جدہ: پاکستان کی پہلی خاتون “کمرشل قونصلر” سعدیہ خان سے ملاقات
اشاعت کی تاریخ: 3rd, February 2025 GMT
سعدیہ خان
محترمہ سعدیہ خان کو یہ اعزاز حاصل ہوا کہ وہ پاکستان اور سعودی عرب کی 77سالہ سفارتی تاریخ میں پہلی خاتون کمرشل قونصلرپاکستان قونصلیٹ جنرل جدہ میں تعنیات ہوئیں۔ سعدیہ خان کا تعلق پاکستان کے صوبہ خیبرپختواہ (کے پی کے) شہرصوابی سے ہے۔ یہاں ان کی تعنیاتی مئی 2024 میں ہوئی۔ وہ پچلھے 15سال سے منسٹری آف کامرس میں خدمات انجام دے رہی تھیں۔ کمرشل سیکشن جدہ میں ٹریڈ اینڈ انوسمنٹ قونصلر کے طورپران کی یہ پہلی فارن پوسٹنگ ہے۔ گذشتہ ہفتہ جسارت کے بیوروچیف برائے سعودی عرب سید مسرت خلیل نے انکے آفس میں خصوصی ملاقات کی۔ جس میں انھوں نے پاکستان اورسعودی عرب کے مابین تجارت کے فروغ، پاکستانی مصنوعات کوسعودی صارفین سے متعارف کرانا اوراپنےآئندہ کےاحداف کے بارے میں گفتگوکی جوقارئین کی خدمت میں پیش ہے
محترمہ سعدیہ خان نے کہا پاکستان اورسعودی عرب کے مابین تجارتی تعلقات بہت اچھے ہیں۔ میری یہ کوشش ہے کہ پاکستان کی جو مصنوعات سعودی مارکیٹ میں متعارف نہیں ہیں، ان کو لیکر آئیں۔ اس میں جو چیز سرفہرست ہے، اس میں اسپورٹس ویئرز اور دیگراشیاء شامل ہیں۔ اس سلسلے میں پاکستان قونصلیٹ جدہ اور بزنس فورم کے زیراہتمام فروری کے پہلے ہفتہ میں جدہ انٹرنیشنل ایگزیبیشن اینڈ کنونشن سینٹرمیں پہلی “میڈ ان پاکستان ایگزیبیشن” منعقد ہورہی ہے۔ جوایک بہت اچھا پلیٹ فارم ہوگا- اس میں عوام کی بڑی تعداد اور پاکستانی مصنوعات کے مالکان شرکت کریں گے۔ ہمارے سعودی بھائیوں کے لئے بھی یہ بہت اچھا موقع ہے کہ ان کو معلوم ہوسکے گا کہ اس وقت پاکستان کیا کیا مصنوعات تیارکر رہا ہے۔ پاکستانی صنعتی اداروں کے مالکان و تاجرسستی ومعیاری طورپرتیار کردہ اپنی مصنوعات پیش کرتے ہوۓ ان کی بآسانی فراہمی سے آگاہ کریں گے۔ ان کی مصنوعات کی پذیرائی سے تجارت کو فروغ حاصل ہوگا اور پاکستان بھی ترقی کرے گا۔ پاکستان بزنس فورم تمام اسٹیک ہولڈرزکو ایک چھت تلے لائے گا۔ انھوں نے کہا کہ سعودی عرب میں ہماری برآمدی تجارت کا زیادہ ترحصہ دو جیزوں پرمشتمل ہے۔ ایک ٹیکسٹائل جس میں ہوم ٹیکسٹائل زیادہ ہیں اوردوسرے فوڈ آئٹم ہیں۔ اس محدود مارکیٹ میں میری بڑی خواہش کہ جب میں یہاں سے جاؤں تو زیادہ نہیں،کم ازکم ایک دو پروڈکٹس یا سیکٹرجس کی سعودی مارکیٹ میں اب تک اینٹری نہیں ہو سکی ہے اس کے لئے کچھ نہ کچھ کرکے جاؤں۔ اس کے لئے ہماری بھرپورکوششیں جاری ہیں۔ ایک چیزاورجس پر کام کرنا چاہیے وہ پاکستانی مصنوعات کی مارکیٹنگ ہے۔ جیسے کہ پاکستان کے تیارکردہ فٹبال دنیا بھرمیں مشہورہیں۔ اس کی یہاں بڑی مارکیٹ ہے۔ میری خواہش کہ ہم اسپورٹس کی اشیاء اوراسپورٹس ویئرز کی ایکسپورٹ بڑھا سکیں، اس کے خریدار تلاش کرسکیں تو یہ پاکستان کے لئے بڑا سود مند ہوگا۔ انھوں نے بتایا ہماری برآمدات میں گذشتہ سال کے مقابلہ میں اس سال اچھا رجحان دیکھنے میں آیا ہے۔ انھوں نے سعودی عرب میں مقیم پاکستانیوں کو پیغام دیتے ہوئے کہا کہ اوورسیزپاکستانیزملک کے بہترین سفیرہیں۔ وہ برانڈ ایمبیسڈربن کرپاکستان کواچھی طرح روشناس کرائیں ۔ پاکستانی پروڈکٹس کی اچھی طرح سے مارکیٹنگ کریں۔ پاکستانی ڈاکٹرز،انجینئر، ہنرمند اورکاریگروں نے بہت اچھا نام بنایا ہے ملک کا اس کو مزید بہتر بنائیں۔ اس کے ساتھ ساتھ سعودی قوانین، تہذیب، روایات اوررسم و رواج کا بھی خوب احترام کریں۔
ذریعہ: Jasarat News
کلیدی لفظ: سعدیہ خان انھوں نے کے لئے
پڑھیں:
سعودی عرب سے حاجیوں کی وطن واپسی: فضائی آپریشن کل سے شروع ہوگا
data-id="863a0a8" data-element_type="widget" data-widget_type="theme-post-content.default">
اسلام آباد: حاجیوں کی وطن واپسی کا آپریشن کل سے شروع ہوگا، پہلی پرواز 10 جون کی شب 11 بج کر 50 منٹ پر جدہ سے روانہ ہوگی جو11 جون کی صبح 3 بجے اسلام آباد پہنچے گی۔
سعودی عرب سے پاکستانی حاجیوں کی وطن واپسی کا فضائی آپریشن کل، 10 جون سے شروع ہو رہا ہے۔ اس سلسلے کی پہلی حج پرواز 10 جون کی شب 11 بج کر 50 منٹ پر جدہ سے روانہ ہوگی، جو 11 جون کی صبح 3 بجے اسلام آباد پہنچے گی۔
پہلی پرواز سے 307 پاکستانی حاجی وطن واپس پہنچیں گے۔ حکام کے مطابق، 11 جون کو مجموعی طور پر 8 حج پروازیں مختلف شہروں میں حاجیوں کو لے کر پہنچیں گی۔ ان پروازوں کا استقبال اسلام آباد، لاہور، ملتان اور کراچی کے ایئرپورٹس پر کیا جائے گا۔
حج فلائٹ آپریشن 10 جولائی تک جاری رہے گا اور اس دوران تمام پاکستانی حاجی وطن واپس آ جائیں گے۔ سرکاری اسکیم کے تحت 88 ہزار 390 حاجیوں کو وطن واپس لایا جائے گا، جن کی واپسی کے لیے مجموعی طور پر 342 حج پروازیں شیڈول کی گئی ہیں۔
حج فلائٹ آپریشن میں پاکستان کی سرکاری اور نجی ایئر لائنز کے ساتھ ساتھ سعودی ایئر لائنز بھی حصہ لے رہی ہیں۔ آپریشن کے ایک ہفتے بعد مدینہ منورہ سے بھی حاجیوں کی واپسی کا سلسلہ شروع کر دیا جائے گا۔
مولانا فضل الرحمان کا کم عمری میں شادی کے قانون کیخلاف ملک بھر میں احتجاج کا اعلان