غزہ سے فوری علاج کی ضرورت والے 25 سو بچوں کو نکالا جائے، انتونیو گوتریس
اشاعت کی تاریخ: 31st, January 2025 GMT
7 اکتوبر 2023ء سے اب تک غزہ پٹی میں اسرائیلی حملوں میں 47 ہزار 354 فلسطینی شہید اور ایک لاکھ 10 ہزار سے زائد زخمی ہوئے ہیں۔ فلسطینی وزارت صحت کے مطابق شہداء اور زخمیوں میں ہزاروں معصوم بچے بھی شامل ہیں۔ اسلام ٹائمز۔ اقوام متحدہ کے سیکرٹری جنرل انتونیو گوتریس نے کہا ہے کہ غزہ سے 25 سو بچوں کو فوری طور پر علاج کے لیے باہر نکالا جائے۔ غزہ میں کام کرنے والی ڈاکٹرز کی ٹیم سے ملاقات کے بعد انتونیو گوتریس نے اپنے بیان میں کہا کہ غزہ کے بچوں کو فوری علاج کی ضرورت ہے۔ انہوں نے مزید کہا کہ اس بات کی ضمانت ہونی چاہیئے کہ بچے علاج کے بعد اپنے خاندانوں میں واپس جاسکیں۔ واضح رہے کہ 7 اکتوبر 2023ء سے اب تک غزہ پٹی میں اسرائیلی حملوں میں 47 ہزار 354 فلسطینی شہید اور ایک لاکھ 10 ہزار سے زائد زخمی ہوئے ہیں۔ فلسطینی وزارت صحت کے مطابق شہداء اور زخمیوں میں ہزاروں معصوم بچے بھی شامل ہیں۔
.ذریعہ: Islam Times
پڑھیں:
غزہ میں فلسطینیوں کیلئے "خوراک کی تقسیم" کے مراکز یا "نئی قتلگاہیں"
غزہ میں انسانی المیہ اپنے عروج کو پہنچ چکا ہے جبکہ اپنے تازہ ترین جرائم میں قابض و سفاک اسرائیلی فوج نے "خوراک کی تقسیم کے مراکز" میں موجود "بھوکے" فلسطینی شہریوں کو بھی نشانہ بناتے ہوئے فلسطینیوں کا قتل عام مسلسل جاری رکھا ہوا ہے! اسلام ٹائمز۔ مقامی میڈیا نے چند لمحے قبل ہی غزہ کی پٹی کے وسط میں نتساریم کوریڈور پر واقع "امداد کی تقسیم" کے مرکز کے قریب ایک "بڑے دھماکے" کی اطلاع دی ہے جس کے بعد فلسطینی میڈیا نے بتایا ہے کہ غاصب و سفاک صیہونی رژیم نے خوراک کے حصول کے لئے اس مقام پر موجود بے گھر و بھوکے فلسطینی پناہ گزینوں پر "بمباری" کی ہے۔ فلسطینی میڈیا نے اس انسانیت سوز حملے میں شہید و زخمی ہونے والے فلسطینی شہریوں کی کوئی حتمی تعداد نہیں بتائی تاہم قبل ازیں غزہ میں فلسطینی وزارت صحت نے اعلان کیا تھا کہ گذشتہ 48 گھنٹوں کے دوران رفح میں امریکی کمپنی کے زیر انتظام قائم امدادی مراکز کے قریب اسرائیلی فوج کی بلا اشتعال فائرنگ کے نتیجے میں 9 بھوکے فلسطینی شہری موقع پر ہی شہید ہو گئے جبکہ 60 سے زائد زخمی ہوئے ہیں۔
-
اس حوالے سے سوشل میڈیا صارفین نے بھی ان اسرائیلی جنگی جرائم کے دوران شہید و زخمی ہونے والے فلسطینی شہریوں کی تصاویر پوسٹ کرتے ہوئے لکھا ہے کہ غیر قانونی صیہونی قابضین کی بلا اشتعال فائرنگ سے زخمی ہونے والے شخص کو "اس" طرح سے "تباہ شدہ" ہسپتال میں منتقل کیا جا رہا ہے.. وہ رفح و خان یونس کے درمیان واقع امریکی امدادی مرکز تک "خوراک حاصل کرنے کے لئے" پہنچنے کی کوشش میں تھا.. یہ مقام "امداد کی تقسیم" کے مراکز نہیں بلکہ "فلسطینی نوجوانوں کے قتل عام کے مراکز" ہیں!
سعودیہ: غیر قانونی حج روکنے کیلئے ڈرونز کا استعمال