پرنس کریم آغا خان کی تدفین مصر میں کیوں کی گئی؟
اشاعت کی تاریخ: 12th, February 2025 GMT
اسماعیلی فرقے کے 49 ویں روحانی پیشوا شہزادہ شاہ کریم الحسنی کی آخری رسومات کی ادائیگی کے بعد، انہیں اسوان، مصر میں سپرد خاک کر دیا گیا۔ یاد رہے کہ یہاں فاطمی دور میں اسماعیلیوں کی حکومت تھی۔
اسماعیلی دیوان امامت کی جانب سے جاری اعلامیہ کے مطابق شاہ کریم کی آخری رسومات پرتگال کے دارالحکومت لزبن میں ادا کی گئی جس میں پوری دنیا سے اہم شخصیات اور سربراہان مملکت نے شرکت کی۔
یہ بھی پڑھیےاسماعیلی کمیونٹی کے روحانی پیشوا پرنس کریم آغا خان انتقال کرگئے
اعلامیہ کے مطابق روحانی پیشوا کی ہدایت کے مطابق خاندان کے افراد جماعتی عہدیداران کی موجودگی میں ان کی وصیت کو کھولا گیا جس میں انہوں نے اپنے جانشین اور اسماعیلی فرقہ کے 50 ویں روحانی پیشوا کی نامزدگی کی تھی۔
مصر میں اسوان میں تدفین کیوں؟اسماعیلی فرقے کے روحانی پیشوا کافی عرصہ پہلے لزبن منتقل ہوئے تھے، انہوں نے زندگی کے آخری ایام وہاں گزارے۔ انتقال کے بعد ان کی آخری رسومات کی ادائیگی لزبن میں ہی ہوئی۔ جس کے بعد انہیں سپرد خاک کے لیے اسوان مصر منتقل کیا گیا جہاں آغا خان خاندان کا محل اور قبرستان واقع ہے۔
اسماعیلی اعلامیہ کے مطابق شاہ کریم الحسنی کی نماز جنازہ اسوان میں واقع خاندانی محل میں ادا کی گئی جس کے بعد ان کو تاریخی دریا نیل کے کنارے ان کے دادا اور 48 ویں روحانی پیشوا سر سلطان محمد شاہ آغا خان کے پہلو میں دفن کیا گیا۔
یہ بھی پڑھیےپرنس کریم آغا خان کے انتقال کے بعد پرنس رحیم الحسینی جانشین نامزد
اسماعیلی عقیدے سے تعلق رکھنے والے افراد کے مطابق روحانی پیشوا کی وصیت کے مطابق انہیں دریائے نیل کے کنارے سپرد خاک کیا گیا جو اسماعیلی تاریخ اور اسلامی نقط نظر سے اہمیت رکھتا ہے۔ اسماعیلی تاریخی کے مطابق اسماعیلی فرقہ کے روحانی پیشواؤں نے ان علاقوں پر حکومت کی ہے۔ اور ان کے محلات اور جائیدادیں اب بھی وہاں موجود ہیں۔
نئے روحانی پیشوا کی تاج پوشیشاہ کریم الحسنی کی وفات کے بعد ان کا بڑا بیٹا جانشین بن گیا ہے جسے انہوں نے خود اپنی وصیت میں نامزد کیا تھا جس کی آج لزبن میں باقاعدہ طور پر تاج پوشی ہوئی۔ تاج پوشی کی تقریب اسماعیلی سنٹر لزبن میں ہوئی جس میں خاندان کے افراد، اہم شخصیات نے شرکت کی۔
تاج پوشی کی اس تقریب کو دنیا بھر میں اسماعیلی عقیدے کے افراد نے براہ راست دیکھا جس کے لیے جماعت خانوں میں خصوصی انتظامات کیے گئے تھے۔ تقریب میں نئے روحانی پیشوا شاہ رحیم الحسنی کو امامت کا تاج پہنایا گیا۔ یوں انہوں نے باقاعدہ طور پر والد کے جانشینی سنبھال لی۔
اسماعیلی فرقے میں روحانی پیشوا کا انتخاب کیسے ہوتا ہے؟اسماعیلی فرقہ کے مطابق ان کی امامت کا شجرہ نسب آخری نبی سے ملتا ہے۔ فرقہ اپنے روحانی پیشوا کی پیروی کرتا ہے اور اس کے فرمان کو حرفِ آخر سمجھتا ہے۔
اسماعیلی روحانی پیشوا کا انتخاب روایت کے مطابق ہوتا ہے۔ ابتدا ہی سے یہ سلسلہ جاری ہے۔ انتقال کرنے والے 49 ویں روحانی پیشوا شاہ کریم الحسنی آغا خان چہارم کو ان کے دادا سر سلطان محمد شاہ آغا خان سوم نے جانشین مقرر کیا تھا۔ ان کا انتخاب روایت کے برعکس ہوا تھا کیونکہ دادا نے وصیت میں بیٹے کی جگہ پوتے کا انتخاب کیا تھا۔ یوں شاہ کریم نے 20 سال کی عمر میں 1957 میں بطور روحانی پیشوا کرسی سنبھال لی تھی۔
آغا خان چہارم کے انتقال کے بعد اسماعیلی فرقہ کے 50 ویں روحانی پیشوا کا اعلان کیا گیا جسے مرحوم نے اپنی زندگی ہی میں نامزد کیا تھا اور اپنی وصیت میں اس کا ذکر کیا تھا۔ یہ روحانی پیشوا کے بڑے بیٹے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسماعیلی فرقہ پرنس رحیم الحسنی پرنس کریم آغا خان.ذریعہ: WE News
کلیدی لفظ: اسماعیلی فرقہ پرنس رحیم الحسنی ویں روحانی پیشوا اسماعیلی فرقہ کے روحانی پیشوا کی شاہ کریم الحسنی روحانی پیشوا کا کا انتخاب کے بعد ان تاج پوشی کے مطابق انہوں نے کیا تھا کیا گیا
پڑھیں:
’پیٹرول کے پیسے نہیں تھے کیا؟‘، فلم لو گرو کے سین پر لوگوں نے یہ تبصرے کیوں کیے؟
کیا آپ کو فلمیں دیکھتے ہوئے کبھی خیال آیا ہے کہ فلموں میں نظر آںے والے خطرناک ایکشن سین اور چلتی گاڑی میں رومانوی سین اتنے آرام سے کیسے فلمائے جاتے ہیں؟
فلموں میں نظر آنے والے سین ایسے دکھائے جاتے ہیں جیسے وہ اصلی ہیں لیکن ایسا نہیں ہے کیونکہ ناظرین کو جو دکھایا جاتا ہے سب ویسا نہیں ہوتا اس کے لیے مختلف تکنیکیں استعمال کی جاتی ہیں۔ جیسے کبھی سبز رنگ کے کپڑے کے سامنے اداکاری کی جاتی ہے اور بعد میں کمپیوٹر کے ذریعے اس پردے کو ہٹا کر اس کی جگہ کوئی بھی منظر جیسے خلا، پہاڑ، یا جنگ کا میدان وغیرہ لگا دیا جاتا ہے تو کبھی گاڑی کو سڑک پر چلتا ہوا دکھانے کے لیے مختلف تکنیکوں کا استعمال ہوتا ہے۔
یہ بھی پڑھیں: سنگھم اگین میں اجے دیوگن اور جیکی شروف کا فائٹ سین وائرل، ’یہ فلم کم اور ویڈیو گیم زیادہ لگ رہی ہے‘
آپ نے اکثر دیکھا ہو گا فلموں میں گاڑی کے اندرونی شاٹ بہت صاف اور کنٹرولڈ لگتے ہیں کیونکہ وہ گرین اسکرین یا ٹرک رِگ پر شوٹ کیے جاتے ہیں نہ کہ اصلی سڑک پر۔ ایسا ہی ایک سین ماہرہ خان اور ہمایوں سعید کی فلم ’لو گرو‘ کا سوشل میڈیا پر وائرل ہو رہا ہے جس میں دکھایا گیا ہے کہ کیسے رکی ہوئی کار کو چلتی ہوئی کار دکھایا جاتا ہے۔
وائرل ویڈیو میں دیکھا جا سکتا ہے کہ فلیٹ ٹرک پر کار رکھی گئی ہے جو زمین سے تھوڑی اوپر ہے اور ٹرک آہستہ حرکت کر رہا ہے لیکن کیمرہ ایسے ہلایا جا رہا ہے کہ ایسے لگے جیسے کار سڑک پر چل رہی ہے۔
شوٹنگ کی ویڈیو سوشل میڈیا پر وائرل ہوئی تو صارفین اس پر مختلف تبصرے کرتے نظر آئے۔ محمد جمیل نے لکھا کہ کیا فائدہ جب اتنی اچھی جگہ پر آپ خود گاڑی بھی نہیں چلا سکتے۔ آر جے ارجن نے کہا کہ کیا آپ کے پاس گاڑی میں پیٹرول ڈلوانے کے پیسے نہیں تھے؟
ایک صارف کا کہنا تھا کہ ماہرہ خان اور ہمایوں سعید نے بالی ووڈ فلم ’دل والے دلہنیا لے جائیں گے‘ کا سین ہو بہو بقل کیا ہے جبکہ ایک صارف کا کہنا تھا کہ انہیں ہمیشہ لگتا تھا کہ اداکار خود گاڑی چلاتے ہیں لیکن ایسا نہیں ہے۔
اریبہ خان نے مزاحیہ انداز میں تبصرہ کیا کہ پیٹرول کے پیسے نہیں تھے کیا؟ ایک اور صارف ے کہا کہ یہ جھوٹ پر مبنی زندگی ہے۔
واضح رہے کہ رومانوی کامیڈی فلم ’لو گرو‘ کے ہدایت کار ندیم بیگ ہیں، اس کی کہانی وصی چوہدری نے لکھی ہے اور ہمایوں سعید نے اسے پروڈیوس کیا ہے۔ فلم کی شوٹنگ لندن اور پاکستان کے مختلف مقامات پر کی گئی ہے۔
فلم میں ماہرہ خان اور ہمایوں سعید تقریباً ایک دہائی بعد بڑے پردے پر ایک ساتھ دکھائی دیے۔ جہاں ماہرہ خان کو ایک خوبصورت اور بولڈ لڑکی کے روپ میں دکھایا گیا ہے جبکہ ہمایوں سعید مختلف لڑکیوں کو اپنے عشق کے جال میں پھنساتے نظر آتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
لو گرو ماہرہ خان ہمایوں سعید
بلاول بھٹو کابھارت میں طیارہ حادثے پر اظہار افسوس