وادی کشمیر کے ضلع بڈگام میں سالانہ رحمۃ للعالمین کانفرنس کا انعقاد
اشاعت کی تاریخ: 4th, February 2025 GMT
اسلام ٹائمز: کانفرنس سے خطاب میں مولانا آغا سید محمد ہادی الموسوی الصفوی نے کہا کہ بعثتِ پیغمبرِ اکرم (ص) پوری انسانیت کیلئے انسان سازی اور اتمام اخلاق اور انسانی اقدار کا جو درس لیکر آئی ہے، ہماری بھی وہی ذمہ داری بنتی ہے کہ ہم اس پیغام کو پورے عالم انسانیت تک پہنچائیں۔ متعلقہ فائیلیںرپورٹ: جاوید عباس رضوی
جموں و کشمیر انجمنِ شرعی شیعیان کے زیراہتمام عظیم الشان سالانہ رحمۃ للعالمین کانفرنس ضلع بڈگام کے بمنہ میں منعقد ہوئی۔ کانفرنس کی صدارت انجمنِ شرعی شیعیان کے سربراہ مولانا آغا سید محمد ہادی الموسوی الصفوی نے کی۔ کانفرنس میں شریک علماء کرام میں نمائندہ میر واعظ کشمیر مولانا ڈاکٹر عمر فاروق، آغا سید محسن رضوی، جموں و کشمیر اتحاد بین المسلمین کے صدر مولانا مسرور عباس انصاری، نمائندہ انجمنِ شرعی شیعیانِ دار المصطفٰی مولانا آغا سید حسن الموسوی الصفوی، آغا سید عابد حسین حسینی، ڈاکٹر محمد سمیر صدیقی و دیگر مہمانان شامل تھے۔ کانفرنس کے آخر میں مولانا آغا سید محمد ہادی الموسوی الصفوی نے مؤمنین سے خطاب کرتے ہوئے کہا کہ بعثتِ پیغمبرِ اکرم (ص) پوری انسانیت کیلئے انسان سازی اور اتمام اخلاق اور انسانی اقدار کا جو درس لے کر آئی ہے، ہماری بھی وہی ذمہ داری بنتی ہے کہ ہم اس پیغام کو پورے عالم انسانیت تک پہنچائیں۔
نہ فقط عالم اسلام تک، چونکہ ہم فقط اس واقعے کو تاریخی تناظر میں نہیں دیکھتے ہیں، بلکہ یہ واقعہ انسانیت کیلئے ایک ٹرننگ پوائنٹ ہے۔ آغا سید محمد ہادی الموسوی الصفوی نے مزید کہا کہ بعثت کا مقصد خود رسول برحق، سرور تاجدار انبیاء حضرت محمد مصطفیٰ (ص) کے فرمان کے مطابق اخلاقیات کی تکمیل تھا۔ انہوں نے کہا کہ اُس وقت کی جو بھی انسانی، سماجی، اخلاقی اور اقتصادی محاذ پر پستیاں تھیں ان کو ٹھیک کرنے کیلئے خداوند متعال نے جو ایک منت انسانیت پر رکھی ہے، وہ بعثت ہے۔ کانفرنس سے خطاب کرتے ہوئے دیگر علماء اہل تشیع و علماء تسنن نے موضوع کی مناسبت پر تفصیلی گفتگو کی اور اتحاد اسلامی پر بھی زور دیا۔ قارئین و ناظرین محترم آپ اس ویڈیو سمیت بہت سی دیگر اہم ویڈیوز کو اسلام ٹائمز کے یوٹیوب چینل کے درج ذیل لنک پر بھی دیکھ اور سن سکتے ہیں۔ (ادارہ)
https://www.
ذریعہ: Islam Times
کلیدی لفظ: مولانا آغا سید کہا کہ
پڑھیں:
خیبر پختونخوا: مالی سال 26-2025 کا سالانہ ترقیاتی پروگرام تیار
— فائل فوٹوخیبر پختونخوا کا بجٹ آج پیش کیا جائے گا، جس کے پیشِ نظر خیبر پختونخوا کے مالی سال 26-2025 کا سالانہ ترقیاتی پروگرام تیار کر لیا گیا ہے۔
بجٹ دستاویزات کے مطابق مجموعی ترقیاتی بجٹ 500 ارب 78 کروڑ روپے سے زیادہ ہوگا۔
ترقیاتی کاموں کےلیے صوبائی وسائل سے 323 ارب 60 کروڑ روپے مختص کرنے کی تجویز ہیش کی گئی ہے۔
بجٹ دستاویزات میں یہ تجویز پیش کی گئی ہے کہ 1449 جاری ترقیاتی منصوبوں کےلیے 235 ارب روپے مختص کیے جائیں۔
سندھ اور خیبر پختونخوا کا بجٹ آج پیش کیا جائے گا، دونوں صوبوں میں وفاق کی طرز پر تنخواہوں اور پنشن میں اضافے کا امکان ہے۔
دستاویزات کے مطابق 810 نئے ترقیاتی منصوبوں کےلیے 88 ارب روپے مختص کیے گئے ہیں جبکہ اے ڈی پی میں مجموعی ترقیاتی منصوبوں کی تعداد 2 ہزار 259 تک پہنچ گئی ہے۔
بجٹ دستاویزات میں یہ تجاویز بھی پیش کی گئیں ہیں کہ ڈسٹرکٹ اے ڈی پی کےلیے 45 ارب 60 کروڑ رکھنے جبکہ ترقیاتی بجٹ میں صحت کےلیے27 ارب 24 کروڑ روپے، ابتدائی و ثانوی تعلیم کےلیے 13 ارب روپے، پینے کے پانی کے منصوبوں کےلیے 10 ارب روپے، 36 میں سے آدھے محکموں کےلیے ایک، ایک فیصد سے بھی کم فنڈز رکھنے کی تجاویز پیش کی گئی ہیں۔
اس کے علاوہ بندوبستی اضلاع کےلیے 95 ارب روپے مختص کرنے اور لوکل اے ڈی پی کے تحت 39 ارب 60 کروڑ روپے رکھنےکی تجویز دی گئی ہے۔
دستاویزات میں بیرونی امداد کے تحت 5 ارب 35 کروڑ روپے مختص کرنے اور اے آئی پی کے تحت قبائل اضلاع کےلیے 50 ارب روپے رکھنے کی تجویز دی گئی ہے۔
پورے پنجاب میں ایک لاکھ صفائی ورکرز فیلڈ میں موجود ہیں: مریم اورنگزیب