابق، نبی اکرمؐ نے سیدہ خدیجہؓ کو جو مہر دیا، اْس کے بارے میں مختلف روایات پائی جاتی ہیں: 1۔ طبقات ابن سعد اور دلائل النبوہ للبیہقی میں مہر کی مقدار بارہ اوقیہ اور نصف اوقیہ (تقریباً 500 درہم) بیان کی گئی ہے۔ 2۔ سیرت ابن ہشام اور تاریخ طبری میں مہر کی قیمت 20 اونٹوں کے برابر بیان کی گئی ہے۔ علماء کے نزدیک یہ دونوں روایتیں اس بات کو ظاہر کرتی ہیں کہ مہر کی رقم اْس زمانے کے معیار کے لحاظ سے نہ بہت زیادہ تھی نہ بہت کم بلکہ اعتدال پر مبنی اور باعزت تھی۔ جہاں تک سیدہ خدیجہؓ کے جہیز کا تعلق ہے، تو اسلامی تاریخ میں اس کا ذکر بہت سادگی کے ساتھ آیا ہے۔
سیرت حلبیہ اور دیگر کتب کے مطابق: سیدہ خدیجہؓ نے چند کپڑے، خوشبوئیں، اور سادہ گھریلو سامان بطور جہیز دیا۔ کوئی شان و شوکت یا فضول خرچی نہیں تھی۔ اصل تحفہ اْن کا اعتماد، ایمان، اور نبیؐ کی رفاقت تھی۔ عام طور پر ہمارے ہاں دین اسلام کو ایک دقیانوسی اور فرسودہ تصورات والا دین سمجھا جاتا ہے لیکن اس شادی نے وہ سارے اس وقت کے خیالات اور اس اکیسویں صدی کے جدید ٹیکنالوجی کے دور کے انسان کو بھی سوچنے پر مجبور کردیا۔ مکہ کی سب سے بڑی تاجر خاتون جن کا تجارتی نیٹ ورک شام، یمن، حبشہ اور دیگر خطوں تک پھیلا ہوا تھا۔ ان کے قافلے اتنے بڑے ہوتے تھے کہ بعض مؤرخین نے لکھا ہے کہ ’’قریش کے تمام قافلوں کا نصف سیدہ خدیجہؓ کے قافلے کے برابر نہ تھا‘‘۔ مگر ان کا نظام دیانت، امانت، اور انسانی بھلائی پر قائم تھا، نہ کہ صرف منافع پر۔
آج کی بزنس خواتین جن کا مقصد زیادہ تر پرافٹ، سرمایہ، برانڈ ویلیو ہوتا ہے۔ ان کے کاروبار میں اکثر روحانی یا سماجی مقصد ثانوی ہوتا ہے اپنی کامیابی کے باعث بااثر شخصیات سمجھی جاتی ہیں۔ انہیں مالی طاقت کی وجہ سے پہچانا جاتا ہے۔ لیکن قربان جائوں ام المومنین سیدہ خدیجہؓ پر جو ’’الطاہرہ‘‘ (پاکیزہ) اور ’’سیدۃٌ نساء قریش‘‘ (قریش کی عورتوں کی سردار) کہلائیں۔ انہوں نے اپنی دولت، عزت اور کاروبار سب کچھ نبی کریمؐ کی خدمت اور دین ِ اسلام کے لیے وقف کر دیا۔ ان کا مقصد معاشی استحکام اخلاقی خدمت تھا۔ تجارت میں بھی انصاف، مساوات اور سخاوت نمایاں تھی۔
جب اسلام کا آغاز ہوا، تو انہوں نے اپنا تمام سرمایہ اسلام کے پیغام کی ترویج میں لگا دیا یہ دنیا کی سب سے بڑی ’’سوشل انویسٹمنٹ‘‘ کہی جا سکتی ہے۔ یہ شادی اپنے وقت کے لحاظ سے انتہائی جدید اور باعزت تھی۔ سیدہ خدیجہؓ ایک کامیاب، خودمختار خاتون تھیں۔ انہوں نے نبی کریمؐ کے کردار، دیانت اور سچائی کو دیکھ کر خود شادی کی پیشکش کی۔ اس سے ظاہر ہوتا ہے کہ اسلام عورت کو اپنی پسند کے فیصلے کا مکمل حق دیتا ہے۔ اسلام کی جدیدیت میں یہ پہلو بھی آتا ہے کہ اس پورے پروسیس میں کسی مرد کا رول نہیں ہے یہاں تک کہ پیغام لانے والی بھی بی بی خدیجہ کی سہیلی نفیسہ نامی بھی ایک عورت تھی اور اس سے زیادہ کیا روشن مثالی ہوگی۔ کائنات کے اس پاک جوڑے نے اپنی زندگی اعتماد، عزت، اور محبت پر گزاری۔ سیدہ خدیجہؓ نے نبی کریمؐ کے مشکل وقتوں میں ساتھ دیا، ان کے مشن پر ایمان لایا اور اپنا مال قربان کیا۔ نبیؐ نے بھی زندگی بھر ان کی محبت اور وفاداری کو یاد رکھا۔
یہ شادی ہمیں سکھاتی ہے کہ اسلامی رشتہ برابری، عزت اور باہمی اعتماد پر قائم ہوتا ہے یہی اصل میں جدید اور بہترین ازدواجی زندگی کی بنیاد ہے۔ یعنی رشتہ برابری، عزت اور شعور کی بنیاد پر ہو نہ کہ کسی رسم یا دباؤ پر۔ یہ آج کے ’’mutual respect and consent‘‘ کے اصول کے عین مطابق ہے۔
ذریعہ
ذریعہ: Jasarat News
پڑھیں:
افغان ٹیم پہلی بار بھارت میں ٹی ٹوئنٹی سیریز کی میزبانی کرے گی
افغانستان کرکٹ ٹیم(Afghanistan Cricket Team) اپنی آئندہ ٹی ٹوئنٹی سیریز کی میزبانی بھارت کے دارالحکومت دہلی میں کرے گی، جس کا باضابطہ شیڈول سامنے آگیا ہے۔
رپورٹس کے مطابق افغانستان کرکٹ بورڈ اور بھارتی کرکٹ بورڈ کے درمیان طویل مشاورت کے بعد اس سیریز کے انعقاد پر اتفاق کیا گیا ہے، جس کے تحت تین ٹی ٹوئنٹی میچز 13، 16 اور 19 ستمبر کو کھیلے جائیں گے۔
ذرائع کے مطابق یہ پہلا موقع ہوگا کہ افغانستان بھارت میں ٹی ٹوئنٹی سیریز کی میزبانی کرے گا، جو دونوں کرکٹ بورڈز کے درمیان مضبوط ہوتے ہوئے تعلقات کی عکاسی کرتا ہے۔
اس سے قبل افغانستان کی ٹیم بھارت کے خلاف ایک ٹیسٹ میچ اور تین ون ڈے میچز کی سیریز بھی کھیل رہی ہے، جس سے دونوں ٹیموں کے درمیان بین الاقوامی کرکٹ روابط مزید مستحکم ہو رہے ہیں۔
مزیدپڑھیں:پنجاب میں مفت سفری سہولت ختم کرنے پر غور
بھارتی میڈیا کے مطابق افغانستان کرکٹ بورڈ نے اس سیریز کے لیے جوابی دورے کی خواہش ظاہر کی تھی، جس پر بھارتی بورڈ نے مثبت ردعمل دیا۔ دونوں بورڈز کے درمیان پہلے سے اچھے تعلقات موجود ہیں، جس کی بنیاد پر اس سیریز کو ممکن بنایا گیا۔
یہ بھی یاد رہے کہ افغانستان کرکٹ ٹیم ماضی میں اپنی ہوم سیریز بھارت اور متحدہ عرب امارات میں کھیلتی رہی ہے۔ بھارت میں افغانستان نے اس سے قبل آئرلینڈ، بنگلہ دیش اور نیوزی لینڈ جیسی ٹیموں کی میزبانی بھی کی ہے۔
کرکٹ ماہرین کے مطابق افغانستان کی جانب سے بھارت میں مسلسل ہوم سیریز کھیلنا اس بات کی علامت ہے کہ وہ عالمی کرکٹ میں اپنی موجودگی اور انتظامی صلاحیتوں کو مزید مضبوط کر رہا ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ