گوہر رشید اور کبریٰ خان کا شادی کا باضابطہ اعلان، دلچسپ ویڈیو وائرل
اشاعت کی تاریخ: 25th, January 2025 GMT
کراچی ( اُردو پوائنٹ اخبارتازہ ترین۔ 25 جنوری 2025ء ) ملک کی شوبز انڈسٹری کی معروف جوڑی مرزا گوہر رشید اور اداکارہ کبریٰ خان نے شادی کا باضابطہ اعلان کردیا۔ تفصیلات کے مطابق اس حوالے سے گوہر رشید اور کبریٰ خان کی جانب سے فوٹو اینڈ ویڈیو شیئرنگ پلیٹ فارم انسٹاگرام پر ایک دلچسپ ویڈیو شیئر کی گئی ہے جس میں انہوں نے شادی کا اعلان کیا، اس ویڈیو نے فوری طور پر سوشل میڈیا صارفین اور دونوں کے مداحوں کی توجہ حاصل کرلی جس میں میں دیگر اداکاروں مومل مرزا، شہزاد شیخ و ان کی اہلیہ، ہمایوں سعید و دیگر نامور فنکاروں نے دلچسپ انداز میں ’میرے یار کی شادی‘ کے عنوان سے تبصرہ کیا۔
جب کہ اس ویڈیو کے کیپشن میں جہاں کبریٰ خان نے لکھا کہ ’آپ کے پیار اور دعاؤں کے ساتھ بسم اللہ‘، وہیں اس دلچسپ ویڈیو کے آخر میں گوہر رشید اور کبریٰ خان دونوں ایک جیسی ہوڈی میں ملبوس دکھائی دیئے اور اپنی شادی کے اعلان کیلئے دونوں نے مزاحیہ انداز اختیار کیا، جوڑی نے اشاروں میں بتایا کہ وہی دونوں ہیں جن کی شادی ہورہی ہے، یہ اعلان کرتے ہی کبریٰ خان مسکراتے ہوئے شرما گئیں جس پر گوہر رشید نے انہیں گلے لگالیا۔(جاری ہے)
یہاں قابل ذکر بات یہ ہے کہ کبریٰ خان اور گوہر رشید سے متعلق سوشل میڈیا پر گزشتہ کچھ عرصے سے یہ اطلاعات زیرِ گردش رہیں کہ دونوں جلد رشتہ ازدواج میں منسلک ہونے جارہے ہیں، چند روز قبل ایک تقریب کے دوران کبریٰ خان سے ان کی شادی سے متعلق سوال بھی ہوا اور پوچھا گیا کہ ’کیا آپ فروری میں رشتہ ازدواج میں منسلک ہونے جارہی ہیں؟‘ اس پر کبریٰ خان نے تصدیق کی اور کہا ’جی ہاں فروری میں میری شادی ہورہی ہے‘، لیکن اس وقت انہوں نے یہ نہیں بتایا تھا کہ ان کی شادی کس سے ہورہی ہے، تاہم اب اس خوبصورت جوڑی نے شادی کا باضابطہ طور پر اعلان کردیا۔.
ذریعہ
ذریعہ: UrduPoint
کلیدی لفظ: تلاش کیجئے گوہر رشید اور شادی کا کی شادی
پڑھیں:
گوگل کا نیا سیکیورٹی فیچر، کیا اب پاس ورڈ کی ضرورت ہی نہیں رہے گی؟
گوگل نے صارفین کی آن لائن سیکیورٹی مزید مضبوط بنانے کے لیے سیلفی ویڈیو پر مبنی نئی بایومیٹرک شناختی سہولت متعارف کرا دی ہے جس کے ذریعے اہل صارفین پاس ورڈ یا ریکوری ڈیوائس دستیاب نہ ہونے کی صورت میں اپنے اکاؤنٹس تک دوبارہ رسائی حاصل کر سکیں گے۔
کمپنی کے مطابق نیا فیچر بنیادی طور پر اکاؤنٹ ریکوری کے لیے تیار کیا گیا ہے۔ صارفین ابتدائی مرحلے میں اسکرین پر دی گئی ہدایات کے مطابق ایک مختصر سیلفی ویڈیو ریکارڈ کریں گے جس میں مختلف زاویوں سے چہرہ دکھانا ہوگا تاکہ شناخت محفوظ کی جا سکے۔
یہ بھی پڑھیں: گوگل پلے کی نئی پالیسی، متبادل ایپ مارکیٹس کو راستہ مل گیا
اگر بعد میں صارف اپنا پاس ورڈ بھول جائے، فون گم ہو جائے یا ٹو فیکٹر آتھنٹیکیشن استعمال نہ کر سکے تو وہ نئی سیلفی ویڈیو ریکارڈ کر کے اپنی شناخت کی تصدیق کرا سکے گا۔
گوگل کا سیکیورٹی سسٹم نئی ویڈیو کا پہلے سے محفوظ ویڈیو سے موازنہ کرے گا اور جدید لائیونیس چیک اور اینٹی اسپوفنگ ٹیکنالوجی کی مدد سے اس بات کی تصدیق کرے گا کہ سامنے حقیقی شخص موجود ہے، نہ کہ تصویر، ریکارڈ شدہ ویڈیو یا مصنوعی ذہانت (AI) سے تیار کردہ ڈیپ فیک۔
یہ بھی پڑھیں: راستوں کی تلاش کے بعد گوگل میپس میں کھانا منگوانے کا فیچر متعارف کرائے جانے کی تیاریاں
گوگل کا کہنا ہے کہ یہ سہولت روزمرہ لاگ اِن کے لیے نہیں بلکہ صرف اکاؤنٹ ریکوری کے دوران استعمال کی جائے گی۔ کمپنی اس سے قبل پاس کیز (Passkeys)، سیکیورٹی کیز اور ٹو فیکٹر آتھنٹیکیشن جیسے متبادل طریقے بھی متعارف کرا چکی ہے تاکہ روایتی پاس ورڈز پر انحصار کم کیا جا سکے۔
پرائیویسی سے متعلق خدشات کے جواب میں گوگل نے کہا ہے کہ صارفین کی سیلفی ویڈیوز مکمل طور پر انکرپٹڈ انداز میں محفوظ کی جائیں گی، ان پر صارف کا مکمل اختیار ہوگا اور وہ کسی بھی وقت انہیں حذف کر سکیں گے۔ کمپنی کے مطابق یہ ویڈیوز صرف شناخت کی تصدیق کے لیے استعمال ہوں گی جب تک کہ صارف کسی اضافی استعمال کی اجازت نہ دے۔
یہ بھی پڑھیں: گوگل میپ کی ایک غلطی اور تاجر علی جمیل کے سفرِ آخرت کی کہانی
ماہرین کے مطابق گوگل کا یہ اقدام ٹیکنالوجی کی دنیا میں پاس ورڈ کے بغیر محفوظ لاگ اِن سسٹمز کی جانب بڑھتے ہوئے رجحان کا حصہ ہے۔ اس سے قبل ایپل، مائیکروسافٹ سمیت متعدد بینک، ایئرلائنز اور سرکاری ادارے بھی بایومیٹرک شناختی نظام اپنا چکے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
گوگل گوگل پاسپورڈ
بھارت سے جنگ اور افغانستان میں کارروائی خارج ازامکان نہیں، وزیردفاع