آسٹریلیا کے بیٹر عثمان خواجہ اور ان کی اسلام قبول کرنے والی اہلیہ کی رومانوی کہانی
اشاعت کی تاریخ: 3rd, February 2025 GMT
سڈنی (نیوز ڈیسک)پاکستانی نژاد آسٹریلیا کے بیٹر عثمان خواجہ نے حال ہی میں سری لنکا کے خلاف ٹیسٹ میں ریکارڈ ساز اننگز کھیلی اور خود کو کرکٹ کے لیجنڈز کی فہرست میں موجود عظیم کھلاڑیوں میں شامل کرلیا اور ان کی اہلیہ بھی میڈیا اور بزنس ڈیولپمنٹ منیجر کے طور پر پروفیشنل کیریئر بنا چکی ہیں۔عثمان خواجہ اور ریچل خواجہ کی کہانی تقریباً دہائی پرانی ہے اور ان کی پروفیشنل اور رومانی زندگی کے حوالے سے دلچسپ معلومات سامنے آئی ہیں۔عثمان خواجہ کی اہلیہ کا اصل نام ریچل مک لیلن تھا تاہم انہوں نے عثمان خواجہ سے شادی کرکے اسلام قبول کرلیا اور اس کے بعد وہ ریچل خواجہ بن گئی ہیں جو خود ایک کامیاب پروفیشنل خاتون ہیں۔
میڈیا رپورٹ کے مطابق ریچل خواجہ ایک 21 جنوری 1987 کو آسٹریلیا کے شہر سڈنی میں پیدا ہوئیں اور خود ایک بزنس ڈیولپمنٹ منیجر کے طور پر منوایا اور سیون کرکٹ کے ساتھ بطور رپورٹر کام کیا۔
انہوں نے اپنی تعلیم نیو ساؤتھ ویلز یونیورسٹی سے مکمل کی جہاں انہوں نے مارکیٹنگ میں ڈگری حاصل کی، جو ان کے پروفیشنل کیریئر کے حوالے سے سود مند ہے۔عثمان خواجہ اور ریچل کی رومانی کہانی کا آغاز 2015 میں یونیورسٹی کے دور میں ہوا جہاں دور طالب علمی میں دونوں کو مختلف نشیب و فراز کا سامنا رہا تاہم دونوں کا ایک دوسرے کے ساتھ تعلق مضبوط ہوتا گیا۔
دونوں نے تین سال تک دوستی میں رہنے کے بعد اپنے اس تعلق کو مزید مضبوط بنانے کا فیصلہ کیا تاہم دونوں کا مذہبی پس منظر اور پیش منظر بالکل مختلف تھا لیکن ریچل نے عثمان خواجہ کو زندگی کا ہم سفر چننے سے پہلے ایک اور بڑا فیصلہ کیا۔
ریچل نے عثمان سے شادی سے قبل اسلام قبول کرنے کا فیصلہ کیا، اپنے اس ذاتی فیصلے سے قبل وہ کیتھولک عیسائی تھیں اور انہوں نے واضح کیا تھا کہ یہ ان کا اپنا ذاتی اور آزادانہ فیصلہ ہے، اس کے لیے عثمان خواجہ یا ان کے خاندان کی جانب سے کوئی دباؤ نہیں تھا۔
عثمان خواجہ اور ریچل ایک نجی تقریب میں 6 اپریل 2018 کو رشتہ ازدواج میں منسلک ہوگئے جہاں ان کے خاندانوں نے شرکت کی اور ثقافتی اور روایتی انداز میں تقریب کا انعقاد کیا گیا۔
شادی کی تقریب سے قبل عثمان خواجہ اور ریچل نے اسلامی قواعد کے مطابق نکاح پڑھ لیا تھا اور نکاح کی تقریب 2017 میں ہوئی تھی، ریچل نکاح سے قبل ہی دائرہ اسلام میں داخل ہوگئی تھیں۔
ریچل کے اس بڑے اقدام سے دونوں میاں بیوی کا رشتہ مزید گہرا ہوگیا اور دونوں کی جانب سے ایک دوسرے کے اقدار، ثقافت اور روایات کا دلی احترام کیا جاتا ہے۔
عثمان خواجہ اور ریچل کی دو پیاری سی ننھی پریاں ہیں، جن کے نام انہوں نے عائشہ راحیل اور عائلہ فوزیہ رکھا ہے اور ریچل سوشل میڈیا پر اکثر اپنی بچیوں اور عثمان کے ساتھ تصاویر شیئر کرتی رہتی ہیں اور بعض اوقات اپنی ساس اور سسر کی تصاویر بھی مداحوں کو دکھاتی ہیں۔
ریچل نہ صرف اپنی بچیوں کی تربیت مکمل انداز سے کر رہی ہیں بلکہ وہ عثمان خواجہ کو سپورٹ کرنے کے لیے بھی اہم مواقع پر موجود ہوتی ہیں اور ان کی حوصلہ افزائی کے لیے حاضر ہوتی ہیں۔
وہ اپنے میاں کی کامیابیوں اور شان دار کارکردگی کا جشن بھی مناتی ہیں اور سوشل میڈیا پر دلوں کو چھونے والے پیغامات بھی ارسال کرتی ہیں، عثمان خواجہ کی ایشز میں انگلینڈ کے خلاف یادگار اننگز ہوں یا سری لنکا سمیت دیگر مضبوط ٹیموں کے خلاف تاریخی کارکردگی ہو ہر جگہ وہ اپنے میاں کے ساتھ خوشیاں منانے اور مداحوں کو اس میں شامل رکھنے میں پیش پیش ہوتی ہیں۔
ریچل خواجہ اپنی دو بیٹیوں کے ہمراہ بیک وقت ایک ماں اور پروفیشنل کرکٹر کی بیوی کی حیثیت سے دونوں کرداروں میں بخوبی اپنے فرائض نبھا رہی ہیں اور میڈیا رپورٹس کے مطابق وہ اپنا پروفیشل کیریئر بھی شروع کرنے کا ارادہ رکھتی ہیں۔
.ذریعہ: Daily Mumtaz
کلیدی لفظ: اور ان کی انہوں نے کے ساتھ ہیں اور
پڑھیں:
ہیوی ٹریفک اسلام آباد میں ماحولیاتی آلودگی پھیلانے کا سبب، شہریوں کی صحت کو سنگین خطرات لاحق
وفاقی دارالحکومت اسلام آباد میں ہونے والی حالیہ تحقیق کے دوران یہ انکشاف ہوا ہے کہ شہر میں چلنے والی ہر پانچ میں سے ایک بھاری ٹرانسپورٹ گاڑی قومی ماحولیاتی اخراج کے معیار کی خلاف ورزی کر رہی ہے۔
یہ نتیجہ وزارتِ موسمیاتی تبدیلی و ماحولیاتی کوآرڈینیشن کے تحت کام کرنے والے وفاقی ادارہ برائے تحفظِ ماحولیات (پاک ای پی اے) کی تازہ رپورٹ میں پیش کیا گیا ہے۔
مزید پڑھیں: مریم نواز کے ماحولیاتی آلودگی کے لیے اقدامات: ’عثمان بزدار کی حکومت میں ایسا کچھ دیکھنے کو ملا ہے؟‘
رپورٹ میں بتایا گیا ہے کہ بڑھتی ہوئی آبادی، صنعتی سرگرمیوں میں اضافہ اور سڑکوں پر گاڑیوں کی تعداد میں تیزی سے اضافہ اسلام آباد میں فضائی آلودگی کی صورتحال کو شدید بنا رہا ہے۔
اس رپورٹ کے مطابق ڈیزل پر چلنے والی پرانی اور بھاری گاڑیاں خصوصاً وہ جو سامان یا مسافروں کی نقل و حمل کے لیے استعمال ہوتی ہیں، فضائی آلودگی کا سب سے بڑا ذریعہ قرار پائی ہیں۔
ان گاڑیوں سے خارج ہونے والا سیاہ دھواں، کاربن مونو آکسائیڈ اور شور نہ صرف ماحول کو آلودہ کر رہا ہے بلکہ شہریوں کی صحت کے لیے بھی سنگین خطرہ بنتا جا رہا ہے۔
ڈائریکٹر جنرل پاک ای پی اے نازیہ زیب علی کی ہدایت پر ادارے نے اسلام آباد ٹریفک پولیس کے تعاون سے 28 اور 30 اکتوبر کو خصوصی مہم چلائی، جس کی سربراہی ڈپٹی ڈائریکٹر (لیبارٹریز، معیارات) ڈاکٹر زاغم عباس اور ڈپٹی ڈائریکٹر (تحقیق و تفتیش) بن یامین نے کی۔
مہم کے دوران ٹیموں نے سیکٹر آئی الیون کے قریب منڈی موڑ اور سرینگر ہائی وے پر جی 14 کے نزدیک مخصوص مقامات پر بھاری گاڑیوں کے دھوئیں اور شور کی سطح کا معائنہ کیا۔
تحقیقاتی رپورٹ کے مطابق مجموعی طور پر 100 بھاری گاڑیوں کا جائزہ لیا گیا جن میں سے 20 فیصد گاڑیاں قومی ماحولیاتی معیار پر پورا نہ اتریں۔
ڈاکٹر زاغم عباس نے رپورٹ کے نتائج بیان کرتے ہوئے کہاکہ ہر پانچ میں سے ایک بھاری گاڑی قابلِ قبول حد سے زیادہ آلودگی پھیلا رہی ہے، جو اس بات کا واضح ثبوت ہے کہ ڈیزل گاڑیوں کی دیکھ بھال اور ان کے معائنے کے نظام کو مزید سخت بنانے کی فوری ضرورت ہے۔
رپورٹ کے مطابق غیر معیاری آلودگی پھیلانے والی 20 گاڑیوں پر جرمانے عائد کیے گئے، جبکہ آلودگی کی انتہائی بلند سطح رکھنے والی تین گاڑیوں کو قانونی کارروائی کے تحت بند کر دیا گیا۔
پاک ای پی اے نے متعلقہ مالکان کو ہدایت کی کہ وہ اپنی گاڑیوں کے انجنوں کی فوری مرمت، ٹیوننگ اور اخراجی نظام کی درستگی کو یقینی بنائیں تاکہ آئندہ خلاف ورزیوں سے بچا جا سکے۔
مزید پڑھیں: پنجاب میں ماحولیاتی آلودگی کم کرنے کے لیے بڑے آپریشن کا آغاز ہوگیا
ادارے نے زور دیا کہ سرکاری و نجی اداروں کے زیر استعمال گاڑیوں کی باقاعدہ دیکھ بھال اور داخلی آلودگی آڈٹ انتہائی اہم ہیں۔
پاک ای پی اے نے عزم ظاہر کیا ہے کہ وہ اسلام آباد میں فضائی آلودگی پر قابو پانے کے لیے مسلسل نگرانی، سخت قانونی کارروائی اور عوامی آگاہی مہمات جاری رکھے گی، تاکہ شہریوں کی صحت اور ماحول کا تحفظ یقینی بنایا جا سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اسلام اباد خلاف ورزی دھواں ماحولیاتی اخراج ہیوی ٹریفک وفاقی دارالحکومت وی نیوز
بابر اعظم ایک ٹی 20 میچ میں کتنے عالمی ریکارڈز توڑ سکتے ہیں؟