والدین ہم قدم، تعلیم میں والدین کی شمولیت کے نئے دور کا آغاز
اشاعت کی تاریخ: 30th, January 2025 GMT
والدین ہم قدم، تعلیم میں والدین کی شمولیت کے نئے دور کا آغاز WhatsAppFacebookTwitter 0 30 January, 2025 سب نیوز
اسلام آباد(آئی پی ایس ) پاکستان میں تعلیم کے میدان میں ایک انقلابی قدم اٹھاتے ہوئے یونیسف پاکستان نے والدین ہم قدم پروگرام کے اثرات اور کامیابیوں کو اجاگر کرنے کے لیے سیرینا ہوٹل، اسلام آباد میں ایک شاندار ایونٹ کا انعقاد کیا۔والدین ہم قدم بصیرت سے اثر تک،تعلیم میں والدین کی شمولیت کا سفر” کے تحت، والدین کو تعلیمی عمل کا مرکزی ستون بنانے کے لیے جدید سماجی اور رویہ جاتی تبدیلی (SBC) کے اصولوں کو بروئے کار لایا گیا۔ اس منفرد مہم نے والدین کی شمولیت کے روایتی طریقوں میں ایک نئی روح پھونک دی، جس کے نتیجے میں پاکستان کے چھ شہروں میں سرکاری اسکولوں میں والدین اور اساتذہ کے درمیان مضبوط شراکت داری قائم ہوئی۔ 13,988 والدین کو اسکول، واٹس ایپ لرننگ پروگرامز، اور پیرنٹ ٹو پیرنٹ (P2P) اجتماعات کے ذریعے تعلیمی عمل میں شامل کیا گیا۔ 6 ملین سے زائد افراد تک ڈیجیٹل مہم کے ذریعے رسائی حاصل کی گئی، جس نے والدین کی شمولیت کے پیغام کو ملک گیر سطح پر پہنچایا۔
پاکستان کی سب سے بڑی اجتماعی وژننگ مشق منعقد کی گئی، جس نے والدین، اساتذہ اور تعلیمی ماہرین کو بچوں کے مستقبل کے حوالے سے ایک مشترکہ خواب میں جوڑا۔ والدین اور اساتذہ کے درمیان ایک پائیدار تعلیمی برادری تشکیل دی گئی، جو نسلوں تک تعلیمی بہتری کے لیے سرگرم عمل رہے گی۔ایونٹ میں یونیسف پاکستان کے نمایاں ماہرین، تعلیمی رہنماوں، پالیسی سازوں، اساتذہ، اور والدین نے شرکت کی۔ڈاکٹر ابراہیم فراح (ایجوکیشن منیجر، یونیسف پاکستان)، ایلنور علییف (چیف، سوشل اینڈ بیہیوئیر چینج، یونیسف پاکستان)، غزالہ فرید (سوشل اینڈ بیہیوئیر چینج آفیسر، یونیسف پاکستان)اور فہمیدہ خان(جینڈر اینڈ ڈیولپمنٹ اسپیشلسٹ، یونیسف پاکستان)نے پروگرام کی کامیابیوں پر روشنی ڈالی اور مستقبل کے اقدامات کے حوالے سے تبادلہ خیال کیا۔
پروگرام کی کامیابی کے تسلسل میں، ایونٹ کے دوران کچھ نمایاں طالب علموں کو ان کی تعلیمی کامیابیوں اور محنت کے لیے انعامات سے نوازا گیا۔ اس موقع پر اساتذہ نے بھی بھرپور شرکت کی، اور ان کی رہنمائی اور حمایت کی بدولت یہ ایونٹ کامیاب رہا۔اس تقریب میں پروگرام کے توسیعی منصوبے، کامیابی کی کہانیاں، اور تعلیمی نظام میں والدین کی مزید موثر شمولیت کے لیے حکمت عملی پر بھی گفتگو کی گئی۔ یونیسف پاکستان نے اس عزم کا اظہار کیا کہ والدین اور اساتذہ کے باہمی تعاون کو مزید فروغ دے کر پاکستان کے تعلیمی نظام میں مثبت تبدیلیاں لائی جائیں گی۔تعلیم کی روشنی، والدین کے ہم قدم،یہ ایونٹ اس بات کا مظہر ہے کہ جب والدین، اساتذہ، اور تعلیمی ادارے ایک ساتھ کھڑے ہوتے ہیں، تو تعلیمی کامیابی محض ایک خواب نہیں رہتی بلکہ حقیقت بن جاتی ہے۔ “والدین ہم قدم” نے یہ ثابت کر دیا کہ تعلیم کی بہتری کے لیے والدین کی شمولیت کلیدی حیثیت رکھتی ہے۔پاکستان کے تعلیمی مستقبل کو روشن کرنے کے لیے، یونیسف پاکستان کا یہ سفر جاری رہے گا کیونکہ اب والدین ہیں ہمقدم۔
.ذریعہ: Daily Sub News
کلیدی لفظ: والدین ہم قدم میں والدین کی
پڑھیں:
’’سائنس آن ویلز‘‘سیریز کا دوسرا پروگرام اسلام آباد میں کامیابی سے منعقد ، چینی صدر کے ’’ہم نصیب معاشرے‘‘کے وژن کا عملی عکس
’’سائنس آن ویلز‘‘سیریز کا دوسرا پروگرام اسلام آباد میں کامیابی سے منعقد ، چینی صدر کے ’’ہم نصیب معاشرے‘‘کے وژن کا عملی عکس WhatsAppFacebookTwitter 0 15 September, 2025 سب نیوز
اسلام آباد :چائنا میڈیا گروپ اور پیج فاؤنڈیشن کے باہمی اشتراک سے “سائنس آن ویلز” سیریز کا دوسرا تعلیمی و تفریحی پروگرام اسلام آباد ماڈل اسکول میں کامیابی سے منعقد کیا گیا۔یہ پروگرام پیج فاؤنڈیشن کی زیرِ تعلیم مستحق اور ضرورت مند بچیوں کے لیے مخصوص تھا، جس کا مقصد سائنسی شعور، تخلیقی صلاحیتوں اور ثقافتی آگاہی کو فروغ دینا ہے۔
پروگرام کی مہمانِ خصوصی، پیج فاؤنڈیشن کی ایگزیکٹو ڈائریکٹر فجر رابعہ پاشا نے چائنا میڈیا گروپ کے اس اقدام کو سراہتے ہوئے کہا کہ سی جی ٹی این کا سائنسی تعلیم، تربیت اور مثبت تفریح کو یکجا کرنے کا یہ پروگرام قابلِ تحسین ہے۔ ایسے اقدامات بچوں میں سیکھنے کی دلچسپی پیدا کرتے ہیں اور انہیں مزید بہتر مواقع فراہم کرتے ہیں۔تقریب سے خطاب کرتے ہوئے اسلام آباد ماڈل اسکول کی پرنسپل ڈاکٹر نورالعین نے کہا کہ سائنس آن ویلز جیسے پروگرام وقت کی اہم ضرورت ہیں۔ بچوں کو سائنسی علوم سے روشناس کرانا صرف انفرادی ترقی نہیں بلکہ ایک بہتر تعلیمی معاشرے کی تشکیل کی جانب قدم ہے۔
پروگرام کے دوران بچوں کو سائنس پر مبنی معلوماتی ویڈیوز دکھائی گئیں، جن میں قدرتی مظاہر، ماحولیاتی مسائل اور جدید سائنسی ایجادات سے متعلق مواد شامل تھا۔کمسن طلبہ نے ان ویڈیوز میں بھرپور دلچسپی لی، جبکہ پینٹنگ مقابلے میں بچوں نے “موسمیاتی تبدیلی اور ماحول دوست طرزِ زندگی” جیسے اہم موضوعات پر اپنی تخلیقی صلاحیتوں کا بھرپور اظہار کیا۔یہ تقریب چائنا میڈیا گروپ کی “سائنس آن ویلز” سیریز کا حصہ ہے، جس کے تحت سی ایم جی کی “کاروانِ علم وین” پاکستان کے مختلف اسکولوں اور فلاحی اداروں کا دورہ کر رہی ہے۔اس مہم کا مقصد سائنسی و تعلیمی مواد اُن بچوں تک پہنچانا ہے، جو وسائل کی کمی کے باعث معیاری تعلیمی مواقع سے محروم ہیں۔
یہ پروگرام چینی صدر شی جن پھنگ کے پیش کردہ “ہم نصیب معاشرے” کے تصور کی عملی تعبیر بھی ہے، جس کے تحت مختلف قومیں باہمی تعاون، علم کے تبادلے، اور مشترکہ ترقی کے اصولوں پر متحد ہو رہی ہیں ، اس نظریے کے مطابق تعلیم اور سائنسی ترقی صرف ایک ملک کی ترقی کا ذریعہ نہیں بلکہ عالمی بہتری اور بین الاقوامی ہم آہنگی کی بنیاد ہے۔چائنا میڈیا گروپ مستقبل میں بھی ایسے پروگرامز کے تسلسل کے لیے پُرعزم ہے، تاکہ تعلیم، سائنسی شعور اور تخلیقی تربیت کو فروغ دیا جا سکے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرنواز شریف کی بیٹی ہوں کسی کے آگے ہاتھ نہیں پھیلائوں گی، مریم نواز نواز شریف کی بیٹی ہوں کسی کے آگے ہاتھ نہیں پھیلائوں گی، مریم نواز چیف جسٹس اسلام آباد ہائیکورٹ کی منظوری کے بعد ہراسمنٹ کمیٹی کا سربراہ تبدیل خیبرپختونخوا کی تاریخ میں پہلی بار خاتون ایس ایس پی تعینات خیبر پختونخوا، 1351انتہائی مطلوب دہشت گردوں کے سروں کی قیمت مقرر اسرائیل کے انسانیت کیخلاف جرائم کو روکنے کیلئے عرب ٹاسک فورس تشکیل دی جائے، وزیراعظم کا عرب اتحاد ہنگامی اجلاس سے خطاب کھیل میں سیاست کو گھسیٹنا اصل روح کے منافی ہے، محسن نقوی کا بھارتی رویے پر سخت ردعملCopyright © 2025, All Rights Reserved
رابطہ کریں ہماری ٹیم
لاہور: اغوا ہونے والا 3 سالہ بچہ چوہنگ سے بازیاب