پاکستان رینجرز اور پولیس کی کچے کے علاقے میں ڈکیتوں کے خلاف مشترکہ کارروائیاں
اشاعت کی تاریخ: 2nd, February 2025 GMT
GHOTKI:
پاکستان رینجرز (سندھ) اور پولیس کی مشترکہ ٹیم نے ضلع گھوٹکی کے کچے کے علاقے میں ڈاکوؤں اور جرائم پیشہ افراد کے خلاف کارروائیاں جاری رکھیں۔
رینجرز نے بروقت کارروائی کرتے ہوئے ایم فائیو موٹر وے پر ایک مال بردار کنٹینر پر ڈاکوؤں کا حملہ ناکام بنا دیا۔ ترجمان رینجرز کے مطابق مسلح ڈاکوؤں نے کنٹینر اور اس کے عملے کو اغوا کرنے کی کوشش کی، تاہم رینجرز کی فوری مداخلت سے ان کی کوششیں ناکام ہو گئیں۔
تفصیلات کے مطابق 7 سے 8 مسلح ڈاکو کچے کے ایریا رونتی نیک موڑ سے بچو بند کے راستے ایم فائیو موٹر وے پر ایک مال بردار کنٹینر پر حملہ کرنے کی کوشش کر رہے تھے۔
اطلاع ملتے ہی رینجرز سندھ کی پٹرولنگ موبائلز موقع پر پہنچ گئیں، جس کے نتیجے میں مسلح ڈاکوؤں نے رینجرز پر فائرنگ شروع کر دی۔ اس فائرنگ کے دوران کنٹینر کا ڈرائیور اور عملہ معمولی زخمی ہو گئے۔
ترجمان رینجرز کے مطابق، رینجرز کی جوابی کارروائی کے بعد ڈاکو کنٹینر کو چھوڑ کر فرار ہونے میں کامیاب ہو گئے۔ زخمی افراد کو فوری طور پر رینجرز کی جانب سے ابتدائی طبی امداد فراہم کی گئی اور انہیں اسپتال منتقل کر دیا گیا۔
رینجرز نے عوام سے اپیل کی ہے کہ وہ ڈاکوؤں اور جرائم پیشہ افراد کو پناہ دینے والے عناصر اور دیگر بااثر افراد کی نشاندہی کریں۔ رینجرز ہیلپ لائن 1101 یا واٹس ایپ نمبر 03479001111 پر فوری طور پر اطلاع دینے کی درخواست کی گئی ہے تاکہ سندھ کو جرائم پیشہ افراد سے پاک کیا جا سکے۔
.
ذریعہ
ذریعہ: Express News
پڑھیں:
مشرقِ وسطیٰ کی صورتحال قابو سے باہر، فوری جنگ بندی ضروری ہے، انتونیو گوتریس
اقوام متحدہ کے سیکرٹری جنرل کا کہنا تھا کہ موجودہ بحران سے نکلنے کا واحد مؤثر راستہ سفارت کاری، مذاکرات اور سیاسی حل ہے، اور تمام فریقین کو کشیدگی کم کرنے کے لیے فوری اقدامات کرنے چاہییں۔ اسلام ٹائمز۔ اقوام متحدہ کے سیکرٹری جنرل انتونیو گوتریس نے مشرقِ وسطیٰ میں بڑھتی ہوئی کشیدگی پر شدید تشویش کا اظہار کرتے ہوئے کہا ہے کہ خطے کی صورتحال قابو سے باہر ہوتی جا رہی ہے اور فوری طور پر لڑائی روکنا ناگزیر ہے۔ اپنے ایک بیان میں انتونیو گوتریس نے کہا کہ اب واپس پلٹنے کا وقت آ گیا ہے اور ہر جگہ جنگ و جدل کا خاتمہ ہونا چاہیے تاکہ مزید انسانی جانوں کے ضیاع کو روکا جا سکے۔
انہوں نے زور دیا کہ بحری راستوں پر آزادانہ آمدورفت بحال کی جائے، کیونکہ عالمی تجارت اور علاقائی استحکام کے لیے محفوظ بحری گزرگاہیں انتہائی اہم ہیں۔ اقوام متحدہ کے سیکرٹری جنرل نے کہا کہ موجودہ بحران سے نکلنے کا واحد مؤثر راستہ سفارت کاری، مذاکرات اور سیاسی حل ہے، اور تمام فریقین کو کشیدگی کم کرنے کے لیے فوری اقدامات کرنے چاہییں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار