سجل علی کی ہمشکل بھی منظرِ عام پر، فینز حیران
اشاعت کی تاریخ: 2nd, February 2025 GMT
پاکستانی حسین و باصلاحیت اداکارہ سجل علی سے شدید مماثلت رکھنے والی نوجوان لڑکی کا منظرِ عام پر آنا سب کو حیران کرگیا۔
کہتے ہیں دنیا میں ایک ہی انسان کے 7 ہمشکل ہوتے ہیں جو دنیا میں مختلف مقامات میں اپنی زندگی جی رہے ہوتے ہیں اور چند ہی ایسے ہوتے ہیں جو آپس میں مل پاتے ہیں۔
اس موضوع پر مختلف فلم انڈسٹریز متعدد فلمیں بھی بناچکی ہیں جن میں ہمشکل دکھائے گئے اور ان کا آپس میں کوئی رشتہ بھی نہیں تھا۔
ہر انسان یہ جاننا چاہتا ہے کہ اس کے وہ 7 ہمشکل کہاں چھپے بیٹھے ہیں لیکن ہر کوئی اپنے ہمشکلوں سے نہیں مل پاتا جبکہ بعض افراد ایسے ہوتے ہیں کہ ان کو اپنے 7 کیا ان سے بھی زائد ہم شکل دیکھنے کو مل جاتے ہیں۔
شوبز ستاروں کے ہمشکل کا منظرِ عام پر آنا عام بات ہے کیونکہ اکثر تو لوگ ان سے شکل میں ملتے ہیں لیکن بعض اس ستارے کے لُک کو اس باریک بینی سے اختیار کر لیتے ہیں کہ دیکھنے میں ان جیسے ہی دکھنے لگتے ہیں۔
سجل علی بھی ان ستاروں میں شامل ہوچکی ہیں جنکی ہمشکل کو فینز دیکھ کر حیران رہ گئے ہیں۔
سجل علی کی خوبصورتی کو انکے ناز و انداز چار چاند لگادیتے ہیں پھر سونے پر سہاگہ اداکارہ کی مسکراہٹ بھی قاتلانہ ہے۔
سجل علی کو پاکستانی کرینہ کپور بھی قرار دیا جاتا ہے جس کی وجہ انکے چہرے کے فیچرز کے علاوہ انہیں جیسی ادائیں اور بے ساختگی بھی ہے۔
فوٹو اینڈ ویڈیوشیئرنگ ایپ انسٹاگرام پر ‘ماہا خالد سیلون’ کی جانب سے ایک میک اپ ویڈیو شیئر کی گئی ہے جس میں نظر آنے وای ماڈل نے سب کو حیران کر ڈالا ہے۔
View this post on InstagramA post shared by Maha Khalid (@mahaaakhalid_)
دراصل اس ماڈل کو دیکھ کر یہ کہنا درست ہوگا کہ ماہا خالد نے سجل علی کی ویڈیو شیئر کی ہے لیکن کیپشن پڑھ کر دیکھنے والے کو اپنی آنکھوں پر یقین نہیں ہورہا کیونکہ کیپشن میں لکھا گیا ہے کہ ‘ کیا یہ سجل علی سے نہیں مل رہیں؟ انکو مجھ سے ٹھیک یہی لُک چاہئے تھا اور میں سوچ رہی ہوں کہ میں نے بہت بہترین کام کیا ہے’۔
کیپشن میں یہ بتایا جانا کہ یہ لڑکی سجل علی نہیں بلکہ انکی ہمشکل ہے اور اسنے میک اپ آرٹسٹ سے ٹھیک ویسا ہی لُک بنوانا چاہا جو انہیں مزید سجل علی جیسا دکھا رہا ہے اس لیے حیران کن ہے کیونکہ شروع سے آخر تک ویڈیو میں کوئی ہمشکل نہیں بلکہ ہو بہ ہو سجل ہی نظر آرہی ہیں۔
کمنٹ سیکشن میں متعدد سوشل میڈیا صارفین اس حوالے سے اپنی حیرانی کا اظہار کرتے دکھ رہے ہیں کہ یہ کوئی ہمشکل نہیں بلکہ سجل ہی ہیں جبکہ بعض اس لڑکی کو سجل علی اور حبا بخاری کا مکشچر
.ذریعہ: Daily Mumtaz
پڑھیں:
انکار کیوں کیا؟
ثناء یوسف، ایک 17سالہ لڑکی جو 22سالہ نوجوان کی ضد اور انا کی بھینٹ چڑھ گئی۔ پھر کہنے والوں نے وہ وہ کہا کہ جس سے انسانیت شرما جائے۔
’اچھا ہوا، مار دیا۔۔۔ معاشرے کا گند صاف ہوگیا۔۔’۔
’جس نے بھی کیا، اچھا کیا‘۔
’یہ ٹک ٹاکرز اسی قابل ہیں‘۔
’بے حیائی پھیلاتی تھی۔ اچھا ہوا، صفائی ہوگئی‘۔
’برے کام کا برا نتیجہ ہی ہوتا ہے‘۔
انسانیت کی اس سے زیادہ توہین کیا ہی ہوسکتی ہے جو یہ رذیل اور پست ذہنیت کے لوگ کر رہے ہیں۔
اپنی اس نیچ سوچ سے اس گھناونے جرم کو تقویت دینے والے یہ وہ ہی لوگ ہیں کہ جن کی عورت کو دیکھ کر رال ٹپکتی ہے۔ جو اسے عیاشی کا سامان اور ضرورت کی ایک چیز سمجھتے ہیں۔ اس پہ جملے کسنا ، اس کا تعاقب کرنا، اس تک پہنچنے کے لیے ہر حربہ استعمال کرنا، اور اگر حاصل نہ ہو پا رہی ہو تو اسے ہراساں کرنا یا اس کی کردار کشی کرنا، یہ ان کا عام رویہ ہے۔
جب گیم ان کے ہاتھ سے مکمل طور پر نکل جائے تو یا یہ اپنی فرسٹریشن میں پستی کی آخری حد تک گر جاتے ہیں یا جعلی مولوی بن کر دوسروں کو اخلاقی اور دینی اسباق پڑھانے بیٹھ جاتے ہیں۔ ان کے لیے اپنے گھر کی عورتوں کو چھوڑ کر ہر عورت گندی ہے۔ جس پر کیچڑ اچھالنا یہ واجب سمجھتے ہیں۔
یہ ایک واقعہ نہیں، یہ ایک سلسلہ ہے۔ کئی دہائیوں سے مسلسل کتنی ہی عورتیں اس غلاظت بھری سوچ کا نشانہ بن رہی ہیں۔ کبھی غیرت کے نام پر، کبھی کسی کی جنسی ہوس کا شکار ہوکر، کبھی کسی کی نفسیاتی بیماری کا نشانہ بن کر، کبھی کسی کی انا کی تسکین کے طور پر۔ یہ تو وہ کیسز ہیں جو کسی نہ کسی طور منظر عام پر آ رہے ہیں۔ کتنی ہی عورتیں چپ چاپ کسی کی ہراسانی، بلیک میلنگ، اور نفسیاتی، اور جنسی درندگی کا نشانہ بنتی ہیں یا غیرت کے نام پر مار کرگھر کے صحنوں میں دفن کر دی جاتی ہیں۔
ثنا ایک ٹین ایجر بچی تھی، جس کی آنکھوں میں خواب تھے، کچھ شوق تھے۔ کسی قسم کی بری حرکات نہیں کر رہی تھی۔ مگر اس بات سے بے خبر تھی کہ وہ جس معاشرے میں رہ رہی ہے یہ انسانیت سوز معاشرہ ہے، یہ کسی بھی طرح سے محفوظ نہیں۔
وہ اس معاشرے میں رہ رہی تھی جہاں کچھ لوگوں کی جانب سے انکار کو ایک منفی رویہ مانا جاتا ہے۔ نہ تو انکار کرنا سکھایا جاتا ہے نا انکار کو سہنا سکھایا جاتا ہے۔ بلکہ ان کے ہاں ایک عورت کا انکار ان کی مردانگی پہ وار ہے۔
پھر یہ کسی نا مرد کی انا پر تازیانہ بن کر، کسی کی جان لے لینے پر ختم ہوتا ہے۔ ایسا ہی ثناء یوسف کے ساتھ ہوا۔
دوسری حل طلب بات ہے جہالت اور جہالت پر ڈھٹائی۔ اگر اس جہالت کو اپنی حد تک رکھا جائے تب بھی ٹھیک ہے مگر بھئی جو خود دنیا میں رہنے کے قابل نہیں وہ دوسروں کی تقدیروں کا فیصلہ کر رہے ہیں۔
یہ وہی ہیں جن کے سوچنے سمجھنے کی صلاحیت کو ان کی جنسی خواہش دبا کے بیٹھی ہے، وہ کہہ رہے ہیں کہ ٹک ٹاکر تھی تو اسی قابل تھی کہ مار دی جاتی۔
جب ایک عورت سڑک پہ چلتی ہے تو ان مردوں کی آنکھیں اسکا بھرپور تعاقب کرتی ہیں، جسم تو کیا ! کچھ آنکھیں روح تک کو چیردینے کو بے قرار ہوتی ہیں، اور پھر یہ عورت کے ساتھ ہوئے ہر ظلم کو بے حیائی اور برے کاموں کا شاخسانہ قرار دیتے ہیں۔
جبکہ یہ وہی ہیں جو ان کو دیکھتے ہیں، ٹٹولتے ہیں، چاہتے ہیں۔ یہ سڑکوں پہ گاڑیاں روکتے ہیں تبھی عورت سڑکوں پر کھڑی ہوتی ہے۔ یہ ان کے دام لگاتے ہیں تو وہ ذریعہ بناتی ہیں۔ انہیں مردوں کے گاہک بننے کی امید ہوتی ہے تو کوٹھوں پہ بیٹھتی ہیں۔ یہ استمعال کرتے ہیں تو وہ استمعال ہوتی ہیں۔
دوسروں کی مرضی پر، ان کے افعال پر، ان کی زندگی پر حق جتانے کی یہ ذہنیت کہاں سے بن کرآ رہی ہے۔ کیا اولاد کی شخصیت کی، ان کی سوچ اور کردار کی صحیح تشکیل دی جا رہی ہے؟
یہاں قصور وار صرف اس معاشرے کی ‘تربیت’ ہے۔ خدارا اسے سمجھیں کہ نسل پیدا کرنے سے بڑی ذمہ داری اس نسل کی تربیت ہے۔ پہلے اپنی نسلوں کو جنس کی تفریق سے بالاترہو کر انسان کی تعظیم کرنا سکھائیں۔
کسی انسان کی شخصی آزادی، اس کی انفرادیت، اس کی مرضی کا احترام کرنا سکھائیں۔ اس کے اقرار کی قدر اور اس کے انکار کا احترام سکھائیں۔ دوسروں پر انگلیاں اٹھانے سے پہلے اپنے گریبانوں میں جھانکنا سکھائیں، ان کو شعور دیں۔
کوئی عورت چاہے ٹک ٹاکر ہو، اداکارہ ہو ،رقاصہ ہو، کسی بھی شعبے سے تعلق رکھتی ہو، یہاں تک کہ طوائف ہی کیوں نہ ہو اس کی زندگی پر اور اسکی مرضی پر صرف اس کا اور خدا کا حق ہے۔ وہ قابلِ لحاظ ہے ، قابلِ عزت و تکریم ہے ، صرف اس لیے کہ وہ عورت ہے۔ عورت کا پیشہ نہیں، اس کا کام نہیں، اس کی ذات قابلِ عزت ہے، اور عورت کی تعظیم ہی مردانگی کی نشانی ہے۔
انسان کی زندگی صرف خدا کی ملکیت ہے۔ جسکا وہ صرف اپنے خدا کو جوابدہ ہے۔ ایک عورت ہی کیا، کسی بھی انسان کی زندگی پر، اس کی عزت پر کسی دوسرے انسان کا کوئی حق نہیں کہ وہ اس کی تذلیل کرے یا اسے زندگی کے حق سے محروم کرے، چاہے وہ کسی کے لیے کتنی بھی باعثِ تکلیف اور باعثِ نفرت کیوں نہ ہو۔
یہ وہ وقت نہیں ہے جب خاموشی کو اقرار سمجھا جاتا تھا۔ اب اقرار کی گونج سنتی ہے۔ اس کی آواز ہے، اس کے جیسچرز ہیں، اس کی باڈی لینگویج ہے، اس کا ایکسپریشن ہے۔ اب خاموشی بھی انکار ہے۔ ‘نو’ اور ‘نہیں’ ہی نہیں کسی کے چہرے کا خوف، اس کی ہچکچاہٹ، اس کے چہرے کا ماند پڑ جانا اور اس کی انرجی کا گر جانا بھی انکار ہے۔
انکار ـــ شخصی حق ہے۔ وہ حق جو ہر انسان کو اپنی مرضی سے اپنی ذات پر، اپنی زندگی پر حاصل ہے۔ ہر انکار صرف انکار ہوتا ہے، جس میں کیوں، اگر، مگر کی بھی گنجائش نہیں کیوں کہ ہر شخص اپنی وجہ رکھتا ہے اور اس تک پہنچنا بھی دوسرے انسان کے لیے ضروری نہیں۔
کیا ثناء یوسف اس صورتحال پر قابو پا سکتی تھی؟ کسی بھی قسم کی ہراسانی، زبردستی یا خطرے کی صورت میں کیا لائحہ عمل ہونا چاہیے، اگلے بلاگ میں پڑھیے۔
ادارے کا کالم نگار کی رائے کے ساتھ متفق ہونا ضروری نہیں ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بلاول بھٹو زرداری نیویارک امریکہ پہنچ گئے