بانو قدسیہ کو بچھڑے 5 برس بیت گئے
اشاعت کی تاریخ: 4th, February 2025 GMT
معروف ناول نگار، ڈرامہ نگار اور افسانہ نگار بانو قدسیہ کو قارئین سے بچھڑے 5 برس بیت گئے۔
بانو قدسیہ 28 نومبر 1928ء کو بھارت میں ایک زمیندار گھرانے میں پیدا ہوئیں اور تقسیمِ ہند کے بعد لاہور آ گئیں۔
انہیں بچپن سے ہی اردو ادب کا بے حد شوق تھا اور اکثر اوقات رسالے پڑھا کرتی تھیں تاہم انہوں نے اردو ادب میں ہی باقاعدہ تعلیم حاصل کی۔
پڑھنے لکھنے کے شوق کی وجہ سے انہوں نے اپنے کالج کے زمانے سے ہی رسالوں میں لکھنا شروع کیا اور آہستہ آہستہ انہوں نے ریڈیو کے لیے بھی لکھنا شروع کیا۔
اردو ادب سے بے حد لگاؤ کے باعث انہوں نے اردو میں متعدد ناول لکھے جن میں ’راجہ گدھ‘ اور ’امر بیل‘ اس قدر مشہور ہوئے کہ ان کا نام بہترین ناول نگاروں میں شامل کیا جانے لگا۔
بانو قدسیہ اسٹیج شو اور ٹیلی ویژن کے لیے بھی پنجابی اور اردو زبان میں ڈرامہ اسکرپٹ لکھا کرتی تھیں، ان کے ڈراموں میں ’پیا نام کا دیا‘، ’فٹ پاتھ کی گھاس‘، ’آدھی بات‘ اور دیگر شامل ہیں۔
بانو قدسیہ وہ لکھاری ہیں جن کی تحریر میں محبت کی تلخ حقیقت، شگفتگی، شائستگی اور اردو زبان پر مضبوط گرفت نظر آتی ہے۔
انہوں نے مشہور ناول نگار، افسانہ نگار اور ڈرامہ نویس اشفاق احمد سے شادی کی جن کا اردو ادب میں ایک منفرد مقام ہے۔
بانو قدسیہ کی بہترین تحریروں اور اردو ادب میں بہترین کارکردگی پر 1983ء میں حکومتِ پاکستان کی جانب سے انہیں ہلالِ امتیاز اور 2010ء میں ستارۂ امتیاز سے نوازا گیا جبکہ انہوں نے 2012ء میں کمالِ فن کا ایوارڈ بھی اپنے نام کیا۔
بانو قدسیہ شدید علالت کے باعث 4 فروری 2017ء کو دنیائے فانی سے کوچ کر گئیں لیکن اردو ادب میں ان کے خلاء کو کوئی پُر نہیں کر سکتا۔
.ذریعہ: Daily Mumtaz
کلیدی لفظ: بانو قدسیہ انہوں نے
پڑھیں:
بانی سے کوئی ڈیل نہیں ،رہائی عدالت سے ہو گی، وفاقی وزیرریلوے
حجرہ شاہ مقیم (اُردو پوائنٹ اخبارتازہ ترین - این این آئی۔ 10 جون2025ء)وفاقی وزیر ریلوے حنیف عباسی نے واضح کیا ہے کہ حکومت کی جانب سے چیئرمین پاکستان تحریک انصاف عمران خان کے ساتھ کسی بھی قسم کی کوئی ڈیل نہیں کی جا رہی۔ انہوں نے کہا کہ عمران خان کی رہائی کا واحد راستہ عدالت ہے، ریلوے اسٹیشن کے دورہ کے موقع پر میڈیا سے گفتگو کرتے ہوئے حنیف عباسی کا کہنا تھا کہ پی ٹی آئی قیادت اور کارکن اب منہ چھپاتے پھر رہے ہیں۔ انہوں نے کہا کہ ہم نے بھی جیلیں کاٹی ہیں، الیکشن سے قبل سزا یافتہ ہو کر جیل گئے لیکن کبھی رونا دھونا نہیں کیا کیونکہ ہمارا ضمیر مطمئن تھا کہ ہم حق پر ہیں۔وفاقی وزیر نے کہا کہ پی ٹی آئی کو اپنی ماضی کی غلطیوں کا اعتراف کرتے ہوئے قوم سے معافی مانگنی چاہیے، جب بھارت پاکستان پر حملہ آور تھا، اس وقت وہ پاک فوج پر طعن و تشنیع کر رہے تھے۔(جاری ہے)
انہوں نے دعوی کیا کہ بھارت سے بھی کہا گیا تھا کہ وہ معافی مانگے مگر اس نے ایسا نہیں کیا تو پاکستان کی بہادر افواج نے بھارت کے 26ایئر بیس تباہ کیے، 22چوکیاں فتح کیں اور دشمن کے چھ جنگی طیارے، جن میں رافیل طیارے بھی شامل تھے، مار گرائے۔ ان کا کہنا تھا کہ جب دشمن حملہ آور ہو، تو قوم کو متحد ہو کر اپنی افواج کے ساتھ کھڑا ہونا چاہیے۔حنیف عباسی نے مزید کہا کہ جنرل سید عاصم منیر میدان کے فیلڈ مارشل ہیں جبکہ ماضی میں ایک شخص ڈرائنگ روم سے فیلڈ مارشل بن بیٹھا تھا۔ریلوے کے حوالے سے گفتگو کرتے ہوئے وزیر ریلوے نے کہا کہ بولان ایکسپریس، جو پہلے ہفتے میں صرف دو دن چلتی تھی، اب روزانہ چلا رہے ہیں۔ انہوں نے کہا کہ جب تک ریلوے کو اپ گریڈ نہیں کیا جائے گا، اس وقت تک تھر کول اور ریکوڈک منصوبے بھی ترقی نہیں کر سکیں گے۔انہوں نے اس بات پر زور دیا کہ ریلوے کی بہتری کے بغیر ہم سنٹرل ایشیا، یورپ اور ماسکو تک ریلوے روابط کا خواب پورا نہیں کر سکتے۔ریلوے ملازم ایس ٹی محمد اکرم کی ناگہانی وفات پر بات کرتے ہوئے حنیف عباسی نے کہا کہ انسانی جان کی کوئی قیمت نہیں، لیکن ریلوے نے متاثرہ خاندان کی مالی معاونت کر دی ہے۔ انہوں نے خبردار کیا کہ مستقبل میں صرف وہی ریلوے ملازم ادارے میں کام کرے گا جو اپنی ذمہ داری پوری کرے گا، بصورت دیگر غفلت کے مرتکب افراد کو سخت نتائج کا سامنا کرنا پڑے گا۔بعد ازاں وفاقی وزیر نے اوکاڑہ ریلوے اسٹیشن کا دورہ کیا اور جاری تعمیراتی کاموں کا جائزہ لیا۔
ہماری معاشی خود انحصاری کا دارومدار سستی بجلی اور زراعت پر ہے: وزیراعظم