پنجاب کی ماتحت عدالتوں میں دنرات عدالتیں لگیں گی
اشاعت کی تاریخ: 9th, February 2025 GMT
لاہور (آن لائن) پنجاب کی ماتحت عدلیہ کو اب دن‘ رات کام کرنا ہوگا ،چیف جسٹس پاکستان یحییٰ آفریدی کے حکم پر پنجاب کی ماتحت عدالتوں میں 14لاکھ کیسز کو نمٹانے کے لیے دن ‘ رات عدالتیں لگیں گی۔ ڈی جی ڈائریکٹریٹ ڈسٹرکٹ جوڈیشری لاہور ہائیکورٹ نے ڈبل شفٹ کے حوالے سے تمام ڈسٹرکٹ اینڈ سیشن ججز کومراسلہ بھجوادیا۔ پنجاب کی ماتحت عدالتوں میں 14لاکھ سے زائد کیسز زہر التوا ہیں
جب کہ ماتحت عدالتوں میں ججز کی سات سو سے زائد آسامیاں خالی ہیں اس حوالے سے کیسز کو نمٹانے کے لیے پنجاب کی ماتحت عدلیہ کو اب دن رات کام کرنا ہوگاپنجاب کے تمام ڈسٹرکٹ اینڈ سیشن ججز کو لکھے گئے خط میں تحریر کیا گیا ہے کہ چیف جسٹس پاکستان جسٹس یحییٰ آفریدی نے بطور چیئرمین نیشنل جوڈیشل پالیسی میکنگ کمیٹی پنجاب کی ماتحت عدالتوں میں زیر سماعت کیسز کے خاتمے کے لیے عدالتوں میں ڈبل شفٹ شروع کرنے کے خواہشمند ہیں۔مراسلے میں ہدایت جاری کی گئی ہے کہ پنجاب کے تمام ڈسٹرکٹ اینڈ سیشن ججز چیف جسٹس پاکستان کی اس تجویز کے حوالے سے اپنی رائے دیں۔ تمام جوڈیشل افسران جو ایکسٹرا شفٹس میں کام کرنا چاہتے ہیں اپنی رائے سے اگاہ کریں۔ ڈسٹرکٹ اینڈ سیشن ججز 8 فروری دوپہر 2 بجے تک اپنا جواب رپورٹ کی صورت میں جمع کروائیں۔
چیف جسٹس
ذریعہ: Jasarat News
کلیدی لفظ: پنجاب کی ماتحت عدالتوں میں ڈسٹرکٹ اینڈ سیشن ججز چیف جسٹس
پڑھیں:
سامعہ حجاب اغوا اور دھمکی کیس: ٹک ٹاکر کی عدالت میں عدم پیشی
سوشل میڈیا انفلوئنسر سامعہ حجاب کے اغوا اور دھمکیاں دینے کے کیس کے سماعت اسلام آباد کی عدالت میں ہوئی۔ تاہم سامعہ حجاب کی عدالت میں نہیں ہوئی۔
ڈسٹرکٹ اینڈ سیشن کورٹ اسلام آباد میں ایڈیشنل سیشن جج عامر ضیاء نے کیس کی سماعت کی۔
ٹک ٹاکر سامعہ حجاب عدالت میں پیش نہ ہوئیں اور نہ ہی ان کا وکیل پیش ہوا۔
سماعت کے دوران تفتیشی افسر عدالت کے روبرو پیش ہوئے اور عدالت کو بتایا کہ مدعیہ سامعہ حجاب ویڈیو لنک کے ذریعے پیش ہوجائیں گی۔
ایڈیشنل سیشن جج عامر ضیاء نے کہا کہ مدعیہ کا کوئی بھائی یا والد ہے تو عدالت میں آجائے، ورنہ تو مدعیہ کو خود آنا پڑے گا۔
ایڈیشنل سیشن جج نے مزید کہا کہ اگر سامعہ حجاب آج آسکتی ہیں تو ٹھیک ہے، نہیں تو اگلی کوئی تاریخ دے دیتے ہیں۔
عدالت نے مدعیہ سامعہ حجاب کے آنے تک سماعت میں وقفہ کر دیا۔
Post Views: 4
کرینہ کپور کے دلچسپ جواب پر مداحوں میں چہ میگوئیاں