پاکستان کشمیرکی آزادی کے لیے ہر فورم پر بھر پور انداز میں لڑ رہا ہے،فیصل کریم کنڈی
اشاعت کی تاریخ: 18th, June 2025 GMT
باغ(اُردو پوائنٹ اخبارتازہ ترین - این این آئی۔ 18 جون2025ء)گورنر خیبر پختوانخواہ فیصل کریم کنڈی نے کہا ہے کہ پاکستان کشمیرکی آزادی کے لیے ہر فورم پر بھر پور انداز میں لڑ رہا ہے، پاکستان کا دفاع نا قابل تسخیر ہے ہندوستان کو پاک فوج نے عبرت ناک شکست دی پوری دنیا کو پاک فوج باور کروا چکی ہے کہ پاکستان کی سالمیت پر حملہ کرنے والوں سے کسی قسم کا سمجھوتہ نہیں کیا جاتا، چیئرمین پیپلز پارٹی بلاول بھٹو زرداری نے کشمیر کا مقدمہ عالمی دنیا کے سامنے بھر پور انداز میں رکھا دنیا اس وقت یہ بات سمجھ چکی ہے کہ ہندوستان مقبوضہ وادی پر جابرانہ قبضہ جمائے بیٹھا ہے مقبوضہ وادی کے مسلمانوں کو انکا بنیادی حق حق خودارادیت دینا ہی جنوبی ایشیا میں امن کی ضمانت ہے، اسرائیل کیطرف سے ایران پر حملے کی شدید مذمت کرتے ہیں فلسطین کے مسلمانوں پر اسرائیل کا ظلم و جبر عالمی دنیا کے لیے لمحہ فکریہ ہے دنیا اسرائیل کی دہشت گردی کا نوٹس لے، ان خیالات کا اظہار انہوں نے دورہ باغ کے دوران وزیر حکومت سردار ضیا القمر کیطرف سے دیئے گئے عشائیہ کے بعد میڈیا سے بات چیت کرتے ہوئے کیا۔
(جاری ہے)
اس موقع پر وزیر انفارمیشن ٹیکنالوجی آزاد کشمیر سردار ضیا القمر کے علاوہ سیاسی کارکنان کی کثیر تعداد موجود تھی۔ قبل ازیں گورنر کے پی کے فیصل کریم کنڈی سابق مشیر حکومت راجہ مبشر اعجاز کی رہائش گاہ پر پہنچے جہاں پر سیاسی کارکنان سے خطاب بھی کیا۔ فیصل کریم کنڈی نے مزید کہا کہ وزیر خارجہ پاکستان بلاول بھٹو زرداری نے کشمیر کا مقدمہ عالمی دنیا کے سامنے بھر پور انداز میں رکھا ہے پوری پاکستانی قوم کشمیریوں کیساتھ کھڑی ہے اور آزادی کی جد و جہد میں ملکر لڑ رہے ہیں ہندوستان نے پاکستان پر جارحیت کی جس کا جواب اسے ایسا دیا گیا کہ دنیا حیران رہ گئی مستقبل میں بھی اگر بھارت نے اپنی روش نہ بدلی اور پاکستان کے خلاف کسی محاذ پر بھی جارحیت کا سوچا تو اسے منہ توڑ جواب دیا جائے گا، انہوں نے کہا کہ ایران پر اسرائیل کا حملہ عالمی قوانین کی خلاف ورزی ہے دنیا اسرائیل کو اس بات کا پابند کرے کہ وہ عالمی قوانین کی پاسداری کرے ایران ایک پر امن ملک ہے، فلسطین پر اسرائیل کی جارحیت سے لاکھوں جانیں قربان ہو چکی ہیں فلسطینیوں کی نسل کشی کی جا رہی ہے جو عالمی دنیا اور انسانی حقوق کے ٹھیکیداروں کے لیے لمحہ فکریہ ہے۔ انہوں نے کہا کہ آزاد کشمیر کی عوام نے حالیہ بھارتی جارحیت میں جسطرح پاک فوج کیساتھ ملکر جنگ لڑی اس پر انہیں مبارکباد پیش کرتا ہوں اور یقین دلاتا ہوں کہ پاکستان ہمیشہ کشمیریوں کیساتھ کھڑا رہے گا۔.
ذریعہ
ذریعہ: UrduPoint
کلیدی لفظ: تلاش کیجئے بھر پور انداز میں فیصل کریم کنڈی عالمی دنیا کے لیے
پڑھیں:
وزیر ریلوے کی اطالوی قومی دن کے موقع پر اٹلی کی حکومت اور عوام کو مبارکباد
اسلام آباد(اُردو پوائنٹ اخبارتازہ ترین - این این آئی۔ 02 جون2026ء) وزیر ریلوے محمد حنیف عباسی نے اطالوی قومی دن کے موقع پر اٹلی کی حکومت اور عوام کو مبارکباد پیش کرتے ہوئے کہا ہے کہ پاکستان اور اٹلی کے درمیان دیرینہ دوستانہ تعلقات باہمی احترام، اعتماد اور تعاون پر مبنی ہیں۔منگل کو اپنے بیان میں انہوں نے کہا کہ اٹلی پاکستان کا ایک اہم یورپی شراکت دار ہے اور دونوں ممالک کے تعلقات وقت کے ساتھ مزید مستحکم ہوئے ہیں۔ وزیر ریلوے نے کہا کہ پاکستان اٹلی کے ساتھ تجارت، سرمایہ کاری، تعلیم اور ثقافتی روابط کے فروغ کو خصوصی اہمیت دیتا ہے۔انہوں نے کہا کہ اطالوی قومی دن دونوں ممالک کے درمیان دوستی اور تعاون کے مزید فروغ کے عزم کی تجدید کا موقع فراہم کرتا ہے۔ انہوں نے اٹلی میں مقیم پاکستانی برادری کے کردار کو سراہتے ہوئے کہا کہ یہ برادری دونوں ممالک کے درمیان تعلقات کو مضبوط بنانے میں اہم کردار ادا کر رہی ہے۔(جاری ہے)
وزیر ریلوے نے کہا کہ پاکستان اٹلی کے ساتھ اقتصادی، تجارتی اور عوامی سطح کے روابط کو مزید وسعت دینے کا خواہاں ہے ،دونوں ممالک کے درمیان مختلف شعبوں میں تعاون کے وسیع امکانات موجود ہیں جو مشترکہ ترقی اور خوشحالی کا ذریعہ بن سکتے ہیں۔انہوں نے کہا کہ پاکستان اور اٹلی کے مضبوط تعلقات باہمی مفادات کے تحفظ اور بین الاقوامی تعاون کے فروغ میں اہم کردار ادا کر رہے ہیں اور یہ دیرینہ دوستی مستقبل میں مزید مضبوط اور نتیجہ خیز شراکت داری میں تبدیل ہوگی۔ انہوں نے اطالوی قومی دن پر پاکستان اور اٹلی کے عوام کے لیے امن، ترقی اور خوشحالی کی نیک تمناں کا اظہار کیا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ