دفتر میں تھکن محسوس کریں تو توانائی بحال کرنا بہت آسان ہے
اشاعت کی تاریخ: 29th, January 2025 GMT
دن بھر کام کے دوران اچانک تھکن محسوس کرنا عام بات ہے، خاص طور پر دفتری ملازمین کے لیے، جو طویل وقت تک ایک ہی پوزیشن میں بیٹھ کر کام کرتے ہیں۔
طبی ماہرین کا کہنا ہے کہ اگر آپ کام کے دوران اکثر تھکاوٹ کا شکار ہو جاتے ہیں تو یہ پریشان کن بات نہیں ہے۔ 2 ایسے آسان طریقے ہیں، جن پر عمل کرکے آپ اپنی توانائی بحال کرنے کے ساتھ ساتھ خود کو دن بھر چاق و چوبند رکھ سکتے ہیں۔
کام کے دوران وقفہ
ماہرین کا کہنا ہے کہ دفتری کام کے دوران کچھ دیر کا وقفہ لینا نہ صرف جسمانی بلکہ ذہنی طور پر بھی توانائی بحال کرتا ہے۔ امریکا میں کی گئی تحقیق کے مطابق وقفہ لینے سے نہ صرف تھکاوٹ کم ہوتی ہے بلکہ نیند کا معیار بھی بہتر ہوتا ہے اور اگلے دن توانائی میں اضافہ محسوس ہوتا ہے۔
اس آسان کام کے لیے آپ چند منٹ کے لیے کسی کتاب یا مضمون کا مطالعہ کر سکتے ہیں، چائے یا کافی کا وقفہ لے سکتے ہیں یا پھر کرسی سے اٹھ کر کچھ دیر کے لیے چہل قدمی بھی کر سکتے ہیں۔
ساتھیوں کی مدد کریں، ان سے معاونت لیں
ماہرین کا کہنا ہے کہ کام کے دوران اگر آپ کو اپنے ساتھیوں کی مدد اور تعاون حاصل ہو تو ذہنی دباؤ کم ہو جاتا ہے اور تھکاوٹ بھی کم محسوس ہوتی ہے۔ دفتری ماحول میں خوشگوار تعلقات کام کا دباؤ کم کرنے میں مددگار ثابت ہوتے ہیں۔ اسی طرح آپ اپنے کام میں مختصر وقفہ کرکے ساتھیوں کی مدد بھی کر سکتے ہیں۔
اس کے لیے آپ کو چاہیے کہ اپنے ساتھیوں سے بات چیت کریں، انہیں سپورٹ کریں یا ان کا تعاون لیں۔ ماحول کو خوشگوار رکھیں تاکہ کام کا دباؤ کم محسوس ہو۔ اسی طرح کسی مسئلے کی صورت میں ساتھیوں سے ان کی رائے پوچھیں، اس سے بھی ذہنی بوجھ میں کمی محسوس ہوتی ہے۔
کام کے دوران ایسی وجوہات جن سے تھکاوٹ بڑھتی ہے
پانی کی کمی: دن بھر کام کے دوران پانی پینا اکثر بھول جاتے ہیں، جس سے جسم میں ڈی ہائیڈریشن ہوتی ہے اور تھکن محسوس ہوتی ہے، لہٰذا دن میں کم از کم 8 سے 10 گلاس پانی پیجیے۔
بیٹھنے کا غلط انداز: اگر آپ کرسی پر جھک کر بیٹھتے ہیں تو کمر، گردن اور ریڑھ کی ہڈی پر دباؤ بڑھتا ہے، جس سے تھکاوٹ محسوس ہوتی ہے، لہٰذا سیدھے بیٹھیں اور ہر گھنٹے بعد ہلکی ورزش کریں۔
.
ذریعہ
ذریعہ: Jasarat News
کلیدی لفظ: محسوس ہوتی ہے کام کے دوران سکتے ہیں محسوس ہو کے لیے
پڑھیں:
حکومت مساجد و مدارس کی رجسٹریشن کے پروسس کو آسان بنائے، شاہ عبدالحق قادری
صوبائی وزیر مذہبی امور و اوقاف سید ریاض شاہ شیرازی نے وفد کا خیر مقدم کرتے ہوئے کہا کہ حکومت سندھ دینی اداروں، مساجد، مدارس اور مزارات کے مسائل کے حل کو اہمیت دیتی ہے اور اس حوالے سے تمام ممکنہ اقدامات کیے جا رہے ہیں۔ انہوں نے وفد کی جانب سے پیش کی گئی تجاویز کو قابلِ قدر قرار دیتے ہوئے یقین دہانی کرائی کہ ترجیحی بنیادوں پر مسائل کے حل کیلئے کام کیا جائے گا۔ اسلام ٹائمز۔ جماعت اہلِ سنت پاکستان کراچی کے وفد نے حضرت علامہ سید شاہ عبد الحق قادری کی قیادت میں سندھ کے صوبائی وزیر مذہبی امور و اوقاف سید ریاض شاہ شیرازی سے ان کے دفتر میں ملاقات کی۔ ملاقات میں دینی امور، مساجد، مدارس، محکمہ اوقاف کے زیر انتظام مزاراتِ اولیائے کرام کی دیکھ بھال زائرین کو سہولیات کی فراہمی سے متعلق تفصیلی تبادلہ خیال کیا گیا۔ وفد میں سید رفیق شاہ، مفتی بلال قادری، مولانا جمیل احمد امینی، عبداللہ میمن اور شفیع رانا قادری بھی شامل تھے۔ وفد نے صوبائی وزیر کو کراچی سمیت سندھ بھر میں مساجد، مدارس اور مزارات کو درپیش مسائل سے آگاہ کیا اور مختلف تجاویز پیش کیں۔
شاہ عبد الحق قادری نے اس موقع پر کہا کہ حکومتی ادارے مساجد، مدارس کی رجسٹریشن کے پروسس کو آسان کریں۔ انہوں نے محکمہ اوقاف کی کارکردگی کو مزید مؤثر بنانے، انتظامی مسائل کے حل اور مسلسل رابطہ رکھنے کی ضرورت پر زور دیا۔ صوبائی وزیر مذہبی امور و اوقاف سید ریاض شاہ شیرازی نے وفد کا خیر مقدم کرتے ہوئے کہا کہ حکومت سندھ دینی اداروں، مساجد، مدارس اور مزارات کے مسائل کے حل کو اہمیت دیتی ہے اور اس حوالے سے تمام ممکنہ اقدامات کیے جا رہے ہیں۔ انہوں نے وفد کی جانب سے پیش کی گئی تجاویز کو قابلِ قدر قرار دیتے ہوئے یقین دہانی کرائی کہ ترجیحی بنیادوں پر مسائل کے حل کیلئے کام کیا جائے گا۔
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم