زمینوں پر قبضے اور جائدادسے متعلق ہزاروں مقدمات زیر التوا ہیں‘ چیئرمین آباد
اشاعت کی تاریخ: 11th, February 2025 GMT
کراچی(اسٹاف رپورٹر)ایسوسی ایشن آف بلڈرز اینڈ ڈیولپرز(آباد) کے چیئرمین محمد حسن بخشی نے کہا ہے کہ زمینوں پر قبضوں اور جائداد سے متعلق اربوں روپے کے ہزاروں مقدمات ہائی کورٹ میں زیر التوا ہیں، اس مسئلے پر چیف جسٹس سندھ ہائی کورٹ کو مدعو کرنے کاارادہ رکھتے ہیں۔ مہمان خصوصی سندھ ہائی کورٹ بار ایسوسی ایشن کے صدر سرفراز علی میتلو نے کہا کہ جائیداد کے مقدمات کے جلد فیصلوں کے لیے سندھ ہائی کورٹ سے جائیداد کے تمام مقدمات مقامی عدالتوں میں منتقل کرائے ہیں۔ تفصیلات کے مطابق سندھ ہائی کورٹ بار ایسوسی ایشن کے وفد نے آبادہاؤس کا دورہ کیا ،وفد میں بار کے سابق صدر سلیم منگریو اوردیگر عہدیدارن شامل تھے۔ اس موقع پرآباد الائیڈ پینل کے سرپرست اعلیٰ محسن شیخانی، آباد کے سینئر وائس چیئرمین سید افضل حمید،وائس چیئرمین طارق عزیز، چیئرمین سدرن ریجن احمد اویس تھانوی،آباد کے سابق سینئر وائس چیئرمین اور آباد لیگل کمیٹی کے کنوینر ابراہیم حبیب اور آباد ممبران کی بڑی تعداد بھی موجود تھی۔ چیئرمین آباد نے مزید کہا کہ سندھ ہائی کورٹ میں سب سے زیاد جائیداد اور زمینوں پر قبضوں کے حوالے سے مقدمات دائر ہیں لیکن برسوں گزر جانے کے باوجود شنوائی نہیں ہوتی۔ حسن بخشی نے کہا کہ عدالتوں میں انصاف لینے جاتے ہیں لیکن حکم امتناع ہوجاتا ہے۔دوسری جانب وکیل بھی زمینوں کے کیسوں کی پیروی کے لیے بھاری بھرکم فیسوں کا مطالبہ کرتے ہیں۔اس موقع پر سرفراز علی میتلو نے کہا کہ سندھ ہائی کورٹ میں ججوں کے تعداد محدود ہونے کے باعث 25 سے 30 ہزار کیسز کی شنوائی ہائی کورٹ کے بس کی بات نہیں ہے،دوسری وجہ یہ بھی ہوسکتی ہے کے ججز غیر کاروباری ہوتے ہیں اس لیے کاروباری مقدمات التوا کاشکار ہوتے ہیں۔ چیف جسٹس سندھ ہائی کورٹ سے زمینوں کے زیر التوا کیسز کومقامی عدالتوں میں منتقل کرایا ہے۔ ان کا کہنا تھا کہ ماتحت عدالتوں میں مقدمات کی منتقلی کا مقصد جلد فیصلے حاصل کرنا ہے۔ سول جج اور ڈسٹرکٹ سیشن جج کی شنوائی سے کیس کا دورانیہ کم اور فیصلہ جلد ہوتا ہے۔ انھوں نے بتایا کہ چھوٹی عدالتوں میں جائداد کی کیسز ایک سال میں حل ہوسکتے ہیں مگر ہائی کورٹ میں کئی سال لگ جاتے ہیں۔ سرفراز علی متلو کا کہنا تھا کہ ہائی کورٹس میں ججز کی کارکردگی جانچنے کے لیے آئین میں کوئی قانون موجود نہیں ہے جبکہ ما تحت عدالتوں میں احتساب کا عمل ہوتا ہے۔ تقریب سے خطاب کرتے ہوئے پیٹرن ان چیف محسن شیخانی نے کہا کہ سندھ ہائی کورٹ سے جائداد اورزمینوں پر قبضوں کے مقدمات مقامی عدالتوں میں منتقل ہونا خوش آئند ہے مگر منتقلی فوری طور پرہونی چاہیے۔انھوں نے کہا کہ اینٹی کرپشن ڈپارٹمنٹ کی کارکردگی سے مایوس ہیں، جائدادسے متعلق شکایات کے باوجود اینٹی کرپشن کی جانب سے کوئی کارروائی نہیں ہورہی۔کچی آبادیوں کو باضابطہ سوسائٹی بنارہے ہیں۔ اس حوالے سے مئیر کراچی اور آباد کے درمیان اگلے ہفتے مفاہمتی یاداشت پر دستخط ہوں گے۔ ان کا کہنا تھا کہ عدالتوں میں سیاسی مقدمات کے علاوہ زمینوں پر تجاوزات کے کیسز کی سماعت نہیں ہورہی ہے۔معاشرے کی بہتری کے لیے مشترکہ کوششوں کی ضرورت ہے۔ قبل ازیں آباد کے سابق سینئر وائس چیئرمین ابراہیم نے تقریب سے خطاب کرتے ہوئے امید ظاہر کی کہ زمینوں پر قبضوں اور جائداد کے مقدمات کی سندھ ہائی کورٹ کی منتقلی کے مثبت نتائج برآمدہوں گے۔ انھوں نے وکلا رہنماؤں سے مقدمات کی منتقلی کے بارے میں رہنمائی کی اپیل کی۔ اس موقع پر ہائی کورٹ بار ایسوسی ایشن کے سابق صدر سلیم منگریو نے بھی خطاب کیا۔
.ذریعہ: Jasarat News
کلیدی لفظ: سندھ ہائی کورٹ ہائی کورٹ میں وائس چیئرمین عدالتوں میں ایسوسی ایشن چیئرمین ا ا باد کے کے سابق
پڑھیں:
اسلام آباد ہائی کورٹ کا سی ڈی اے کو (ایچ-16 )ایوارڈ پر کام سے روکنے کا حکم
اسلام آباد ہائی کورٹ کا سی ڈی اے کو (ایچ-16 )ایوارڈ پر کام سے روکنے کا حکم WhatsAppFacebookTwitter 0 16 September, 2025 سب نیوز
اسلام آباد (سب نیوز)اسلام آباد ہائی کورٹ نے سی ڈی اے کو (ایچ سولہ )میں حالیہ کیے گئے ایوارڈ پر کام کرنے سے روک دیا ،
متاثرین ایچ سولہ کا مطالبہ ہے کہ 2025 کے سروے کے مطابق حق دیا جائے ۔
تفصیلات کے مطابق درخواست گزاروں کی طرف سے سید شجر عباس ہمدانی ایڈووکیٹ پیش ہوئے ،
رٹ پٹیشن کے ذریعے، درخواست گزار نے مؤقف اختیار کیا کہ سی ڈی اے کو ہدایت کی جائے کہ وہ فوری طور پر سیکٹر H-16 کے لیے 2025 میں کیے گئے سروے کے مطابق بلٹ اپ پراپرٹی ایوارڈ کا اعلان کرے اور اس پر عمل درآمد کرے۔
درخواست گزار نے موقف اپنایا کہ ، 2025 میں کیے گئے سروے کی بنیاد پر، رہائشی پلاٹوں کی صورت میں 5 مرلہ کی شرح سے معاوضہ اور 300 مربع فٹ کے ڈھانچے کے ساتھ ادائیگی کی جائے ۔ 2 درخواست گزار کے وکیل نے استدلال کیا کہ سی ڈی اے نے 2025 کے تفصیلی سروے اور تازہ ترین تصویروں کو استعمال کرنے کے بجائے موضع شیخ پور اور نون کے بی یو پی ایوارڈ کے لیے 2009 سے پرانی گوگل تصویروں پر انحصار کیا ہے ۔جوکہ غلط ہے ۔
یہ ایکٹ سی ڈی اے آرڈیننس، 1960، اور ترمیمی آرڈیننس، 2025 کی خلاف ورزی کرتا ہے۔
متاثرین ایچ سولہ نے موقف اپنایا کہ 470 سے زائد متاثرین کو حق دینے کی بجائے صرف 39 لوگوں کو ایوارڈ میں شامل کرنا سراسر زیادتی ہے ،سی ڈی اے کو نوٹس جاری کیا گیا کہ وہ پندرہ دن کے اندر اپنے جواب داخل کریں۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبروزیراعظم شہباز شریف کی امیر قطر سے ملاقات، قریبی روابط برقرار رکھنے پر اتفاق وزیراعظم شہباز شریف کی امیر قطر سے ملاقات، قریبی روابط برقرار رکھنے پر اتفاق دوحہ پر حملے سے 50 منٹ پہلے صدر ٹرمپ کو خبر تھی، امریکی میڈیا کا دھماکہ خیز انکشاف قطر اور دیگر ممالک کی پالیسیوں نے اسرائیل کو عالمی طور پر تنہا کردیا، نیتن یاہو کا اعتراف دولت مشترکہ کا پاکستان میں 2024کے عام انتخابات پر حتمی رپورٹ سے متعلق بیان متنازع ٹوئٹ کیس، عدالت نے ایمان مزاری اور ان کے شوہر کو طلب کرلیا وزیراعظم کی لینڈ مافیا کیخلاف فیصلہ کن کارروائی، اوورسیز کی شکایات کے ازالے کیلئے 7رکنی جوائنٹ ایکشن کمیٹی تشکیل ، نوٹیفکشن سب نیوز پرCopyright © 2025, All Rights Reserved
رابطہ کریں ہماری ٹیم
نیپال میں ’جنریشن زی‘ سڑکوں پر کیوں نکلی؟