وزیراعلیٰ مریم نوازشریف کا لاہور میں 30 سال بعد نیشنل ہارس اینڈ کیٹل شو کے انعقاد کا اعلان
اشاعت کی تاریخ: 4th, February 2025 GMT
لاہور(نیوز ڈیسک) وزیر اعلیٰ پنجاب مریم نواز شریف نے عالمی معیار کے نیشنل ہارس اینڈ کیٹل شو کے انعقاد کا فیصلہ کر لیا، جو 10 فروری سے لاہور میں شروع ہوگا۔ اس تین روزہ ایونٹ میں 30 سال بعد پہلی بار 70 بین الاقوامی ٹیمیں شرکت کریں گی۔ وزیر اعلیٰ مریم نواز شریف 9 فروری کو “ہارس اینڈ کیٹل شو 2025” کا باضابطہ افتتاح کریں گی۔ اس سالانہ شو کا عنوان “اتحاد، ترقی اور ثقافت کی بحالی” رکھا گیا ہے، جس کا مقصد پنجاب کی شاندار روایات، ثقافت کے فروغ اور کسانوں کی حوصلہ افزائی کرنا ہے۔
یہ تاریخی شو سب سے پہلے 1964 میں منعقد ہوا تھا، جبکہ آخری بار 1995 میں اس کا انعقاد کیا گیا۔ 2025 میں ہونے والا ہارس اینڈ کیٹل شو 9 سے 23 فروری تک لاہور کے مختلف مقامات پر جاری رہے گا، جس میں ثقافتی سرگرمیاں اور روایتی مقابلے شامل ہوں گے۔ شو میں نیزہ بازی، تیر اندازی، بُزکشی اور پولو کے مقابلے ہوں گے، جہاں گھڑ سوار اپنی مہارت کا مظاہرہ کریں گے۔ گھوڑوں اور پالتو جانوروں کی نمائش بھی کی جائے گی، جس میں کسانوں کو اپنے جانور پیش کرنے کا موقع ملے گا اور بہترین جانوروں پر انعامات دیے جائیں گے۔ ثقافتی تہوار، پھولوں کی نمائش اور آرائشِ گل کے مقابلے بھی اس شو کا حصہ ہوں گے، جو پنجاب کے حسن کو اجاگر کریں گے۔ 13 سے 23 فروری تک بچوں کے کھیل اور تفریحی تقریبات کا بھی انعقاد کیا جائے گا، جبکہ پنجاب کے روایتی کھانوں اور موسیقی کے میلے 14 سے 16 فروری تک منعقد ہوں گے۔ پنجاب کے صوفی بزرگوں کو خراج عقیدت پیش کرنے اور ان کی تعلیمات کو عام کرنے کے لیے 19 فروری کو صوفی فیسٹیول ہوگا، جبکہ روایتی کبڈی کے مقابلے 18 اور 19 فروری کو منعقد ہوں گے۔ نایاب گاڑیوں کے شوقین افراد کے لیے 16 فروری کو کار شو کا بھی اہتمام کیا گیا ہے، جہاں پرانی اور نایاب گاڑیوں کی نمائش ہوگی۔
وزیر اعلیٰ مریم نواز شریف نے کہا کہ ہارس اینڈ کیٹل شو پنجاب کے کسانوں اور عوام کے لیے ایک تحفہ ہے۔ 30 سال بعد عالمی ٹیموں کی شرکت سے اس شو کو اصل حالت میں بحال کیا گیا ہے، جو ہماری ثقافت اور زراعت کے فروغ کے عزم کی عکاسی کرتا ہے۔ انہوں نے مزید کہا کہ یہ روایتی میلے پنجاب کے عوام کے اتحاد، ہم آہنگی اور یکجہتی کے فروغ کا بھی ذریعہ ہیں۔ پنجاب محبتوں کی سرزمین ہے، یہاں نفرتوں کی کوئی گنجائش نہیں۔
وزیر اعلیٰ مریم نواز شریف نے پنجاب کی سینئر وزیر مریم اورنگزیب کی سربراہی میں سٹئیرنگ کمیٹی قائم کی، جو اس شو کی تیاریوں کی نگرانی کر رہی ہے۔ پاکستان ہارٹیکلچر اتھارٹی (پی ایچ اے) گزشتہ چار ماہ سے اس تاریخی میلے کی تیاری میں مصروف ہے۔ یہ ہارس اینڈ کیٹل شو پنجاب کے عوام، کسانوں اور زراعت کے فروغ کے لیے ایک تاریخی موقع ثابت ہوگا، جہاں ثقافت اور روایات کی جھلک بھی نمایاں ہوگی۔
.ذریعہ: Daily Mumtaz
کلیدی لفظ: مریم نواز شریف وزیر اعلی فروری کو پنجاب کے کے فروغ کے لیے ہوں گے
پڑھیں:
وزیراعلیٰ مریم نواز سے جرمن پارلیمنٹ کی رکن کی ملاقات، مختلف امور اور تجاویز پر تبادلہ خیال
وزیراعلیٰ مریم نواز سے جرمن پارلیمنٹ کی رکن دِریا تُرک نَخباؤر (Derya Türk-Nachbaur) نے ملاقات کی۔
ملاقات میں دوطرفہ تعلقات، پارلیمانی تعاون، خواتین کی بااختیاری، تعلیم، نوجوانوں کے تبادلے، ماحولیات اور کلین انرجی کے منصوبوں پر تفصیلی بات چیت ہوئی۔
مریم نواز نے جرمن مہمان کا پرتپاک خیرمقدم کیا اور حالیہ سیلاب کے دوران اظہارِ یکجہتی پر شکریہ ادا کیا۔ انہوں نے کہا کہ پنجاب کے تاریخی و ثقافتی شہر لاہور میں جرمن مہمانوں کا خیرمقدم کرنا باعثِ اعزاز ہے۔
وزیراعلیٰ نے فریڈرک ایبرٹ فاؤنڈیشن کی 100 ویں سالگرہ پر مبارکباد دی اور پاکستان میں 35 سالہ خدمات کو سراہا۔ انہوں نے کہا کہ اس ادارے نے جمہوریت، سماجی انصاف اور مکالمے کے فروغ میں نمایاں کردار ادا کیا ہے۔
یہ بھی پڑھیں:مولانا فضل الرحمان نے مریم نواز کی جانب سے ائمہ کرام کو ماہانہ وظیفے دینے کا فیصلہ مسترد کردیا
مریم نواز نے کہا کہ فلڈ کے دوران اظہارِ ہمدردی اور یکجہتی پاک جرمن دوستی کا مظہر ہے۔ دونوں ممالک جمہوریت، برداشت اور پارلیمانی طرزِ حکمرانی پر یقین رکھتے ہیں جو ترقی و امن کی بنیاد ہیں۔
وزیراعلیٰ نے کہا کہ دِریا تُرک نَخباؤر کا کام شمولیتی پالیسی سازی، صنفی مساوات اور انسانی حقوق کے فروغ کی شاندار مثال ہے۔
تربیتی ورکشاپس اور پارلیمانی تبادلوں کی تجویز
مریم نواز نے فریڈرک ایبرٹ فاؤنڈیشن کے تحت قانون سازوں، نوجوان رہنماؤں اور خواتین ارکانِ اسمبلی کے لیے تربیتی ورکشاپس منعقد کرنے کی تجویز دی۔ ان کا کہنا تھا کہ پارلیمانی تبادلوں سے خود مختاری کے جرمن ماڈل سے سیکھنے کا موقع ملے گا۔
انہوں نے کہا کہ جرمنی 1951 سے پاکستان کا قابلِ اعتماد ترقیاتی شراکت دار ہے اور پنجاب میں ماحولیات، توانائی، صحت، تربیت اور خواتین کے معاشی کردار کے فروغ میں اہم کردار ادا کیا ہے۔
وزیراعلیٰ نے نوجوانوں کی روزگار صلاحیت میں اضافے کے لیے جرمنی کے ڈوال ووکشینل ٹریننگ ماڈل کو اپنانے کی خواہش کا اظہار کیا۔
تجارتی تعلقات میں خوش آئند پیشرفت
مریم نواز نے کہا کہ پاکستان اور جرمنی کے درمیان تجارت 2024 میں 3.6 ارب امریکی ڈالر تک پہنچنا خوش آئند ہے۔ پنجاب جرمنی کی قابلِ تجدید توانائی، زرعی ٹیکنالوجی، آئی ٹی سروسز اور کلین مینوفیکچرنگ میں سرمایہ کاری کا خیرمقدم کرتا ہے۔
یہ بھی پڑھیں:ہتھیار اٹھانے والی جماعت سیاسی یا مذہبی نہیں رہتی، مریم نواز ٹی ایل پی کے خلاف کھل کر بول پڑیں
انہوں نے کہا کہ تعلیم حکومتِ پنجاب کے اصلاحاتی ایجنڈے کا بنیادی ستون ہے، نصاب کی جدت، ڈیجیٹل لرننگ اور عالمی تحقیقی روابط پر کام جاری ہے۔ 10 ہزار سے زائد پاکستانی طلبہ جرمن جامعات میں زیرِ تعلیم ہیں۔
مریم نواز نے کہا کہ ای بائیک اسکیم، ہونہار اسکالرشپ پروگرام اور ویمن اینکلیوز جیسے منصوبے خواتین کی باعزت معاشی شرکت کو یقینی بنا رہے ہیں۔
انہوں نے کہا کہ بادشاہی مسجد، لاہور قلعہ، شالامار گارڈن اور داتا دربار پنجاب کے مشترکہ تہذیبی ورثے کی علامت ہیں۔ ثقافتی تعاون مؤثر سفارت کاری ہے اور ہم جرمن اداروں کے ساتھ مشترکہ فن و ثقافت منصوبوں کا خیرمقدم کرتے ہیں۔
وزیراعلیٰ مریم نواز نے کہا کہ پاکستان اور جرمنی امن، ترقی اور انسانی وقار کی مشترکہ اقدار کے حامل ہیں، اور پارلیمانی روابط و پائیدار ترقی کے ذریعے دوستی کو مزید مضبوط بنانے کے لیے پُرعزم ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
جرمن پارلیمنٹ جرمنی دِریا تُرک نَخباؤر مریم نواز وزیراعلٰی پنجاب
ملتان، حضرت شاہ رکن الدین عالم کا 712 واں سالانہ تین روزہ عرس شروع، بڑی تعداد میں مرید شریک