پولیس کے چھاپے ،34 بھکاریوں سمیت60 ملزمان گرفتار
اشاعت کی تاریخ: 4th, February 2025 GMT
کراچی (اسٹاف رپورٹر ) شہر کے مختلف علاقوں میں پولیس چھاپوں کے دوران 34 پیشہ ور بھکاریوں سمیت 60 ملزمان کو گرفتار کرلیا گیا، ملزمان کے قبضے سے اسلحہ، منشیات، نقد رقم، موبائل فون، موٹر سائیکلیں اور دیگر مسروقہ سامان برآمد ہوا، پیشہ ور بھکاریوں کیخلاف متعلقہ تھانہ جات میں مقدمات درج کرلیے گئے، گرفتار بھکاریوں کا سابقہ کریمنل ریکارڈ معلوم کیا جا رہا ہے۔ تفصیلات کے مطابق سعیدآباد سیکٹر 17B میں منگنی کی تقریب کے دوران ہوائی فائرنگ کے دوران پولیس اہلکاروں پر فائرنگ اور دست گریبان ہونے والے 2 ملزمان ظہیر اور سعید کو گرفتار کرلیا گیا جبکہ 5 ملزمان فرار ہونے میں کامیاب ہوگئے۔ ملزمان کے خلاف مقدمہ درج ہے۔ تھانہ سائٹ سپر ہائی وے پولیس نے پولیس مقابلے کے دوران فرار ہونے والے ملزم ساحل حبیب ولد نیاز احمد کو گرفتار کرلیا اور قبضے سے ایک پستول، گولیاں، چوری کی موٹرسائیکل اور نقد رقم برآمد کرلی۔ شرافی گوٹھ پولیس نے کورنگی سنگر چورنگی کے قریب سے 2 ملزمان ساحل اور سجاد کو گرفتار کرکے 2 پستول، گولیاں اور چھینی گئی موٹرسائیکل برآمد کرلی۔ تھانہ پاکستان بازار پولیس نے جوا سٹہ آپریٹ کرنے والے ملزم فخرالدین عرف گڈو ولد شمس الدین کو گرفتار کرکے مقدمہ درج کرلیا۔ تھانہ محمود آباد پولیس نے کارروائی کرکے موٹر سائیکل لفٹنگ میں ملوث 5 ملزمان کو گرفتار کرلیا اور ایک پستول بمعہ گولیاں اور 4 عدد چوری شدہ موٹرسائیکلیں برآمد ہوئیں۔ تھانہ سائٹ سپر ہائی وے پولیس نے ملزمان محمد عمر اور فیروز خانکو گرفتار کرکے 2 عدد پستول، گولیاں، موٹر سائیکل اور نقدی رقم برآمد کرلی۔ بغدادی پولیس نے اسٹریٹ کرائمز کی مختلف وارداتوں میں ملوث پیشہ ور 3 رکنی گروہ کو پکڑ کر ملزمان سے 3 پستول بمعہ گولیاں برآمد کرلیں۔
.ذریعہ: Jasarat News
کلیدی لفظ: کو گرفتار کرلیا پولیس نے کے دوران
پڑھیں:
شادی کی تقریب میں ہوائی فائرنگ کرنے والے تین ملزمان گرفتار، پولیس دلہا کی گاڑی کو بھی بند کردیا
کراچی کے ضلع وسطی کی حدود میں قائم تھانے شاہراہ نور جہاں پولیس نے شادی کی تقریب میں ہوائی فائرنگ کرنے والے تین ملزمان کو گرفتار کرکے دلہا سمیت تین گاڑیاں قبضے میں لے لی، فائرنگ سے ایک شخص زخمی ہوا تھا۔
ایکسپریس نیوز کے مطابق شاہراہِ نور جہاں کی حدود میں بارات میں ہوائی فائرنگ کرنے والے 3 ملزمان کو گرفتار کر کے اسلحہ اور گاڑی قبضہ میں لے لی۔
پولیس کے مطابق نارتھ ناظم آباد کے علاقے شاہراہ نورجہاں روڈ بلاک ٹی میں بارات میں شریک افراد کی ہوائی فائرنگ سے قاسم نامی شخص ٹانگ پر گولی لگنے سے زخمی ہوا۔
واقعے کی اطلاع ملتے ہی ایس ایچ او شاہراہِ نور جہاں کی سربراہی میں پولیس کی نفری وقوعہ پر پہنچی تو معلوم ہوا کہ تقریب میں شریک چند افراد بارات کے دوران ہوائی فائرنگ کر رہے تھے۔
پولیس نے فوری کارروائی کرتے ہوئے بارات کا تعاقب کیا اور تین ملزمان کو گرفتار کرلیا۔ جن کی شناخت عاقب خلیل، مزمل اور رازی منڈ کے ناموں سے ہوئی۔
پولیس نے ملزمان کے قبضے سے دو عدد پستول بمعہ ایمونیشن برآمد کیے جبکہ بارات میں استعمال ہونے والی تین گاڑیاں بھی تحویل میں لے لی۔
پولیس نے ملزمان کی گرفتاری کے بعد واقعے کا مقدمہ درج کرلیا۔ ایس ایس پی سینٹرل ذیشان صدیقی نے بروقت کارروائی اور ملزمان کی گرفتاری پر پولیس ٹیم کو شاباش دی۔
انہوں نے کہا کہ شہری علاقوں میں ہوائی فائرنگ جیسے خطرناک عمل کو ہرگز برداشت نہیں کیا جائے گا، اور قانون کی خلاف ورزی کرنے والوں کے خلاف سخت کارروائی عمل میں لائی جائے گی۔
ڈی جی این سی سی آئی اے وقار الدین سید کو عہدے سے ہٹا دیا گیا