بنگلادیش کی امن مشقوں میں شرکت سے بھارت پریشان
اشاعت کی تاریخ: 16th, February 2025 GMT
کراچی: پاکستان میں حال ہی میں ہونے والی امن مشقوں میں بنگلادیش کی شرکت نے بھارت کو پریشانی میں مبتلا کر دیا ہے، ان مشقوں میں مختلف ممالک کی بحریہ نے حصہ لیا، مگر بنگلادیشی بحریہ کی شمولیت خاص طور پر توجہ کا مرکز بن گئی۔
میڈیا رپورٹس کےمطابق بنگلادیشی بحریہ کا جہاز “سامودرا جوئے” چٹاگانگ سے کراچی پہنچا تاکہ ان مشقوں میں حصہ لے سکے، اس جہاز پر 33 افسران سمیت 274 افراد کا عملہ موجود تھا، پاکستان میں قیام کے دوران پاک بحریہ کے سربراہ ایڈمرل نوید اشرف نے جہاز کا دورہ کیا اور بنگلادیشی عملے سے ملاقات کی۔
بنگلادیشی بحریہ کے سربراہ ایڈمرل نظم الحسن نے “امن ڈائیلاگ” سے خطاب کرتے ہوئے کہا کہ ان مشقوں میں حصہ لینے والی اقوام کی کئی قدریں مشترک ہیں، شراکت داری اور سیاسی عزم خطے میں امن و استحکام کے لیے ضروری ہے۔
انہوں نے مزید کہاکہ یہ مشقیں نہ صرف علاقائی بلکہ عالمی سطح پر میری ٹائم سکیورٹی کو مستحکم کرنے کا ذریعہ بنیں گی، بحیرہ ہند خطے کی معیشت، سکیورٹی اور جغرافیائی سیاست میں کلیدی کردار ادا کر رہا ہے۔
پاکستان اور بنگلادیش کے میری ٹائم تعلقات میں بہتری کا امکان
بنگلادیشی بحریہ کے سربراہ ایڈمرل نظم الحسن نے پاک بحریہ کے سربراہ ایڈمرل نوید اشرف سے ملاقات کے دوران اس بات پر زور دیا کہ???? ہمیں میری ٹائم سکیورٹی کے شعبے میں تعاون بڑھانا چاہیے، انٹیلی جنس معلومات کے تبادلے، مشترکہ بحری آپریشنز اور سکیورٹی تعاون کو فروغ دینا چاہیے،???? امن مشقوں کا مقصد محض فوجی مشقیں نہیں بلکہ مشترکہ بحری سکیورٹی کو یقینی بنانا ہے۔
بنگلادیشی بحریہ کی ماضی میں امن مشقوں میں شرکت
خیال رہےکہ بنگلادیش کی بحریہ 2007، 2009 اور 2013 میں بھی امن مشقوں کا حصہ بن چکی ہے، مگر 12 سال کے طویل وقفے کے بعد ایک بار پھر ان مشقوں میں شرکت نے پاکستان اور بنگلادیش کے تعلقات میں نئے امکانات پیدا کیے ہیں۔
.ذریعہ: Jasarat News
کلیدی لفظ: بنگلادیشی بحریہ
پڑھیں:
ٹی 20ایشیا کپ: بنگلادیش نے دلچسپ مقابلے کے بعد افغانستان کوشکست دیدی
data-id="863a0a8" data-element_type="widget" data-widget_type="theme-post-content.default">
ابو ظبی: ایشیا کپ ٹی ٹوئنٹی ٹورنامنٹ کے 9 ویں میچ میں بنگلادیش نے افغانستان کو 8 رنز سے شکست دے دی۔ گروپ بی کا یہ میچ ابوظبی میں کھیلا گیا جہاں بنگلادیش نے ٹاس جیت کر پہلے بیٹنگ کرنے کا فیصلہ کیا۔
بنگلادیش نے مقررہ 20 اوورز میں 5 وکٹوں کے نقصان پر 154رنز بنائے۔تنزید حسن 52 اور سیف حسن 30 رنز بناکر نمایاں رہے۔توحید نے 26 رنز اسکورکیے۔افغانستان کی جانب سے راشد خان اور نور احمد نے 2،2 وکٹیں حاصل کیں۔
155 رنز کے ہدف کے جواب میں افغانستان کی ٹیم مقررہ 20 اوورمیں 146 رنز بناکر آؤٹ ہوگئی۔افغانستان کی جانب سے رحمان اللہ گرباز 35، عظمت اللہ 30 اور راشد خان 20 رنز بناکر نمایاں رہے۔
بنگلادیش کی جانب سے مستفیض الرحمان نے 3، نسم احمد، تاسکین احمد اور رشاد نے 2،2 وکٹیں حاصل کیں۔ گروپ بی سری لنکا 2 میچز میں مسلسل کامیابی کے بعد 4 پوائنٹس کے ساتھ پہلے نمبر پر ہے جبکہ بنگلادیش 3 میچز میں 4 پوائنٹس کے ساتھ دوسری پوزیشن پر ہے۔
افغانستان 2 میچز میں 2 پوائنٹس کے ساتھ تیسرے نمبر پر ہے جبکہ ہانگ کانگ کا مسلسل 3 ناکامیوں کے بعد سفر ایونٹ میں ختم ہوگیا ہے
کراچی میں متوقع شدید بارش کے پیش نظر انتظامیہ کو ہائی الرٹ رہنے کا حکم