اسرائیل نے تاخیر کے بعد 110فلسطینی قیدی رہا کر دیئے
اشاعت کی تاریخ: 30th, January 2025 GMT
فلسطین کی مزاحمتی تنظیم حماس اور اسرائیل کے درمیان قیدیوں کے تبادلے کا تیسرا دور جاری ہے، جہاں صہیونی ریاست نے تاخیر کے بعد 110 فلسطینی شہریوں کو رہا کر دیئے۔
واضح رہے کہ اس سے قبل حماس نے 2 خواتین سمیت مزید 3 اسرائیلیوں اور 5 تھائی شہریوں کو خان یونس میں ریڈ کراس کے حوالے کیا تھا۔
قطری نشریاتی ادارے ’الجزیرہ‘ کے مطابق اسرائیلی حکومت کی جانب سے تاخیر کے بعد 110 فلسطینی قیدیوں کو رہا کر دیا گیا، یہ پیشرفت اسرائیلی فوج کی طرف سے غزہ کی پٹی میں قید سے 3 اسرائیلیوں اور 5 تھائی شہریوں کی رہائی کی تصدیق کے بعد سامنے آئی۔
غیر ملکی خبر رساں ادارے نے اپنے صحافی کے حوالے سے رپورٹ کیا کہ اس نے مقبوضہ مغربی کنارے کی اوفر جیل سے قیدیوں کو لے جانے والی 2 بسوں کو دیکھا، جبکہ صہیونی ریاست کا کہنا تھا کہ اسے مستقبل کے اسرائیلی قیدیوں کی ’محفوظ رہائی‘ کے حوالے سے ثالثوں کی طرف سے یقین دہانی مل گئی ہے۔
قبل ازیں، اسرائیلی وزیر اعظم بینجمن نیتن یاہو نے کہا تھا کہ قیدیوں کی رہائی اس وقت تک معطل رہے گی جب تک انہیں یقین دہانیاں نہیں مل جاتیں۔
ادھر، اسرائیل نے دھمکی آمیز پیغامات دیے کہ فلسطینی قیدیوں کی رہائی کا جشن نہ منایاجائے۔
فلسطینی صحافیوں کی جانب سے انسٹاگرام پر پوسٹ کی گئی ویڈیو میں اوفر جیل سے رہائی پانے والے قیدیوں سے بھری ریڈ کراس بس کی مقبوضہ مغربی کنارے کے شہر رام اللہ میں حامیوں کی بڑی تعداد موجود تھی۔
واضح رہے کہ اس سے چند گھنٹے قبل حماس نے 2 خواتین سمیت مزید 3 اسرائیلی اور 5 تھائی شہریوں کو خان یونس میں ریڈ کراس کے حوالے کردیا تھا۔
الجزیرہ نے رپورٹ کیا تھا کہ صہیونی فوج نے حماس کی جانب سے 8 قیدیوں کو ریڈ کراس کے حوالے کرنے کی تصدیق کرتے ہوئے کہا کہ ’3 اسرائیلی شہریوں میں ایک مرد اور 2 خواتین ہیں۔
الجزیرہ کے مطابق اسرائیلی پولیس نے فلسطینی قیدیوں کی رہائی کے بعد جشن منانے پر مقبوضہ مشرقی یروشلم کے ایک محلے میں 12 فلسطینیوں کو گرفتار کر لیا۔
ایک بیان میں پولیس کا کہنا تھا کہ کہ گرفتار کیے گئے افراد ’حماس کے حامی تھے، جنہوں نے رہائی پانے والے قیدی کی حمایت کی۔
ذریعہ: Daily Mumtaz
کلیدی لفظ: قیدیوں کی کے حوالے ریڈ کراس کی رہائی تھا کہ کے بعد
پڑھیں:
کچھ حقائق جو سامنے نہ آ سکے
موجودہ دور میں میڈیا بہت اہم ہے۔اسرائیل مغرب کی مدد سے ہر انتہائی اہم سیکٹر پر چھایا ہوا ہے۔ میڈیا پر اسرائیلی گرفت کسی سے ڈھکی چھپی نہیں۔ ایران ،اسرائیل جنگ کے دوران ساری دنیا کو وہ کچھ دکھایا ،سنایا اور بتایا گیا جو اسرائیل چاہتا تھا۔ کہا جاتا ہے کہ اس جنگ کے دوران اسرائیل نے بہت آسانی سے ایرانی ایئر ڈیفنس سسٹم کو مکمل طور پر پہلے دن ہی تباہ کر دیا۔اس میں ایرانی ساختہ ڈیفنس سسٹم کے ساتھ ساتھ وہ ڈیفنس سسٹم بھی ہے جو روس نے ایران کو مہیاکیا تھا۔
اسرائیل، امریکا اور مغربی ممالک نے پروپیگنڈا کیا کہ ایران کی فضاؤں پر اسرائیل کا مکمل راج تھا۔چونکہ مغربی میڈیا یہی کچھ دکھاتا اور بتاتا رہا اس لیے اس پروپیگنڈا پر اعتماد کر لیا گیا۔امریکی صدر جناب ڈونلڈ ٹرمپ نے بھی دنیا کو یہ بتایا کہ ایران کی فضاؤں پر اسرائیل کا پورا کنٹرول ہے اس لیے اسرائیلی پروپیگنڈے کو مزید تقویت ملی حالانکہ یہ بہت بڑا جھوٹ اور پروپیگنڈا تھا۔
ایران،اسرائیل پوری جنگ میں ایک بھی ایسی فوٹیج نہیں ہے جس میں اسرائیلی طیارے ایران اور خاص کر تہران کے اوپر بمباری کرتے یا میزائل فائر کرتے دیکھے جا سکتے ہوںلیکن تہران سمیت کسی بھی اہم ایرانی شہر پر اسرائیلی طیارے نہیں دیکھے جاسکتے۔پروپیگنڈا کیا گیا کہ اسرائیل کے کم و بیش دو سو طیاروں نے ایران پر حملہ کیا،کہ ان اسرائیلی طیاروں نے ایران کے فضائی دفاع کو تباہ کر دیا۔ایسا ہر گز نہیں ہوا۔حملہ آور طیارے بھی حملے کی فوٹیج بنا رہے ہوتے ہیں۔اسرائیلی طیاروں سے لی گئی تصاویر میں سے ایک بھی تصویر ایسی نہیں،جس سے ایرانی فضاؤں میں اسرائیلی طیارے نظر آئیں۔امریکی اسٹیلائٹ جی پی ایس سے بھی ایسی کوئی شہادت سامنے نہیں آئی۔
اصل میں 13جون2025کو حملے سے بہت پہلے اسرائیلی موساد اور اسرائیلی اسپیشل فورسز کردستان خاص کر اربیل کے علاقے میں اپنے ہتھیاروں اور اسپیشل فورسز کو ایران کے خلاف کارروائی کے لیے پری پوزیشن کر رہی تھیں۔اسرائیل تسلیم کرتا ہے کہ مشرقِ وسطیٰ کے مختلف علاقوں خاص کر ایران اور عراق کے اندر اس کی اسپیشل فورسز موجود ہیں۔
اسرائیل ایرانی سرحد کے قریب ترین اور خاص کر سرحد کے ان علاقوں میں جہاں ایرانی دفاعی نظام لگا ہواہے وہاں وہاں ڈپلائیمنٹ کر رہا تھا۔شمالی ایران کے انتہائی دشوار گزار، غیر آباد پہاڑی علاقوں کے اوپر سے ہوتے ہوئے آذربائی جان کی فضائی حدود میں داخل ہوئے۔
ایران کے اندر سے اسرائیلی اسپیشل فورسز بیلسٹک میزائل فائر کرتی رہیں۔ان اسرائیلی میزائلوں کو امریکی اسٹیلائٹ سسٹم کے ذریعے اہداف کی طرف گائیڈ کیا گیا۔ آذربائی جان سے اسرائیلی طیارے بحیرہء کیسپین کے جنوبی علاقے میں پہنچ کر تہران کے بہت قریب آ گئے اور وہاں سے اپنی فضا سے زمین پر مار کرنے والے میزائل تہران میں اہداف پر فائر کرتے رہے۔آذربائی جان سے ایران پر اسرائیلی ڈرونز بھی استعمال ہوئے۔
اسرائیل نے پہلے ہلے میں ایرانی ڈیفنس سسٹم پر سائبر اٹیک کیا۔اسرائیلی سائبر اٹیک بہت کامیاب رہا اور ایرانی ڈیفنس سسٹم وقتی طور پر بالکل ناکارہ ہو گیا لیکن 8گھنٹے کے بعد ایران نے سائبر اٹیک پر بہت کامیابی سے قابو پالیا۔ایران کاڈیفنس سسٹم پورے طور پر فنکشنل ہو گیا۔
یہاں سوال پیدا ہوتا ہے کہ ایرانی ڈیفنس سسٹم اتنا Vulnerable کیوں تھا۔اس کی وجہ یہ ہے کہ پاسدارانِ انقلابِ ایران نے بہت پہلے سے ملکی لیول کی ایک بڑی فوجی مشق پلان کی ہوئی تھی جس میں تینوں افواج بھی شامل تھیں۔ امریکا کے ساتھ مذاکرات سے پہلے ایران اس مشق کو 13جون کو مکمل کرنا چاہتا تھا تاکہ افواج کی طاقت و کمزوریوں سے آگاہ ہو۔ مشق کے لیے ڈیفنس سسٹم کے تمام Assets deployedتھے۔حملے کے وقت تینوں افواج اور پاسداران کی اعلیٰ ترین قیادت ہیڈکوارٹر کے ایک آپریشن روم میں اکٹھی تھی۔
اسرائیل نے اس حملے کی مہینوں تیاری کی۔ اسے ساری ملٹری ٹاپ براس کی ایک جگہ موجودگی کا علم ہوا تو اس نے موقع سے فائدہ اٹھا کرتقریباً ساری قیادت ہلاک کر دی۔ایرانی اب آگاہ ہو چکے ہیں۔ یہ عمل فوراً دہرایا نہیں جا سکتا۔ایسے حملے کی تیاری کے لیے لمبا عرصہ درکار ہے اور اب جب کہ ایران اسرائیلی موڈس آپرنڈیModus operandiسے آگاہ ہو چکا ہے اس کو دہرانا اور بھی مشکل ہوگا۔ایران کے بارہ سائنس دان شہید ہوئے۔ان سب کو ان کی خواب گاہوں میں نشانہ بنایا گیا۔امریکا کے ساتھ اگلے روز مذاکرات کی وجہ سے ایرانی Complacentبھی تھے۔
اب تمام ایرانی ڈیفنس سسٹم فنکشنل ہے۔ایران چین سے بھی ڈیفنس سسٹم لے رہا ہے۔آذربائی جان کے کردار پر صدر علیوف پہلے ہی بہت دباؤ میں ہیں۔ ایران آذربائی جان سے بہت ناراض اور شاکی ہے۔ ساتھ ہی ماسکو بھی آنکھیں دکھا رہا ہے۔آذربائی جان سے روس کے خلاف بھی کارروائیاں ہوئی ہیں اس لیے ماسکو اور تہران دونوں جناب علیوف سے سخت ناراض ہیں۔جنگ ختم ہوتے ہی ایران نے کردستان میں کارروائیاں شروع کر دی ہیں۔ایران نے بلوچیوں کے خلاف بھی کارروائی شروع کی ہے۔ موساد اور را گٹھ جوڑ کو توڑنا شروع کیا ہے۔
اسرائیل نے یہ خبر بھی پھیلائی کہ اسرائیلی فضائیہ نے حملے کر کے ایرانی فضاؤں میں ایک کوریڈار پیدا کیا جس کو استعمال کر کے امریکا نے ایران پر بی ٹو بمباروں سے ایٹمی تنصیبات پرحملہ کیا۔ اسرائیلی فضائیہ نے جنگ کے دوران کسی بھی لمحے ایرانی فضائی حدود کی خلاف ورزی نہیں کی۔ایران کی فضائیہ نہ ہونے کے برابر ہے لیکن اس کا ایئر ڈیفنس سسٹم مضبوط ہے۔ امریکی طیاروں کی بمباری سے پہلے امریکا نے ایران کو سوئٹزر لینڈ کے ذریعے بمباری کے صحیح وقت سے آگاہ کر دیا تھا۔
امریکا نے یہ بھی بتا دیا تھا کہ یہ حملہ صرف ایک ہی بار ہوگا اور دہرایا نہیں جائے گا۔روس نے بھی ایران کو قائل کر لیا تھا کہ اس حملے کی مزاحمت نہ کی جائے اور حملہ ہونے دیا جائے۔ایران نے اطلاع ملتے ہی دفاعی تدابیر کر لی تھیں۔حملہ آور امریکی طیاروں کے پائلٹوں نے رپورٹ کیا کہ انھوں نے حملے کی جگہ سے گرد و غبار اوپر اُٹھتے دیکھا۔یہ غمازی کرتا ہے کہ بنکر بسٹر بم بہت نیچے تک مار نہیں کر سکے اور بہت گہرائی میں ایٹمی تنصیبات محفوظ رہیں۔
جب آپ یورینیم کو ایک خاص حد سے آگے افزودہ کر لیتے ہیں تو اس کے بعد90 فیصد افزودگی بہت آسان اور exponentialہوتی ہے۔تھوڑی محنت اور تھوڑے سے سینٹری فیوجز درکار ہوتے ہیں۔ ٹرمپ کے بیان کے مطابق اسرائیل کا بہت نقصان ہورہا تھا۔عزت مآب ٹرمپ ایران پر حملہ کر کے اسرائیل کی مدد اور میڈیا میں ایک بڑی ہیڈ لائن لگوانا چاہتے تھے۔
جناب ٹرمپ کو وہ ہیڈ لائن مل گئی۔ اسرائیل،امریکا اور مغربی دنیا کو ایرانی نیوکلیئر پروگرام کسی صورت قبول نہیں ۔یہ اسی صورت ختم ہو سکتا ہے جب موجودہ ایرانی حکومت تبدیل ہو لیکن اسرائیل و امریکا کے حملوں نے رہبرِ معظم علی خامنہ ای کو بہت مقبول کر دیا ہے۔رجیم چینج اب پہلے کے مقابلے میں بہت ہی مشکل بن چکی ہے۔
ملک بھر میں ووٹر کی تعداد کتنی ہوگئی؟ رپورٹ سامنے آگئی