مانچسٹر، 2 بھائیوں کا دوسری پیشی پر بھی پولیس پر حملے کا الزام قبول کرنے سے انکار
اشاعت کی تاریخ: 14th, February 2025 GMT
مانچسٹر ہوائی اڈے پر پولیس افسران کے تشدد کے بعد منظر عام پر آنیوالی ویڈیو سے مقبولیت حاصل کرنیوالے دو بھائیوں نے عدالت میں اپنی دوسری پیشی کے دوران بھی پولیس افسران پر حملے کا الزام قبول کرنے سے انکار کیا ہے۔
بیس سالہ نوجوان محمد فہیز عماز اور پچیس سالہ محمد عماد پر 23 جولائی 2024 کو ہوائی اڈے پر پولیس افسران پر حملے کا الزام ہے۔
دونوں بھائی اسی الزام کے تحت لیورپول کراؤن کورٹ میں پیش ہوئے‘ راچڈیل گریٹر مانچسٹر کے 20 سالہ محمد فہیز عماز پر الزام ہے کہ اس نے پی سی زچری مارسڈن اور پی سی لیڈیا وارڈ پر حملہ کیا جس سے انہیں حقیقی جسمانی نقصان پہنچا اس پر ٹرمینل کے کار پارک پے اسٹیشن پر اسی واقعے میں پی سی ایلی کک پر حملہ کرنے کا بھی الزام ہے۔
عماز پر عوام کے ایک رکن عبدالکریم اسماعیل کے حملے کا مزید الزام بھی ہے جس کے بارے میں کہا جاتا ہے کہ یہ اس سے قبل قریبی اسٹار بکس کیفے میں ہوا تھا۔
دونوں بھائیوں کیخلاف تین ہفتوں تک جاری رہنے والے مقدمہ کی سماعت 30 جون کو مقرر کی گئی ہے۔
یہ امر قابل ذکر ہے کہ گزشتہ سال مانچسٹر ایئرپورٹ پر سامنے آنیوالی فوٹیج میں دکھایا گیا جس میں دونوں بھائیوں پر تشدد کیا گیا جبکہ پولیس نے الزام عائد کیا کہ ملزمان نے سرکاری اہلکاروں پر حملہ کیا اس فوٹیج کے بعد پورے ملک میں احتجاجی لہر نے جنم لیا ایشیائی کیمونٹی نے مختلف علاقوں میں احتجاج ریکارڈ کرایا۔
.ذریعہ: Daily Mumtaz
کلیدی لفظ: حملے کا
پڑھیں:
لاہور: جنسی تعلقات سے انکار پر خاتون کو قتل کرنے والا ملزم گرفتار
لاہور:جنسی تعلقات سے انکار پر خاتون کو تشدد کرکے قتل کرنے والے ملزم کو پولیس نے گرفتار کرلیا۔
ملزم میر باز خان عرف فیصل نے دو روز قبل 40 سالہ کوثر نامی خاتون پر تشدد کیا تھا جس کے باعث وہ اسپتال میں دوران علاج دم توڑ گئی تھی۔
ڈی آئی جی آپریشنز فیصل کامران نے ملزم کی فوری گرفتاری کا حکم دیا تھا جس کے بعد شاہدرہ چوکی یوسف شہید بیگم کوٹ پولیس نے بروقت کارروائی کرکے ملزم کو چوبیس گھنٹوں کے اندر گرفتار کرلیا۔
انچارج چوکی یوسف شہید بیگم کوٹ محمد رضوان کے مطابق ملزم نے خاتون کو جنسی تعلقات استوار نہ کرنے کی پاداش میں تشدد کا نشانہ بنایا، ملزم کو مزید پوچھ گچھ کے لیے تفتیشی حکام کے حوالے کر دیا گیا ہے۔
ایس پی سٹی غلام دستگیر نے ملزم کی فوری گرفتاری پر انچارج چوکی بیگم کوٹ رضوان اور ٹیم کو شاباش دی، انکا کہنا تھا کہ خواتین پر تشدد اور سنگین وارداتوں میں ملوث ملزمان کی گرفتاری کو یقینی بنایا جا رہا ہے۔
راولپنڈی میں استاد کا طالبعلم پر تشدد، کتاب نہ لانے پر بازو توڑ دیا