گلشن ٹاؤن میں شب برأت کے انتظامات مکمل
اشاعت کی تاریخ: 13th, February 2025 GMT
گلشن ٹاؤن کے تحت شب برأت کی تیاریوں کے سلسلے میں قبرستان میں صفائی ستھرائی کے انتظامات کیے جارہے ہیں
کراچی (اسٹاف رپورٹر)چیئرمین گلشن ٹاؤن ڈاکٹر فواد احمدکی ہدایت پر گلشن ٹاؤن میں شب برات کے حوالے سے انتظامات مکمل کرلیے گئے، گلشن ٹاؤ ن کی حدود میں آنے والے قبرستانوں باالخصوص عیسیٰ نگری، لیمو گوٹھ ڈالمیا اور ختم نبوت قبرستان میں شب برات کی مناسبت سے جراثیم کش ادویات کا اسپرے، جھاڑیوں کی کٹائی،صفائی و ستھرائی، روشنی و دیگر بلدیاتی انتظامات کو حتمی شکل دے دی گئی ہے جبکہ بلدیاتی خدمات کی مسلسل فراہمی کیلئے اقدامات جاری ہیں۔ چیئرمین ڈاکٹر فواد احمد نے اس موقع پر کہا کہ شب برات کے موقع پر قبرستان آنے والے شہریوں کیلئے استقبالیہ کیمپ بھی لگایا جائے گا جہا ں پانی و دیگر سہولیات میسر ہوں گی، انہوں نے مزید کہا کہ بہتری کی گنجائش کو سامنے رکھتے ہوئے انتظامات کا سلسلہ جاری ہے.
ذریعہ: Jasarat News
کلیدی لفظ: گلشن ٹاو ن
پڑھیں:
ڈمپر ڈرائیوز کی سنگدلی، ریس لگاتے ہوئے ایک کار کو کچل دیا، کار سوار خاندان شدید زخمی
کراچی:گلشن معمار میں ڈمپرز کی ٹکر سے کار سوار خاندان کے زخمی ہونے کے واقعے کی وجوہات سامنے آگئی ہیں اور رپورٹ میں انکشاف ہوا ہے کہ دو ڈمپرز آپس میں لگا رہے تھے اور اسی اثنا میں دونوں ڈمپرز نے کار کو ٹکر ماری۔
کراچی پولیس حکام نے بتایا کہ دو روز قبل کراچی ٹول پلازہ سے نادرن بائی پاس پر دو ڈمپر ریس لگاتے ہوئے آئے اور گلشن معمار ایم ڈی کٹ کے قریب ریس لگاتے ڈمپروں نے کار سوار فیملی کو ٹکر مار دی۔
پولیس نے بتایا کہ فارم ہاؤس میں پکنک منانے کے بعد واپسی پر فیملی کی کار کو پہلے ایک ڈمپر نے ٹکر ماری اور پھر دوسرے ڈمپر نے گاڑی ٹکر ماری۔
گلشن معمار پولیس نے حادثے کے زخمی رانا جنید کی مدعیت میں مقدمہ درج کرلیا، پولیس نے حادثے کے ذمہ دار دونوں ڈرائیوروں کو گرفتار کر کے ڈمپروں کو تحویل میں لے لیا ہے۔
ایف آئی آر کے متن میں کہا گیا ہے کہ حادثے کے فوری بعد کار میں سوار زخمیوں کو موقع پر موجود لوگوں نے بمشکل گاڑی سے نکالا اور عباسی شہید اسپتال منتقل کیا۔
پولیس نے کہا کہ خوفناک حادثے میں بچے سمیت چار افراد زخمی ہوئے تھے اور اس خوف ناک حادثے میں گاڑی مکمل طور پر تباہ ہو گئی تھی۔
افغانستان کے وفد کی وزیر مملکت برائے داخلہ سے ملاقات، افغان مہاجرین کی واپسی پر گفتگو