عوامی مسائل حل کرنے کیلیے کوشاں ہیں، عاشق زرداری
اشاعت کی تاریخ: 28th, January 2025 GMT
دھابیجی (نمائندہ جسارت) پیپلز پارٹی کے رہنما عاشق حسین زرداری نے کہا ہے کہ پیپلزپارٹی واحد سیاسی جماعت ہے جو عوامی خدمت پر یقین رکھتی ہے، اپنے پارٹی منشور کے مطابق عوامی مسائل حل کرنے کے لیے کوشاں ہیں، حاجی علی حسن زرداری کی سربراہی میں ڈسٹرکٹ ٹھٹھہ میں ریکارڈ ترقیاتی کام کرائے گئے ہیں اور بیشتر ترقیاتی منصوبوں پر کام جاری ہے۔ ان خیالات کا اظہار انہوں نے ہاشم کچھی گوٹھ بھنبھور میں کچھی برادری کے معززین صالح محمد کچھی، صدام کچھی، نور محمد، عبدالستار کچھی و دیگر کی قیادت میں منعقد کی گئی تقریب سے خطاب کرتے ہوئے کیا۔ اس موقع پر انہوں نے ہاشم کچھی گوٹھ میں ڈسپنسری، پارک اور اسکول اپ گریڈ کرنے کا اعلان کیا۔ چیئرمین ضلع کونسل ٹھٹھہ عبدالحمید پنھور نے کہا کہ دھابیجی اور بھنبھور میں ترقیاتی کاموں کو جلد مکمل کریں گے۔ اس موقع پر شاہ نواز لوہار، نظیر زرداری، یوسی دھابیجی اور بھنبھور کے چیئرمین مٹھا خان بلوچ، حبیب بلوچ، کونسلرز اور ممبر ضلع کونسل قاری عبدالسلام تنولی، حزب اللہ بلوچ سمیت بڑی تعداد میں شہریوں نے شرکت کی۔ اس موقع پر معروف کاروباری شخصیت ملک محمد انوار الحق اعوان اور کچھی برادری کے معززین کی جانب سے مہمانوں کو اجرک، لنگی، سندھی ٹوپی اور ہار کے تحائف پیش کیے گئے۔
.ذریعہ: Jasarat News
پڑھیں:
وزیر اعلی مریم نواز کا ایک اور احسن قدم، پنجاب کو پولیو فری صوبہ بنانے کیلئے کوشاں
وزیراعلی پنجاب مریم نواز شریف نے کہا ہے کہ بیماریوں سے بچا وکا سب سے موثر ہتھیاراحتیاط، آگاہی اور ویکسی نیشن ہے۔ورلڈ ایمیونائزیشن ویک پر اپنے پیغام میں وزیراعلی پنجاب مریم نواز شریف کا کہنا تھا کہ پولیو، خسرہ، ٹی بی، ہیپاٹائٹس، تشنج، نمونیا اور دیگر مہلک بیماریوں کے خلاف بھرپور ویکسی نیشن مہم جاری ہے۔ان کا کہنا تھا کہ پنجاب کے ہر شہری، بالخصوص والدین سے اپیل ہے کہ وہ اپنے بچوں کو حفاظتی ٹیکے لازمی لگوائیں، ویکسین ہر بچے کی بنیادی ضرورت اور والدین کی ذمہ داری ہے۔مریم نوازشریف نے کہا کہ ہیلتھ ورکرز، ویکسی نیٹرزاور محکمہ صحت کی ویکسی نیشن ٹیمیں دن رات گھر گھر ،گلی گلی پہنچ رہی ہیں، پنجاب حکومت کی ایمیونائزیشن کیمپین ہر بچے، ہرخاندان بلکہ پورے معاشرے کے محفوظ مستقبل کیلیے ہے۔وزیراعلی کا کہنا تھا کہ پنجاب کو پولیو فری صوبہ بنانے کیلئے کوشاں ہیں، صحتمند بچہ ہی تعلیم یافتہ، باصلاحیت اورخوداعتماد شہری بن سکتا ہے۔
متحدہ عرب امارات کے وزیر خارجہ کا دورہ پاکستان