پاکستان کسٹمز نے کارکردگی کو جدید بنانے میں نمایاں کامیابیاں حاصل کیں، چیئرمین ایف بی آر
اشاعت کی تاریخ: 26th, January 2025 GMT
چیئرمین فیڈرل بورڈ آف ریونیو راشد محمود لنگڑیال کا کہنا ہے کہ پاکستان کسٹمز نے اپنی کارکردگی کو جدید بنانے میں نمایاں کامیابیاں حاصل کی ہیں جن میں پاکستان سنگل ونڈو ( پی ایس ڈبلیو) اور فیس لیس کسٹمز اسیسمنٹ سسٹم کا نفاذ شامل ہے ان اقدامات سے تجارتی عمل تیز، شفاف اور آسان ہو گیا ہےجس کے نتیجے میں محصولات میں نمایاں اضافہ ہوا۔
تقریب میں عمان، انڈونیشیا، کویت کے قونصل جنرلز، روس اور متحدہ عرب امارات کے قونصل خانوں کے نمائندوں، چیف کمشنرز، چیف کلکٹرز، کلکٹرز، کسٹمز کے دیگر سینئر افسران، قانون نافذ کرنے والے اداروں کے نمائندے ، کاروباری اور سماجی شخصیات شریک ہوئے۔
ایف بی آر کی جانب سے جاری کردہ اعلامیہ کے مطابق ان خیالات کا اظہار انہوں نے اتوار کو انٹرنیشنل کسٹمز ڈے 2025 کی مناسبت سے کسٹمز ہاؤس میں منعقدہ تقریب سے خطاب کرتے ہوئے کیا۔
انہوں نے خطاب میں تاجروں کے ساتھ حالیہ ملاقاتوں کا حوالہ دیتے ہوئے کہا کہ کراچی کے تجارتی حلقے پاکستان کسٹمز کی جانب سے فیس لیس کسٹمز اسیسمنٹ سسٹم کے نفاذ پر خوش ہیں۔
چیئرمین ایف بی آر نے ورلڈ کسٹمز تھیم 2025 "Customs delivering on its commitment to efficiency, security and prosperity" کو پاکستان کسٹمز کے لیے نہایت اہم قرار دیا کیونکہ پاکستان کسٹمز خود کو ایک جدید، متحرک اور مستقبل کو پیش نظر رکھنے والا ادارہ بنانے کی کوشش کر رہا ہے۔
تقریب کے اختتام پر ممبر کسٹمز آپریشنز (ایف بی آر) جنید جلیل نے خطاب کرتے ہوئے اس عزم کا اعادہ کیا کہ مستقبل میں بھی پاکستان کسٹمز ملک کی معیشت کو مستحکم کرنے، اسمگلنگ کی روک تھام کرنے ، کاروباری سرگرمیوں کو فروغ دینے اور سہولتیں فراہم کرنے میں اپنا فعال کردار جاری رکھے گا۔
چیئرمین ایف بی آر راشد محمود لنگڑیال نے شاندار کارکردگی کا مظاہرہ کرنے والے افسران میں تعریفی اسناد تقسیم بھی کیں یہاں یہ بات قابل ذکر ہے کہ ہر سال 26 جنوری کو دنیا بھر میں انٹرنیشنل کسٹمز ڈے منایا جاتا ہے۔
گزشتہ برسوں کی طرح اس سال بھی پاکستان کے تمام کسٹمز کلکٹریٹس میں ورلڈ کسٹمز ڈے منایا گیا جن میں سے کسٹمز ہاؤس کراچی میں کلکٹریٹ آف کسٹمز انفورسمنٹ کراچی کے زیر اہتمام منعقدہ مرکزی تقریب قابل ذکر تھی۔
.ذریعہ: Express News
کلیدی لفظ: پاکستان کسٹمز ایف بی آر
پڑھیں:
شاداب خان کا کارنامہ، پی ایس ایل میں یہ اعزاز حاصل کرنے والے پہلے اسپنر بن گئے
اسلام آباد یونائیٹڈ کے کپتان شاداب خان نے پاکستان سپر لیگ (پی ایس ایل) میں نئی تاریخ رقم کرتے ہوئے 100 وکٹیں لینے والے پہلے اسپنر ہونے کا اعزاز حاصل کرلیا ہے۔
یہ سنگِ میل انہوں نے پی ایس ایل 10 میں ملتان سلطانز کے خلاف میچ کے دوران حاصل کیا، جب انہوں نے مخالف کپتان محمد رضوان کو آؤٹ کرکے اپنی 100 وکٹیں مکمل کیں۔
شاداب خان پی ایس ایل کی تاریخ میں 100 وکٹیں لینے والے چوتھے بولر اور پہلے اسپنر بن گئے ہیں۔ وہ اب پی ایس ایل میں سب سے زیادہ وکٹیں لینے والے کھلاڑیوں کی فہرست میں چوتھے نمبر پر آ گئے ہیں۔
مزید پڑھیں:شاداب خان نے خانہ کعبہ کو دیکھ کر پہلی دعا کیا کی تھی؟
اس فہرست میں کراچی کنگز کے نائب کپتان حسن علی 118 وکٹوں کے ساتھ سرفہرست ہیں، جبکہ ان کے بعد وہاب ریاض (113)، شاہین شاہ آفریدی (109) اور شاداب خان (100) کا نمبر آتا ہے۔ فہیم اشرف 79 وکٹوں کے ساتھ پانچویں نمبر پر ہیں۔
پی ایس ایل میں سب سے زیادہ وکٹیں لینے والے بولرزحسن علی – 118 وکٹیں (86 اننگز)
وہاب ریاض – 113 وکٹیں (87 اننگز)
شاہین شاہ آفریدی – 109 وکٹیں (75 اننگز)
شاداب خان – 100 وکٹیں (89 اننگز)
فہیم اشرف – 79 وکٹیں (73 اننگز)
دوسری جانب، اسلام آباد یونائیٹڈ نے پی ایس ایل 10 میں اپنی فتوحات کا سلسلہ برقرار رکھتے ہوئے ملتان سلطانز کو ان کے ہوم گراؤنڈ پر 7 وکٹوں سے شکست دے دی۔
مزید پڑھیں:پی ایس ایل10: بابراعظم، شاہین آفریدی، شاداب خان اور جیسن روئے کے لیے بڑے اعزاز کا اعلان
شاداب خان، محمد نواز، جیسن ہولڈر اور رائلی میرڈتھ نے ایک ایک وکٹ حاصل کرکے ملتان کو 20 اوورز میں 168 رنز تک محدود رکھا۔ جواب میں اسلام آباد یونائیٹڈ نے ہدف 18ویں اوور کی پہلی گیند پر مکمل کرلیا۔ 5 میچز میں مسلسل 5 فتوحات کے ساتھ اسلام آباد یونائیٹڈ پوائنٹس ٹیبل پر سرفہرست ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
100 وکٹیں پی ایس ایل 10 حسن علی شاداب خان شاہین شاہ آفریدی
ملک کے مختلف علاقوں میں آج اور کل شدید بارش، ژالہ باری کا امکان