پنجاب میں 114 اشتہاریوں کے سر کی قیمت مقرر کردی گئی
اشاعت کی تاریخ: 23rd, January 2025 GMT
پنجاب میں دہشت گردی سمیت سنگین جرائم میں ملوث ملزمان کے سر کی قیمت مقرر کردی گئی۔
پنجاب کے وزیر قانون صہیب احمد کی زیرصدارت ریوارڈ منی کمیٹی کا محکمہ داخلہ لاہور میں اجلاس ہوا۔ اس موقع پر دہشت گردی سمیت سنگین جرائم میں ملوث ملزمان کے سر کی قیمت مقرر کی گئی۔
بلیک بک انویسٹی گیشن ونگ کے 101 جبکہ ریڈ بک سی ٹی ڈی ونگ کے 13 اشتہاریوں کے سر کی قیمت مقرر کی گئی۔
ریڈ بک میں شامل 16 اشتہاریوں کے سر کی قیمت جرائم کی نوعیت کے مطابق 2 لاکھ سے 1 کروڑ تک مقرر کی گئی۔ جبکہ کچے کے ڈاکوؤں کے سر کی قیمت تین کیٹیگریز میں1 کروڑ، 50 لاکھ اور 25 لاکھ روپے مقرر کی گئی۔
ٹارگٹ کلنگ میں اشتہاری ملزم مرید حسین کے سر کی قیمت 2 لاکھ سے بڑھا کر 25 لاکھ روپے، اشتہاری محمد صفدر کے سر کی قیمت 5 لاکھ سے بڑھا کر 40 لاکھ روپے کرنے کی منظوری دی گئی۔
خودکش دھماکا کے سہولت کاروں اشتہاری سعد منیر اور اعجاز کے سر کی قیمت 25 لاکھ روپے فی کس کرنے کی منظوری دی گئی۔
بم دھماکا میں ملوث اشتہاری عمران ستار کے سر کی قیمت 3 لاکھ سے بڑھا کر 70 لاکھ روپے کرنے کی منظوری دی گئی۔ بم دھماکا اور ٹارگٹ کلنک میں ملوث اشتہاری سمیع اللہ کے سر کی قیمت 2 لاکھ سے بڑھا کر 60 روپے لاکھ کرنے کی منظوری دی گئی۔
بم دھماکا میں ملوث اشتہاری عبدالمجید رشید کے سر کی قیمت 5 لاکھ سے بڑھا کر 25 روپے لاکھ کرنے کی منظوری دی گئی۔ بم دھماکا، گرجا گھر میں فائرنگ میں ملوث اشتہاری سلیمان کے سر کی قیمت 3 لاکھ سے بڑھاکر 40 لاکھ روپے کرنے کی منظوری دی گئی، جبکہ عبیدالرحمان کے سر کی قیمت 10 لاکھ سے بڑھا کر 40 لاکھ روپے کردی گئی۔
ٹارگٹ کلنگ میں ملوث اشتہاری ملزم تنویر نقوی کے سر کی قیمت 25 لاکھ روپے، اشتہاری عمران زیدی کے سر کی قیمت 1 لاکھ سے بڑھا کر 25 لاکھ روپے کرنےکی منظوری دی گئی۔
بم دھماکے میں ملوث اشتہاری امجد عباس کے سر کی قیمت 20 لاکھ سے بڑھا کر 25 لاکھ روپے کرنے کی منظوری دی گئی۔ ٹارگٹ کلنگ میں ملوث اشتہاری رضوان علی کے سر کی قیمت 1 لاکھ سے بڑھا کر 40 لاکھ روپےکرنے کی منظوری دی گئی۔
ٹارگٹ کلنگ میں ملوث اشتہاری بنیاد حسین کے سر کی قیمت 1 لاکھ سے بڑھا کر 25 لاکھ کرنے کی منظوری دی گئی۔ ٹارگٹ کلنگ میں ملوث اشتہاری ملزمان تنویر حسین اور عنایت اللہ شاہ کے سر کی قیمت فی کس 25 لاکھ روپے کرنے کی منظوری دی گئی۔
.ذریعہ: Jang News
کلیدی لفظ: لاکھ روپے کرنے کی منظوری دی گئی کے سر کی قیمت مقرر کے سر کی قیمت 1 کر 40 لاکھ روپے مقرر کی گئی بم دھماکا
پڑھیں:
قائمہ کمیٹی نے پنجاب میں مویشیوں سے آمدنی پرٹیکس ختم کرنے سے متعلق ترمیمی بل منظورکرلیا
لاہور(اُردو پوائنٹ اخبارتازہ ترین - این این آئی۔ 23 جولائی2025ء)پنجاب اسمبلی کی قائمہ کمیٹی ریونیو نے پنجاب ایگریکلچرل انکم ٹیکس ترمیمی بل 2025 متفقہ طور پر منظور کر لیا ،ترمیمی بل کے تحت لائیو اسٹاک آمدن پر ٹیکس ختم کر دیا گیا ۔بل کے متن کے مطابق لائیو اسٹاک کی آمدنی پر زرعی ٹیکس لاگو نہیں ہوگا،ترمیمی بل کے ذریعے کسانوں پر ٹیکس بوجھ کم کیا جائے گا،بل کی منظوری سے لائیو اسٹاک سیکٹر کو بڑا ریلیف ملے گا،پنجاب اسمبلی کی قائمہ کمیٹی برائے ریونیو نے مویشیوں سے حاصل ہونے والی آمدنی کو زرعی آمدنی کے ٹیکس کے دائرے سے مکمل طور پر نکالنے کی ترمیمی تجویز متفقہ طور پر منظور کر لی ہے۔ بل کے تحت ایگریکلچرل انکم ٹیکس ایکٹ 1997 میں ترامیم کی جائیں گی، جن کے ذریعے ایکٹ کے سیکشن 2 کے سب سیکشن 1 کی شقڈی اور ای کو ختم کرنے کی سفارش کی گئی ہے۔(جاری ہے)
ان شقوں میں لائیو اسٹاک سے حاصل ہونے والی آمدنی کو زرعی آمدنی کے طور پر شامل کیا گیا تھا، جس پر ٹیکس عائد ہوتا تھا۔ترمیمی بل کی منظوری کے بعد لائیو اسٹاک یعنی مویشی پالنے، دودھ، گوشت، اون اور دیگر جانوروں سے حاصل ہونے والی آمدنی ٹیکس سے مکمل طور پر مستثنیٰ ہو جائے گی۔قائمہ کمیٹی کی رپورٹ کے بعد بل کو ایوان میں رائے شماری کے ذریعے منظوری کے لیے پیش کیا جائے گا۔ اگر ایوان نے منظوری دے دی تو یہ ترمیم باضابطہ طور پر قانون کا حصہ بن جائے گی۔
پی ٹی آئی نے سینیٹ کی نشستوں کے لیے امیدواروں کو ٹکٹ جاری کردیئے