بے دماغ خجلت ہوں رشک امتحاں تاکے
اشاعت کی تاریخ: 9th, February 2025 GMT
اس کی بہن جیسے ہی کالج سے گھر پہنچی گھر کے دروازے پر ہی اس کے گلے لگ گئی۔ اسے ایک دم پریشانی لاحق ہو گئی کہ آخر کیا ہوا ہے۔راستے میں تو کچھ نہیں ہوا لیکن بہن نے خود کو سنبھالتے ہوئے بتایا کہ آج چوتھے پیریڈ میں ان کے ایک کولیگ کو دوران لیکچر ہارٹ اٹیک ہوا اور موقع پر ہی ان کا انتقال ہو گیا۔ کالج میں ایمبولینس آئی اور ان کی ڈیڈ باڈی لیکر چلی گئی۔ پسماندگان میں ان کی بیوہ اور ایک بچی ہے، اللہ تعالیٰ غریقِ رحمت کریں آمین۔ وہ پہلے سے بیمار تھے یا یہ ورکنگ دباؤ یا تناؤ تھا، کچھ بھی تھا ایک چھ فٹ کا بندہ دیکھتے ہی دیکھتے دنیا سے چلا گیا۔ ایسی کئی خبریں ہم سنتے ہیں ، دوپہر کو جس ہمسائے سے سلام دعا لی شام تک انتقال کی خبر آ گئی اور ہم چند جملے بول کر اپنے فرض ادا کر دیتے ہیں۔ میری اپنی خالہ سے رات پونے بارہ بجے بات ہوئی تھی اور رات کے پونے تین بجے ان کے انتقال کی خبر آ گئی۔کسی نے خود کشی کر لی ،بعد میں پتہ چلتا ہے کہ وہ کسی دباؤ میں تھا اور دباؤ یا تناؤ زیادہ تر مالی یا قلبی ہوتا ہے جو بندے کو ذہنی طور پر اس حد تک ڈاؤن کر دیتا ہے کہ وہ لمحوں میں دنیا کی بے ثباتی سے اپنی جان چھڑوا لینے میں عافیت سمجھتا ہے۔ بقول مرزا غالب کے۔۔۔۔
بے دماغ خجلت ہوں رشک امتحاں تا کے
ایک بیکسی تجھ کو عالم آشنا پایا
عمر، تجربہ یا ملازمت کی نوعیت سے قطع نظر ہم سب اپنی ملازمت گاہوں / ورکنگ مقامات میں کام کے حوالے سے بھی اور بغیر کسی وجہ کے بھی دباؤ کا سامنا کرتے رہیں ہیں۔بعض اوقات یہ دباؤ ہماری حوصلہ افزائی کرتے ہوئے ہماری کارکردگی کو اور زیادہ بنا دیتا ہے اور بعض اوقات اسی دباؤ کے سبب ہماری ذہنی اور جسمانی صحت کو ناقابلِ بیان نقصانات کا سامنا کرنا پڑ جاتا ہے۔ کیونکہ بہت زیادہ دباؤ تناؤ کا باعث بن سکتا ہے اور ہماری خوشی اور زندگی کے معیار کو متاثر کر سکتا ہے۔ ماہرین کے مطابق کام پر تناؤ پر قابو پانے کے لیے آپ مختلف تکنیکیں آزما سکتے ہیں، لیکن اگر آپ کچھ عرصے سے اس کا سامنا کر رہے ہیں اور اس سے آپ کی روزمرہ کی زندگی متاثر ہو رہی ہے یا آپ کو پریشانی ہو رہی ہے، تو آپ کو مزید مدد حاصل کرنے پر غور کرنا چاہیے۔
نفسیاتی اور طبی ماہرین کے مطابق بہت زیادہ تناؤ ہماری صحت کے لیے نقصان دہ ہوتا ہے اور ذہنی صحت کے چیلنجوں کو بڑھا سکتا ہے۔ دماغی صحت کے چیلنجوں میں طبی دماغی بیماری کے ساتھ ساتھ دیگر جذبات جیسے تناؤ، غم، اداس اور پریشانی کا احساس بھی شامل ہو سکتا ہے اور ایک وقت ایسا بھی آتا ہے کہ کبھی کبھی یہ حالات قابل علاج بھی نہیں رہتے اور بندہ دیکھتے ہی دیکھتے گزر جاتا ہے۔ اگرچہ زندگی میں بہت سی چیزیں ہیں جو تناؤ کو جنم دیتی ہیں، کام ان عوامل میں سے ایک ہو سکتا ہے۔ تاہم، کام کی جگہیں وسائل، حل، اور ہماری ذہنی صحت اور تندرستی کو بہتر بنانے کے لیے ڈیزائن کی گئی سرگرمیوں کے لیے بھی کلیدی جگہ ہو سکتی ہیں۔
تاہم کام کی جگہ کا تناؤ یعنی Workplace Stress فرد کی دماغی صحت کو منفی طور پر متاثر کر سکتی ہے۔ دباؤ کی نوعیت دیکھیں تو ملازمت کی کارکردگی، پیداوری،کام کی مصروفیت کے سبب سوشل لائف کا ختم ہو جانا۔ جسمانی صلاحیت اور روزانہ کام کاج وغیرہ۔ نومبر دو ہزار سولہ سے لیکر فروری دو ہزار اٹھارہ تک میں ایک تعمیراتی فرم کے میڈیا سیل کے ساتھ کام کر رہی تھی اور مجھے جس جس ذہنی دباؤ اور تناؤ سے گزرنا پڑا اس نے میری جسمانی اور ذہنی صحت کو ناقابلِ تلافی نقصان پہنچایا کیونکہ آٹھ گھنٹے کی ملازمت بارہ گھنٹوں پر محیط ہو گئی تھی اور سوشل لائف مکمل طور پر ختم ہو گئی تھی۔ اندرونی سازشوں اور باسز کے رویوں سے تنگ آ کر ملازمت چھوڑنا پڑی، لیکن اس کے بعد خود کو اس سٹریس سے نکالنے میں کئی مہینے لگ گئی۔ لیکن اس سے میں نے بہت کچھ سیکھا۔
یاد رکھیں کہ زندگی کے تناؤ اور اضطراب کا انتظام کرنا مشکل ہو سکتا ہے لیکن ناممکن نہیں۔ یہاں وہ اصول شئیر کر رہی ہوں جو مجھے سمجھائے گئے جیسے بڑے کاموں کو چھوٹے، قابل انتظام حصوں میں تقسیم کریں، اور ایک وقت میں ایک کام پر توجہ دیں۔ اپنے دماغ اور جسم کو تروتازہ کرنے کے لیے دوران کام۔باقاعدگی سے مختصر وقفے لیں، پانی کا استعمال زیادہ کریں، منہ ہاتھ باقاعدگی سے دھوئیں۔ تناؤ اور اضطراب کو کم کرنے میں مدد کے لیے جسمانی سرگرمیاں، جیسے چہل قدمی، جاگنگ، یا یوگا میں مشغول ہوں۔ذہن سازی کی تکنیکوں پر عمل کریں، جیسے مراقبہ یا گہری سانس لینے، اپنے دماغ کو پرسکون کرنے میں مدد کریں۔اپنے ساتھیوں، دوستوں، یا دماغی صحت کے پیشہ ور سے اپنے تناؤ اور پریشانی کے بارے میں بات کریں۔
اس کے ساتھ ساتھ ٹائم مینجمنٹ کی حکمت عملی بھی اختیار کریں، اپنے کام کے بوجھ کو منظم کرنے میں مدد کے لیے قابل حصول اہداف اور ڈیڈ لائن قائم کریں۔ منظم رہیں اور کاموں، تقرریوں اور آخری تاریخوں پر نظر رکھیں۔ معیار اور کارکردگی کو یقینی بنانے کے لیے ایک وقت میں ایک کام پر توجہ دیں۔ اپنے کام کے بوجھ کا خیال رکھیں اور بہت زیادہ بوجھ اٹھانے سے گریز کریں۔
اچھی نیند لیں، صحت مند غذا کھائیں اور ایسی سرگرمیوں میں مشغول رہیں جو آپ کو خوشی اور راحت فراہم کریں۔ چھٹی کے دن اپنی سماجی زندگی کو انجوائے کریں۔ کسی معالج یا مشیر سے مدد لینے پر غور کریں جو ذاتی رہنمائی اور مدد فراہم کر سکے۔ بہت سی تنظیمیں EAPs پیش کرتی ہیں جو خفیہ مشاورتی خدمات اور تناؤ کو کم کرنے کے وسائل فراہم کرتی ہیں ، ان سے رابطے کریں۔اضافی تجاویز اور حکمت عملی تلاش کرنے کے لیے سٹریس کو کم کرنے والی آن لائن ایپس، مضامین اور ویب سائٹس کا استعمال کریں۔ یاد رکھیں، ورک پلیس سٹریس ایک جاری عمل ہے جس کے لیے صبر، خود کی دیکھ بھال اور دوسروں سے مدد کی ضرورت ہوتی ہے۔
.ذریعہ: Nai Baat
کلیدی لفظ: سکتا ہے ہے اور کے لیے صحت کے
پڑھیں:
راول ڈیم میں پانی کی سطح بلند،سپل ویز کل بروز بدھ صبح 8 بجے کھولے جائیں گے
راول ڈیم میں پانی کی سطح بلند،سپل ویز کل بروز بدھ صبح 8 بجے کھولے جائیں گے WhatsAppFacebookTwitter 0 16 September, 2025 سب نیوز
اسلام آباد (سب نیوز) وفاقی دارالحکومت کے راول ڈیم میں پانی کی سطح میں نمایاں اضافہ ریکارڈ،راول ڈیم میں پانی کی سطح 1752 فٹ تک پہنچ گئی۔
ضلعی انتظامیہ کے مطابق ڈیم کے سپل ویز کل بروز بدھ صبح 8 بجے کھولے جائیں گے، سپل ویز کھولنے کے عمل کی نگرانی اسسٹنٹ کمشنر نیلور کی جانب سے کی جائے گی ،ضلعی انتظامیہ کی جانب سے شہریوں کو نشیبی ایریاز اور ندی نالوں کے قریب نہ جانے کی ہدایت ، ترجمان کے مطابق تمام متعلقہ ادارے کسی بھی ہنگامی صورتحال سے نمٹنے کے لیے مکمل تیار ہیں، شہری ایمرجنسی کی صورت میں ضلعی کنٹرول روم سے فوری رابطہ کریں۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرانقلاب – مشن نور سی ڈی اے کے ممبر ایڈمن امریکہ چلے گے ، ممکنہ طور پر ممبر ایڈمن اور ممبر اسٹیٹ کون ہوسکتے ہیں ،تفصیلات سب نیوز... امریکا نے ایران پر مزید پابندیاں لگا دیں،افراد اور کمپنیوں کی فہرست جاری جعلی فٹبال ٹیم کے ذریعے انسانی اسمگلنگ، جاپان سے 22افراد ڈی پورٹ عمران خان کا ٹوئٹر اکاونٹ بھارت سے آپریٹ ہو رہا ہے، وزیر ریلوے حنیف عباسی کا دعوی ایمان مزاری نے جسٹس ثمن رفعت کو ہٹانے پر جسٹس ڈوگر کیخلاف سپریم جوڈیشل کونسل سے رجوع کرلیا جس کے ہاتھ میں موبائل ہے اس کے پاس اسرائیل کا ایک ٹکڑا ہے،نیتن یاہوCopyright © 2025, All Rights Reserved
رابطہ کریں ہماری ٹیم
قازقستان کے ساتھ براہ راست فضائی روابط سے کاروباری اور عوامی تعلقات کو فروغ ملے گا، صدر مملکت