صوابی میں مکان سے باپ اور اس کے 4 بچوں لاشیں برآمد
اشاعت کی تاریخ: 13th, February 2025 GMT
خیبر پختونخوا کے ضلع صوابی میں ایک گھر سے 4 بچوں اور ان کے والد کی لاشیں برآمد ہوئی ہیں، جن کے بارے میں ابتدائی طور پر اس خیال کو تقویت ملتی ہے کہ باپ نے مبینہ طور پر بچوں کو قتل کرنے کے بعد خودکشی کر لی ہے۔
پولیس اور ریسکیو نے واقعے کی تصدیق کرتے ہوئے بتایا کہ افسوسناک واقعہ صوابی میں یارحسین نامی علاقے میں پیش آیا ہے۔ جس کی تحقیقات پولیس حکام نے شروع کر دی ہے۔
یہ بھی پڑھیں:
ریسکیو کنٹرول آفس کو واقعے کی اطلاع ملنے پر ٹیم مذکورہ مکان پہنچ گئی، جہاں ریسکیو ٹیم نے 4 بچوں سمیت کی ایک شخص کی لاش برآمد کی، نعشوں کو فوری طور پر اسپتال منتقل کردیا گیا۔
ریسکیو ترجمان نے بتایا کہ والد کے ہمراہ دریافت ہونیوالی لاشوں میں 2 لڑکیاں اور 2 لڑکے شامل ہیں، انہوں نے بتایا کہ بچوں کو تیز دار آلے سے گلا کاٹ کر قتل کیا گیا، مقتول بچوں کی عمریں 2 سے 12 سال کے درمیان ہیں۔
مزید پڑھیں:
واقعے کے بعد یار حسین پولیس کی ٹیم پر بھی موقع پر پہنچ گئی اور تفتیش شروع کر دی ہے، پولیس کے مطابق ابتدائی شواہد کی بنیاد پر لگتا ہے کہ باپ نے بچوں کو گلا کاٹ کر قتل کرنے کے بعد خودکشی کرلی ہے۔
تاہم پولیس ابھی تک کسی حتمی نتیجے تک نہیں پہنچی ہے، پولیس نے بتایا کہ ہو سکتا ہے کہ قتل کے افسوناک واقعے میں کوئی اور ملوث ہو اور باپ کو بھی قتل کرکے خودکشی کا رنگ دینے کی کوشش کی گئی ہو۔
مزید پڑھیں:
پولیس نے بتایا کہ ابتدائی حالات سے واقعہ گھریلو ناچاقی کا لگ رہا ہے تاہم مزید تفتیش جاری ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پولیس ریسکیو 1122 ریسکیو ترجمان صوابی قتل گھریلو ناچاقی یار حسین.ذریعہ: WE News
کلیدی لفظ: پولیس ریسکیو 1122 ریسکیو ترجمان صوابی قتل گھریلو ناچاقی یار حسین نے بتایا کہ
پڑھیں:
راولپنڈی میں دہرے قتل کی لرزہ خیز واردات، باپ بیٹے کو فائرنگ کرکے قتل کردیا گیا
راولپنڈی:تھانہ دھمیال کے علاقے گرجا روڈ میں دہرے قتل کی لرزہ خیز واردات کی گئی جہاں باپ بیٹے کو بے دردی سے فائرنگ کرکے قتل کردیا گیا۔
راولپنڈی پولیس کے مطابق فائرنگ اور دہرے قتل کا واقعہ گرجا روڈ بسم اللّٰہ آباد کے علاقے میں پیش آیا اور مقتولین کی شناخت 54 سالہ میر افضل اور16 سالہ جانباز کے نام سے ہوئی ہے۔
پولیس نے بتایا کہ نامعلوم ملزمان نے گھر میں گھس کر فائرنگ کی اورفرارہوگئے، مقتول امیر افضل کے بڑے بیٹے نے پسند کی شادی کر رکھی تھی، جو الگ رہتا ہے، پولیس اور فرانزک ٹیموں نے جائے وقوع سے شواہد اکٹھے کرکے لاشیں پوسٹمارٹم کے لیے اسپتال منتقل کردیں۔
پولیس حکام کا کہنا تھا کہ نامعلوم ملزمان گھر میں مقتولین سے مل کر بات چیت بھی کرتے رہے، جس کے دوران انہوں نے فائرنگ کی اور فرار ہوگئے۔
سی پی او راولپنڈی سید خالد ہمدانی نے واردات کا نوٹس لیا اور ایس پی صدر سے واقعے کی رپورٹ طلب رکلی اور ملزمان کی فوری گرفتاری کا حکم دیا۔
پولیس نے بتایا کہ ایس پی صدر محمد نبیل کھوکھر پولیس نفری کے ہمراہ موقع پر پہنچے اور تحقیقات کی نگرانی کی۔
ایس پی صدر کا کہنا تھا کہ موقع سے شواہد اکٹھے کیے جا رہے ہیں، واقعے کی تمام زاویوں پر تحقیقات کی جارہی ہیں اور ملزمان کو گرفتار کر کے قانون کے کٹہرے میں لایا جائے گا۔
یرغمالیوں کی رہائی اور غزہ جنگ بندی کے لیے حالات سازگار ہیں: اسرائیلی آرمی چیف