خلیل الرحمان قمر نے فیصل قریشی کی سابقہ اہلیہ سے شادی کیوں کی؟ وجہ ناقابل بیان
اشاعت کی تاریخ: 27th, January 2025 GMT
معروف ڈرامہ نگار خلیل الرحمان قمر نے حال ہی میں فیصل قریشی کی سابقہ اہلیہ کے ساتھ اپنی دوسری شادی کا انکشاف کیا ہے اس حوالے سے بات کرتے ہوئے ان کا کہنا تھا کہ فیصل قریشی کی طلاق کی وجہ وہ نہیں تھے۔
خلیل الرحمان قمر نے حال ہی میں صحافی ارشاد بھٹی کی پوڈ کاسٹ میں بطور مہمان شرکت کی جہاں اُنہوں نے مختلف موضوعات پر کھل کر بات کی۔ اپنی دوسری شادی کے بارے میں بات کرتے ہوئے ان کا کہنا تھا کہ جب فیصل قریشی اور ان کی سابقہ اہلیہ کے درمیان طلاق ہو رہی تھی تو انہوں نے فیصل قریشی کو سمجھایا کہ وہ اپنا گھر خراب نہ کریں۔
یہ بھی پڑھیں: سوشل میڈیا ٹرولز کے لیے بری خبر، خلیل الرحمان قمر کا نیا انٹرویو سامنے آگیا
خلیل الرحمان قمر نے کہا کہ ان کے بہت سمجھانے پر فیصل قریشی کی والدہ نے مجھ سے کہا کہ آپ کے زور دینے سے زیادہ سے زیادہ یہ طلاق 6 مہینے رُک جائے گی لیکن پھر بھی ہو جائے گی۔ خلیل الرحمان قمر نے یہ بھی کہا کہ ان کی فیصل قریشی کی سابقہ اہلیہ سے صرف 2 بار ملاقات ہوئی تھی اور وہ انہیں بیٹا کہہ کر بلاتے تھے۔
فیصل قریشی کی سابق اہلیہ سے شادی کیوں کی؟ اس سوال کے جواب میں خلیل الرحمان قمر کا کہنا تھا کہ اس کی وجہ وہ نہیں بتا سکتے۔
صحافی ارشاد بھٹی نے ان سے پوچھا کہ کیا آپ کے ڈرامے ’میرے پاس تم ہو‘ آپ کو اپنی زندگی کی کہانی سے متاثر تھا؟ جس کے جواب میں خلیل الرحمان قمر نے کہا کہ ایسا بالکل بھی نہیں تھا لیکن جب ڈرامہ نشر ہو رہا تھا تو لوگوں نے میرے متعلق ایسی باتیں کی تھیں۔ انہوں نے مزید کہا کہ میں کون سا کوئی بہت امیر آدمی تھا کہ میرے وجہ سے کوئی عورت اپنے پہلے شوہر سے طلاق لے گی۔
یہ بھی پڑھیں: میرا اسکرپٹ اللہ کی طرف سے آتا ہے، خلیل الرحمان قمر
فیصل قریشی کے بارے میں بات کرتے ہوئے ڈراما نگار کا کہنا تھا کہ وہ ان کےبہت اچھے بہت پیارے دوست ہیں، اور ان کے ساتھ بہت اچھا تعلق ہے۔ انہوں نے مزید کہا کہ ’میں نے ہی اسے ڈھونڈا تھا، وہ میرا لایا ہوا پالا ہوا بندہ ہے، وہ اتنا شاندار اداکار ہے کہ اس نے مجھے آڈیشن میں حیران کردیا تھا‘۔
واضح رہے کہ معروف پاکستانی ڈراما نگار خلیل الرحمان قمر کئی رومانوی ڈرامے تحریر کرچکے ہیں۔ ان کے قابل ذکر ڈراموں میں میرے پاس تم ہو، بوٹا ٹو ٹوبہ ٹیک سنگھ، لنڈا بازار، بنٹی آئی لو یو، من جلی، میرا نام یوسف ہے، میں مر گئی شوکت علی، لو لائف اور لاہور، محبت تم سے نفرت ہے، ذرا یاد کر، پیارے افضل، اور جنٹلمین شامل ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستانی ڈرامہ خلیل الرحمان قمر فیصل قریشی.ذریعہ: WE News
کلیدی لفظ: پاکستانی ڈرامہ خلیل الرحمان قمر فیصل قریشی خلیل الرحمان قمر نے کی سابقہ اہلیہ کا کہنا تھا کہ فیصل قریشی کی کہا کہ ا
پڑھیں:
پنجاب حکومت نے جی ایچ کیو حملے کیس کے جیل ٹرائل کا نوٹیفکیشن واپس لے لیا
لاہور(ویب ڈیسک) پنجاب حکومت نے جی ایچ کیو حملے کیس کے جیل ٹرائل کا نوٹیفکیشن واپس لے لیا۔
ذرائع کے مطابق جی ایچ کیو حملہ کیس اور 9 مئی مقدمات کا ٹرائل اب اڈیالہ جیل کے بجائے انسداد دہشت گردی عدالت راولپنڈی میں ہی ہو گا۔
اس حوالے سے ذرائع کا بتانا ہے کہ پنجاب حکومت کی جانب سے نیا نوٹیفکیشن جاری کیا گیا ہے، بانی پی ٹی آئی عمران خان کو ضرورت کے مطابق ویڈیو لنک پر پیش کیا جائے گا۔
ذرائع کے مطابق جی ایچ کیو حملہ کیس اور دیگر مقدمات کے باقی ملزمان اے ٹی سی راولپنڈی میں پیش ہوں گے۔
پنجاب حکومت کے نوٹیفکیشن کو مسترد کرتے ہیں: وکیل فیصل ملک
انسداد دہشتگردی عدالت راولپنڈی کے باہر میڈیا سے گفتگو کرتے ہوئے بانی پی ٹی آئی کے وکیل فیصل ملک نے کہا ہے کہ آج 9 مئی کے 11 مقدمات کی سماعت تھی، جی ایچ کیو حملہ کیس سمیت دیگر مقدمات کی سماعت یکم اکتوبر تک ملتوی ہو گئی۔
وکیل فیصل ملک نے کہا ہے کہ جی ایچ کیو حملہ کیس میں عدالت نے بتایا کہ ایک نوٹیفکیشن آرہا ہے، ہمیں بتایا گیا کہ جی ایچ کیو حملہ کیس جیل سے دوبارہ اے ٹی سی راولپنڈی میں آرہا ہے، بانی پی ٹی آئی عمران خان کو ویڈیو لنک کے ذریعے عدالت میں پیش کیا جائے گا۔
فیصل ملک نے مزید کہا ہے کہ ہم عدالت میں درخواست دے رہے ہیں کہ بانی پی ٹی آئی عمران خان کو عدالت میں پیش کیا جائے، ہم پنجاب حکومت کے ایسے نوٹیفکیشن کو مسترد کرتے ہیں۔
Post Views: 6
یادگار آپریشن سومنات میں پاک بحریہ نےبھارتی مواصلاتی نظام تباہ کیاتھا، وزیراعظم کایوم بحریہ پر پیغام